Lan istripuak
2023/09/08 - 19:57
50 urteko langile bat hil da Legorretan, lan-istripu ez traumatiko batean
Eredu kooperatiban izan zen ezbeharra atzo. LAB sindikatuak emandako datuen arabera, urtea hasi zenetik 35 langile hil dira Euskal Herrian euren lanpostuetan, horietatik 14 istripu ez traumatikoetan.
2023/09/06 - 15:26
50 urteko behargin bat hil da Urruñan, gidatzen ari zen hondeamakina irauli eta azpian harrapatuta
Gizona harrobi batean ari zen lanean. Lankideek makina azpitik ateratzea lortu dute, baina ezin izan dute suspertu.
2023/07/21 - 18:11
33 urteko behargin bat hil da Gasteizko enpresa batean, makina batek harrapatuta
Ezbeharra 12:00ak aldera gertatu da Talleres Aratz enpresan, Barratxi kalean, Betoñuko industrialdean. Bertaratutako larrialdi zerbitzuek ezin izan dute ezer egin gaztearen bizia salbatzeko, eta bertan hil da.
2023/07/18 - 18:15
Faltzesko 56 urteko kamioilari bat hil da Murillo el Cuenden, bere ibilgailua iraulita
Ezbeharra N-121 errepidean gertatu da. Kamioia errepidetik atera da eta, ondoren, irauli egin da. Larrialdi zerbitzuek ezin izan dute ezer egin kamioilariaren bizitza salbatzeko. Biktima ibilgailuaren kabinan harrapatuta zegoen, eta askatu baino lehen hil egin da.
2023/07/13 - 20:27
35 eta 36 urteko bi langile zauritu dira erredurekin Tafallan
35 urteko gizonezkoa helikopteroz eraman dute Zaragozako Miguel Servet Unibertsitate Ospitalera, erredura larriak dituelako, eta 36 urtekoa, berriz, Nafarroako Unibertsitate Ospitalera, pronostiko erreserbatuko erredurak baititu.
2023/07/09 - 11:31
Villavesako gidari bat ospitalera eraman behar izan dute, beroagatik sinkopea izanda, lanean ari zela
Larunbateko 18:30 aldera, autobusa gelditu, jaitsi eta markesina batean eseri zen gidaria, ondoezik, eta zorabiatu egin zen ondoren. Bidaiari bat medikua zen eta hark artatu zuen anbulantzia etorri arte.
2023/06/27 - 14:44
Kamioi gidari bat hil da Ontongo biaduktutik (Kantabria) erori eta su hartu ostean
Erreskate taldeek gidariaren gorpua kamioitik ateratzea lortu dute. Kamioia 20 metro baino gehiago erori da A-8ko biaduktutik, Ontonen (Kantabria), Bilborako norabidean, eta lurra jo duenean su hartu du.
2023/06/24 - 20:30
Gizon bat zauritu da Eugin, baso-lanetan ari zela zuhaitz bat gainera erorita
Eguerdian izan da istripua Bordaxar inguruan. 50 urteko langilea Unibertsitate Ospitalera eraman dute pronostiko erreserbatuarekin.
2023/05/31 - 18:46
Kamioilari bat hil da Agurainen izandako istripuan
A1 autobia itxi behar izan dute, eta bypassa ezarri dute A3138 errepidetik. Beste bi pertsona zauritu dira ezbeharrean. Zaurituetako bat anbulantzian Santiago Ospitalera eraman dute, eta bestea helikopteroan Txagorritxura.
2023/05/19 - 13:54
Eraikuntzako langile bat larri zauritu da Barakaldon, bosgarren solairutik erorita
Ezbeharra atzo eguerdian gertatu zen, Ibarra kalean, eta zauritutako langilea larri zaurituta eraman zuten ospitalera.
2023/05/18 - 18:59
Hil egin da joan den ostiralean Burlatan lan-istripua izan zuen langilea
22 urteko mutila oso larri eraman zuten Nafarroako Unibertsitate Ospitalera. Lanean ari zela, makina jasotzaile batek azpian harrapatu zuen eta traumatismo torazikoa eragin zion.
2023/05/15 - 19:36
62 urteko langile bat hil da Azkoitian, garabi bat gidatzen ari zela 3 metroko altueratik erorita
Montajes Olaizola SL enpresako langile bat zen. LAB sindikatuak eman du joan den ostegunean izandako ezbeharraren berri, eta hurrengo mobilizazioetan parte hartzeko deia egin die herritarrei.
2023/05/12 - 19:07
Gazte bat oso larri zauritu da Burlatako Iturrondo industrialdean izandako lan istripu batean
Foru Gobernuak emandako lehen informazioen arabera, langileak traumatismo torazikoa izan du, makina jasotzaile batek harrapatu ostean.
2023/05/05 - 10:04
59 urteko kamioi gidari bat hil da Santakaran izandako istripuan
Ibilgailua bidetik atera da, eta kolpearen ondorioz, bertan zendu da gidaria. Atoian animaliak zeramatzan kamioiak.
2023/04/28 - 19:04
Langile bat larri zauritu da Izaban, zuhaitz bat gainera erorita
45 urteko gizonak istripua izan du 10 metro baino gehiagoko zuhaitz bat gainera erori zaionean. Nabaskozekoa langileak pronostiko larriko politraumatismoak ditu.
2023/04/28 - 17:51
Sindikatuek erakundeen esku-hartzea eskatu dute lan-osasuna bermatuko duten neurriak hartzeko
Lan Osasuneko eta Segurtasuneko Nazioarteko Egunaren harira, LABek eta CC. OO.k amiantoaren biktimak izan dituzte aldarrikapenen erdigunean, eta UGTk buruko osasunean jarri du azpimarra. ELAk salatu du gobernuek ez dutela baliabiderik lan-istripuak galarazteko.
2023/04/20 - 11:56
Bertan behera geratu da Durangoko epaitegian agertu behar zuten teknikarien deklarazioa
Justizia Administrazioan egiten ari diren grebak eragotzi du Ingurumen Saileko hiru teknikarien deklarazioa.
2023/04/20 - 07:00
Zaldibarko luiziaren harira ikertutako Ingurumen Saileko hiru teknikarik epaitegian deklaratuko dute gaur
Ingurumen Sailburuordetzako Ikuskapen Zerbitzuko teknikari gisa deitu dituzte, 2011ko martxoaren 24ko ingurumen-baimena Verterri emateko prozesuan esku hartu zutelako.
2023/04/18 - 09:25
Kamioilari bat hil da AP-1ean, Erriberabeitian, haren ibilgailua amilduta
Ezbeharra goizaldean jazo da. Araban 24 ordu eskasean hildako bigarren garraiolaria da honakoa, atzo Zambranan beste bat zendu baitzen.
2023/04/17 - 15:18
Kamioilari bat hil da AP-68an, Zambrana parean, izandako istripu batean
Suhiltzaileek atera behar izan dute 39 urteko gidaria, ibilgailu barruan harrapatuta geratu baita. Handik gutxira, haren heriotza baieztatu dute bertaratutako osasun-langileek.