María Chivite
2023/08/15 - 19:38
Maria Chivite aukeratu dute berriro Nafarroako presidente
PSN, Geroa Bai eta Zurekin Nafarroa alderdien aldeko botoak eta EH Bilduren abstentzioa lortu ditu. Chivite herritarren konfiantza berretsi duen eta Nafarroako bi gobernu zuzendu dituen lehen emakumezko presidentea da.
2023/08/15 - 09:46
Gaur izendatuko dute Maria Chivite Nafarroako presidente, gehiengo soilarekin
Bigarren bozketa 17:20an egingo da, lehenengoa egin eta 24 ordura, eta hautagai sozialistak kontrako baino aldeko boto gehiago behar ditu presidente izendatzeko.
2023/08/14 - 23:02
Ezustekorik ezean, gehiengo soilez egingo dute Chivite Nafarroako presidente, asteartean
Astearteko 17:20an egingo da bigarren bozketa, lehenengotik 24 ordura, eta konfiantza emandakotzat joko da hautagai sozialistak Ganberako kideen gehiengo soila lortzen badu, kontrako baino aldeko boto gehiagorekin.
2023/08/14 - 19:43
Maria Chivitek ez du gehiengo osoa lortu Nafarroako presidente izateko
Maria Chivite sozialistak ez du gehiengo osoa lortu bigarren aldiz Nafarroako presidente izateko. Chivitek 24 ordu itxaron beharko ditu, Nafarroako Parlamentuko araudiak agintzen duen bezala, bere helburua lortzeko.
2023/08/14 - 16:35
Gobernu berria "zatituta" jaio dela dio UPNk eta "zorrotza" izango dela ohartarazi du EH Bilduk
Geroa Bairen arabera, gobernu akordioak 2015ean hasitako bideari jarraituko dio. Zurekin Nafarroak, bere aldetik, nabarmendu du bere babesa ez dela "txeke zuri bat", bide baten "hasiera" baizik.
2023/08/14 - 16:05
Maite Nosti (Vox): ''Chivite anderea, zure botere anbizioa neurrigabea da''
Alderdi komunista batekin eta Sabino Aranaren jarraitzaile den alderdi separatista batekin ituna egitea leporatu dio Voxeko parlamentariak Maria Chiviteri. PSNk "alderdi komunista, abertzale, separtista eta 'filoetarra' baten babesa" izango duela ere salatu du.
2023/08/14 - 14:21
Aznalek, Chiviteri: ''Gauza bat da inbestidura bat gainditzea eta beste bat lau urtez gobernatzea''
Laura Aznal EH Bilduren Nafarroako bozeramaileak Maria Chiviteren inbestidura saioan adierazi duenez, haien lehen helburua "eskuinari atea ixtea" da.
2023/08/14 - 13:47
PSN: ''Maria Chiviteren Gobernua eskuinak antolatutako erasoen aurrean gotorleku izango da''
Ramon Alzorizek adierazi duenez, beharrezkoa da "sexu-askatasunean, indarkeria matxistan, sormen-askatasunean eta trantsizio ekologikoan 40 urte baino gehiago atzera egiteko eskuinaren saiakeraren aurrean fronte komun bat egitea".
2023/08/14 - 13:43
Esparzak dio Chiviteren Gobernuak ''Nafarroako enpleguaren aurkako atentaturik handiena'' egin duela
UPNko presidenteak "atzerapausoak" bultzatzea leporatu dio egungo Gobernuari, eta enpresa batzordearen aurrean, Volkswagen defendatu izana egotzi dio.
2023/08/14 - 12:39
Chivitek euskarari buruzko akordioa bultzatuko du, ''errealitate soziolinguistikotik abiatuta''
Maria Chivitek inbestidura saioan esan duenez, Gobernu berriak Euskararen bigarren Plan Estrategikoa onartzea espero du. Horretaz gain, "formazioan eta hedabideetan" euskararen presentzia sustatuko dute eta Euskarabidearen jarduera mantenduko da.
2023/08/14 - 12:12
Maria Chivitek gobernu ''aurrerakoia'' defendatu du, ''eskuinen inboluzioaren'' aurrean
Maria Chivitek adierazi duenez, eskuineko alderdiak eskubideetan murrizketak egiten hasi dira, "politika publikoetara genero indarkeriaren, klima aldaketaren eta aniztasunaren ukazioa eramanez".
2023/08/14 - 09:27
Gaur hasiko da Chivite Nafarroako presidente izendatzeko inbestidura saioa
Nafarroako Parlamentuak 50 eserleku ditu, eta alderdiek dagoeneko iragarri dituzte euren botoak. PSNk (11), Geroa Baik (7) eta Zurekin Nafarroak (3) alde bozkatuko dute, eta EH Bildu (9) abstenitu egingo da.
2023/08/10 - 17:16
Chiviteren inbestidura saioa datorren astelehen eta asteartean izango da azkenean
Nafarroako Parlamentuko Mahaiak eta Bozeramaileen Batzordeak jakinarazi dute inbestidura saioa abuztuaren 14an eta 15ean egitea erabaki dutela, eta ez asteburu honetan, atzo Unai Hualde Ganberako presidenteak proposatu bezala.
2023/08/10 - 12:28
EH Bilduko militanteen % 82,7 abstentzioarekin Chiviteren inbestidura ahalbidetzearen alde agertu dira
"Bilkideen gehiengo zabalak Nafarroako Mahaiaren irakurketa politikoarekin bat egin du Chiviteren inbestidura abstentzioaren bidez ahalbidetzearen alde eginez", esan du koalizio subiranistak Twitter bidez zabaldutako mezuan.
2023/08/10 - 12:14
Alzorriz: "Chiviteren inbestidura egun bat atzeratu behar bada, atzeratu egingo dugu"
Nafarroako Parlamentuko araudiak 72 orduko epea ezartzen du bilera-sortaren eta inbestidura saioaren artean, baina PSNko Antolakuntza idazkariak azaldu duenez, 2019an bi eguneko epearekin egin zen eta "ez zen ezer gertatu".
2023/08/09 - 15:33
Hualdek Chiviteren inbestidura larunbatean hastea proposatu du
Abuztuaren 12ko goizean egingo lukete eztabaida, eta arratsaldean bozketa. Chivitek ez balu gehiengo osoz irabazi, bigarren bozketa igandean egingo lukete, eta gehiengo sinplea nahikoa litzateke. Parlamentuko Mahaiak erabakia hartuko du bihar.
2023/08/08 - 15:06
Chivitek, Barkosek eta Alfarok izenpetu dute "gobernu ezkertiar eta anitza" berresteko akordioa
PSN, Geroa Bai eta Zurekin Nafarroa indarren buruzagiek itunaren garrantzia nabarmendu dute. Beste behin, zerbitzu publikoak indartuko dituztela azpimarratu dute, "Nafarroaren etorkizunaren alde egiten jarraitzeko". Gobernuak hiru Presidentetza izango ditu, talde bakoitzeko bana.
2023/08/08 - 13:32
EH Bilduk hasi du Chiviteren inbestiduran abstenitu ala ez erabakitzeko kontsulta
Koalizioak EITBri baieztatu dionez, Maria Chiviteren inbestidura saioan abstentziora jotzea babesten duten galdetuko die militanteei. Galdeketa telematikoa izango da, eta emaitzak ostegunean ezagutuko dira.
2023/08/08 - 00:08
Geroa Baik, PSNk eta Zurekin Nafarroak hiruko Gobernua osatzeko akordioa itxi dute
Nafarroako Parlamentuan bost ordu inguru iraun duen bilera batean lortu dute. Geroa Baik kontraproposamena egin du bertan, bazkideen arteko desadostasunak gainditu eta akordio programatikoa kontrol neurriak adosteko.
2023/08/07 - 16:12
Amaitu da Chiviteren inbestidura babesten ote duen erabakitzeko Geroa Baik egin duen bilera
Amaieran, koalizioko ordezkariek ez dute adierazpenik egin nahi izan. Azken proposamena onartuz gero, baliteke PSNrekin eta Zurekin Nafarroarekin arratsaldean biltzea. Ondoren, Hualdek bilera sorta berri bat egin beharko luke eta inbestidura saioa deitu, gutxienez hiru egun lehenago.