Libano

2024/09/28 - 11:13

Etxebizitza eraikin bat suntsitu du Israelek Beirut hegoaldean, Libanon egindako seigarren erasoan

400 pertsona baino gehiago hil dira Libanon Gazako gerra hasi zenetik. Gutxienez 6 pertsona hil eta 91 zauritu dira Israelen azken erasoan.

2024/09/27 - 20:51

Ehunka mila desplazatu Libanon, Israelen bonbardaketen ondorioz

Save the Childrenek 400.000 desplazatu zenbatu ditu azken astean, eta horietatik 140.000 haurrak dira. Desplazamenduen erdiak baino gehiago barnekoak dira, Libano barrukoak, eta gainerakoak herrialdetik irten diren pertsonak dira.

2024/09/27 - 20:47

Israelek etxebizitzak bonbardatu ditu Beiruten, Netanyahuk NBEn egindako hitzaldia amaitu eta gutxira

Israelgo Armadak azaldu duenez, Hezbollah talde xiitaren "kuartel nagusiak" helburu zituen beste eraso bat egin dute, baina bulego horiek "etxebizitza eraikinen azpian" daudela erantsi du.

2024/09/27 - 20:45

Beiruteko eraikin batean zegoen Hezbollahren ''egoitza nagusia'' bonbardatu duela iragarri du Israelek

Israelgo ehiza-hegazkinek hainbat aire-eraso egin dituzte Beirut hegoaldean. Azken hilabeteetako erasorik bortitzena izan da. Israelgo Armadak Hezbollah talde xiitaren kuartel nagusia bonbardatu duela iragarri du.

2024/09/27 - 19:55

Ordezkaritza askok NBEko Batzar Nagusia utzi dute Netanyahuk bere hitzaldia hasi duenean

Benjamin Netanyahu Israelgo lehen ministroa oholtzara igo denean, ordezkaritza ugarik, arabiarrek batez ere, aretotik alde egin dute.

2024/09/27 - 18:45

Netanyahu: "Iranen ez dago lekurik Israelek erasotu ezin duenik, eta horrek Ekialde Hurbil osorako balio du"

Israelgo lehen ministroak onartu du ez zuela batzarrera joateko asmorik, baina joatea erabaki du, "podium honetatik nire herrialdeari zuzendutako gezur eta irain guztiak entzun ostean gauzak argi uzteko".

2024/09/27 - 13:21

Israelek atea ireki dio Libanon su-eten proposamen bat eztabaidatzeari

Israelgo Armadak, gauerdia pasata eta Israelgo lurraldetik kanpo, irismen luzeko misil bat atzeman du, eta Israelek Libanon egindako azken erasoaldiak bederatzi kideko familia bat hil du.

2024/09/26 - 23:10

Israelek beste 60 pertsona hil ditu Libanon, eta 700 dira jada astelehenetik hil dituenak

Gainera, Israelen bonbardaketek 81 zauritu utzi dituzte gaur. Eraso horiek 90.000 pertsona baino gehiago etxea uztera behartu dute. Milaka libanoar eta siriar ihesi doaz Libanotik Siriara. Israelek muga horretako hainbat pasabide bonbardatu ditu gaur.

2024/09/26 - 13:31

Netanyahuk su eten eskaerak baztertu ditu eta Armadari Libano "indar guztiekin" erasotzeko eskatu dio

Israelgo lehen ministroaren bulegoak zehaztu duenez, Netanyahuk ez die erantzun ere egin Frantziari eta AEBri. Bi herrialdeek 21 eguneko menia ezartzeko galdegin diote gatazka are gehiago gaiztotu ez dadin.

2024/09/26 - 13:21

''Ihes egin behar izan genuen misilak hasi zirelako; ez dugu ez arroparik, ez ezer''

Mercedes Santana donostiarra Libanon bizi da duela bost urte, senarrarekin batera, Israelgo mugatik 50 kilometrora. Israelek bere etxea bonbardatu eta suntsitu ostean ihes egin zuten astelehenean, eta handik nola irten bilatzen ari dira orain.

2024/09/25 - 23:14

Libano hegoaldean lurreko inbasioa egitea aurreikusten du Israelek

Hezbollahren posizioak bonbardatzen jarraitu du gaur Israelek, eta, gutxienez, 50 hildako eta 200 zauritu utzi ditu. Israelgo Estatu Nagusiko buruak tropei esan die bonbardaketa horiek Hezbollahk azpiegiturak dituen herrietan sartzeko prestaketak direla.

2024/09/25 - 19:48

Israel Libanon lurreko erasoaldi bat egiteko prestatzen ari da, eta baliteke eremu gehiago okupatzea

Gutxienez 51 pertsona hil eta 223 zauritu ditu gaur Israelek Libano hegoaldeko eta ekialdeko hainbat eremutan egindako bonbardaketetan. Armadak aire eraso gogorrak egiten jarraitzen du, hirugarren egunez jarraian.

2024/09/25 - 11:27

Hezbollahk Tel Avivi eraso dio, lehen aldiz

Bien bitartean, Israelen bonbardaketek ez dute etenik Libanon. Bart, herrialdearen hegoaldeko eta mendebaldeko zenbait gune bonbardatu dituzte israeldarrek. Ia 600 libanoar hil eta 1.800 zauritu dituzte azken egunotan.

2024/09/25 - 11:23

Israelen azken bonbardaketek 19 hildako utzi dituzte gaur Libanon

Azken orduotan milaka libanoarrek euren etxeak utzi dituzte eta iparralderako bidea hartu dute, babes bila. Nazio Batuen Erakundeak errefuxiatu palestinarrentzako duen agentziak (UNRWA) bi larrialdi-babesleku jarri ditu martxan, erasoetatik ihesean doazen herritarrei babesa emateko.

2024/09/25 - 09:59

Albiste izango dira: Gerra Libanon, EITB Gala Zinemaldian eta Aitor borraska

Gaurkoan albiste izango direnen laburpena, bi hitzetan.

2024/09/25 - 00:00

Manifestazioa deitu dute Bilbon urriaren 5erako, Palestinako herriaren askatasuna berriro aldarrikatzeko

'Palestinarekin Elkartasuna' taldeko bozeramaileak Israelekin "harreman normalizatuak" dituzten gobernuak kritikatu ditu. Deitoratu duenez, "Libanoko erasoek erakusten dute sionistak ahalegintzen ari direla genozidioa eskualdeko beste herrialde batzuetara zabaltzeko".

2024/09/24 - 21:57

Gasteiz Txikik salatuta, Udalak Erdi Aroko azokatik Dabiden izarra zuten bandera batzuk kendu ditu

Arabako hiriburuko Alde Zaharreko bizilagunen elkartea haserre agertu da bandera txiki horiek hainbat kaletan jarri dituztelako, Israel Gaza eta Libano erasotzen ari denean.

2024/09/24 - 19:06

Hezbollahren misilen unitateko burua Beiruten hil duela ziurtatu du Israelek

Israelek beste erasoaldi bat egin du gaur Beiruten. "Bonbardaketa selektibo" batekin hainbat eraikin suntsitu ditu Libanoko hiriburuan. Azken datuen arabera, 550 pertsona baino gehiago hil dituzte Libanon azken egunetan.

2024/09/24 - 17:51

Israelek urritik bosgarren aldiz erasoaldia egin du Beiruten, eta gutxienez sei pertsona hil ditu

Israelgo Armadak ziurtatu du bonbardaketa horretan Hezbollhako komandante bat hil duela. Armadako buruak esan du ez diotela atsedenik emango Hezbollahri, eta gaur bertan Libanon "ofentsiba areagotu" egingo dutela ohartarazi du. Azken datuen arabera, 550 pertsona baino gehiago hil dituzte Libanon.

2024/09/24 - 16:41

Mikel Ayestaran: ''Lur inbasioaren aukera mahai gainean dago''

Israelek azken 20 urteetako sarraskirik handiena eragin du Libanon. Ia 500 lagun hil ditu, zaurituak 1.600 baino gehiago dira eta desplazatuak ere milaka. Mikel Ayestaran erasoen lekuko da, Beiruten.