Urkulluk eta Chivitek esan dute albiste ona dela Palestinako Estatua aitortzea
"Aitortza hau urrats on bat litzateke, badirelarik munduan errealitate propioa duten eta eskubide bera izan dezaketen beste herri batzuk ere". Iñigo Urkullu jardunean dagoen lehendakariaren hitzak dira, Palestinako Estatua aitortzeko Espainiak, Norvegiak eta Irlandak egindako iragarpenaren harira.
Sare-sozial batean zabaldutako mezuan, Urkulluk azaldu du "herrien autodeterminazioaren eskubidean oinarrituta eta Palestinako herriaren errealitatea kontutan hartuta", Palestina nazioartean Estatu gisa aitortzea "erabaki ona" litzakeela.
Erantsi duenez, "Nazio Batuen irizpideekin bat egiten" du. "Urteetan egindako proposamena izan da, Hamas eta Israelgo Gobernuaren arteko azken gatazka hasi aurretik, ere bai".
Ildo beretik mintzatu da Maria Chivite Nafarroako Gobernuko presidentea. Bere hitzetan, "giza eskubideak defendatzen ditugunontzat, albisterik onena da Palestinako Estatua aitortzea, aitzakiarik gabe". "Giza eskubideen eta Gazan su-eten baten alde. Bakea, Justizia eta Koherentzia", idatzi du X sare-sozialean zabaldutako mezu batean.
Espainiak, Norvegiak eta Irlandak maiatzaren 28an aitortuko dute Palestinako Estatua. Hiru herrialdeotako gobernuburuek, ia aldi berean egindako agerraldietan, jakinarazi dute berria, eta dei egin diete oraindik urrats hori eman ez duten beste herrialdeei, zerrendara batzeko.
Albistea zabaldu eta berehala heldu da Israelgo Gobernuaren erantzuna. Kontsultara deitu ditu Espainiako, Irlandako eta Norvegiako bere enbaxadoreak.
Bere aldetik, Mahmud Abbas Palestinako Aginte Nazionaleko presidenteak txalotu egin du erabakia, eta uste du lagungarria izango dela gatazkaren konponbidean.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.