Madril
2023/11/08 - 13:20
Gamarrak istiluak gaitzetsi, eta "gizartearen gogo txarra" modu baketsuan bideratzea eskatu du
"Gizartearen gogo txarra eta Sanchez negoziatzen ari den amnistiaren kontrako oldarraldia bideratzeko modu asko daude. Horretarako, bide baketsuak eta demokratikoak aukeratu behar dira beti, PPk egin ohi duen bezala", esan du.
2023/11/08 - 12:02
Diaz Ayusok indarkeria gaitzetsi du, baina ''demokraziaren alde'' protesta egiten dutenak defendatu ditu
Madrilgo Asanbladako osoko bilkuran egindako lehen agerraldian, Isabel Diaz Ayusok gaitzetsi egin ditu azken egunetako "ekintza bandalikoak". Egileak "atxilotzea eta epaitzea" espero duela gaineratu du eta Estatuko Segurtasun Indar eta Kidegoei babesa eskaini die
2023/11/08 - 10:44
Iñigo Martinezek "arduragabekeria" egotzi dio PPri, Ferrazeko protestak "argi" ez gaitzesteagatik
Elkarrekin Podemos-Ezker Anitzako legebiltzarkidearen iritziz, Euskadiko PPko presidenteak manifestazio "sanoak" direla esanez egindako adierazpenek argi erakusten dute PPren jarrera eta "arduragabekeria".
2023/11/08 - 09:41
Amnistiaren eta Sanchezen aurkako mobilizazioak istiluekin amaitu dira bigarren gauez jarraian
39 pertsona zauritu dira, tartean 30 polizia, eta sei lagun atxilotu dituzte. Kargak 22:00ak aldera hasi dira, aurreko minutuetan tentsioa handitu baita manifestariek agenteei petardoak eta beste objektu batzuk jaurti ondoren; segurtasun-hesiak botatzen saiatu dira.
2023/11/07 - 23:37
Amnistiaren aurkako protestak istiluekin bukatu dira bigarren gauez jarraian, Madrilen
Poliziek amnistiaren legearen aurka protesta egiten ari zen manifestari talde baten aurka kargatu du gauean, Madrilgo Ferraz kaleko egoitza sozialistaren inguruan.
2023/11/07 - 21:18
Ferrazeko protestetan Poliziak izandako jokaera defendatu du Grande-Marlaskak
Fernando Grande-Marlaska Espainiako Gobernuko jarduneko Barne Ministroak adierazi du irizpide operatiboak bultzatuta jokatu zutela, eta ez irizpide politikoengatik. Onartezintzat jo du segurtasun indarren profesionaltasuna zalantzan jartzea.
2023/11/07 - 13:38
"Ultra itxurako" 200 infiltratu antzeman zituen Poliziak atzo, Ferrazen protesta egin zutenen artean
Hiru lagun atxilotu zituen Poliziak, horietako bi agenteei eraso egitea leporatuta eta hirugarrena desobedientzia egotzita. Poliziak ke potoak eta gas negar-eragilea erabili zituen.
2023/11/07 - 13:37
Auzitegi Konstituzionalak aberastasun handien gaineko zerga babestu du
Konstituzionalak atzera bota du Madrilgo Erkidegoak fortuna handien gaineko zergaren aurka jarritako helegitea. Madrilgo Gobernuak aurtengo otsailean aurkeztu zuen helegite hori, Madrilgo Erkidegoaren aurkako "atentatua" zelakoan.
2023/11/07 - 09:55
Hiru atxilotu eta Poliziaren kargak, amnistiaren aurka PSOEren egoitza nagusiaren aurrean egindako protestan
Espainiako Gobernuak Madrilen duen Ordezkaritzak emandako datuen arabera, 3.800 pertsona inguru elkartu dira astelehen honetan Madrilgo Ferraz kalean.
2023/11/07 - 09:47
Bi atxilotu eta Poliziaren kargak PSOEren Madrilgo egoitzaren aurrean Voxek deitutako elkarretaratzean
Elkarretaratzean parte hartu duten 3.800 lagunek PSOEren eta independentisten arteko itunen eta ERCrekin dagoeneko itxita dagoen amnistia legearen aurka egin dute.
2023/11/06 - 12:20
Getafen bikotekide ohia hil zuen gizona atxilotu dute bigarrenez, lehenengoan aske utzi ostean
Igande gauerdian Poliziaren aurrean agertu zen, hilketa gertatu zenean kanpoan zegoela zioten froga faltsuekin.
2023/11/06 - 06:05
Amnistiaren aurkako adierazpen instituzionalaren proposamena eztabaidatzeko bilduko da gaur Botere Judiziala
Bloke kontserbadoreko zortzi kidek bultzatutako ekimenaren aurka bozkatuko du, ziur aski, bloke aurrerakoiak.
2023/11/05 - 12:09
Ehunka herritar batu dira PSOEren egoitzaren aurrean amnistia legearen aurka protesta egiteko
Esperanza Aguirre Madrilgo presidente ohia ere bertan izan da, eta amnistiaren inguruko erreferenduma eskatu dio Pedro Sanchezi. Astelehenean beste protesta bat egingo dute.
2023/11/04 - 10:46
Pertsona bat atxilotu dute PSOEren Ferrazeko egoitzaren ondoan amnistiaren aurka egindako protestan
"Puigdemont espetxera" eta "Pedro Sanchez espetxera" oihukatu dute sare sozialen bitartez deituta elkarretaratzean bildu direnek.
2023/10/20 - 11:21
Aline ekaitzak gorabehera ugari eragin ditu espainiar Estatuan, bereziki Madrilen
Atzoko euriteek markak hautsi zituzten Madril hiriburuan, 104 litrorekin. 1972ko marka aise gainditu zen. Ekaitzak Penintsulako hegoaldea ere jo zuen, eta Andaluzian, adibidez, ia 1.750 intzidentzia izan ziren.
2023/10/11 - 13:14
Euskadin dira dagoeneko Israeldik ebakuatutako hainbat herritar
Atzo Israeldik hegazkin militarrean ebakuatu zituzten 20 turista bilbotarrak gaur goizean iritsi dira Loiuko aireportura. Lander Cerrillo 24 urteko dantzari donostiarra ere etxean da.
2023/09/26 - 12:48
Autobus bateko bidaiari bat atxilotu dute Irunen, maletetan 19 kilo marihuana eramatea egotzita
Madrildik Parisera zihoan autobusa miatu dutenean, Poliziako txakurrek bi maletatan jarri dute arreta ekipajearen artean. Orduan, ireki dituztenean, poliziek egiaztatu dute haietan marihuanaz betetako 38 poltsa zeudela.
2023/09/25 - 16:35
Torbe ez da kartzelan sartuko, haur pornografia grabatu eta zabaldu zuela aitortu eta akordioa lortu ostean
Porno zinema ekoizleak leporatzen zizkioten delituak onartu ditu, hots, haur-pornografia banatzea eta edukitzea eta sekretuak ezagutaraztea. Fiskaltzarekin eta akusazioekin akordioa lortu ondoren, espetxea saihestu ahalko du.
2023/09/25 - 11:47
Gizon bat atxilotu dute Madrilen emakume baten hilketarekin lotuta
Hilketa matxista gisa ari ziren ikertzen kasua. Atxilotuak polizia-etxean aurkeztu zuen bere burua igande gauean.
2023/09/25 - 11:11
Gaur hasiko da Torberen aurkako epaiketa, ustez bi adin txikikoren irudiak grabatu eta zabaltzeagatik
09:30etik aurrera, haur-pornografia banatzea eta edukitzea eta sekretuak ezagutaraztea egotzita epaituko dute. Iturri judizialek jakitera eman dutenez, Torbek leporatzen zaizkionak onartzea aurreikusten da, Fiskaltzarekin akordioa lortu ondoren, zigor arinagoa jasotzeko.