Norvegiak eta Irlandak ere Palestinar Estatua aitortuko dute maiatzaren 28an
Espainiako Gobernuak bezala, Norvegiak eta Irlandak ere Palestina Estatua dela aitortuko dute datorren maiatzaren 28an. Hiru herrialdeok elkarrekin adostutako erabakia izan da, eta iragarri ere modu koordinatuan egin dute, ia aldi berean.
Oslon egindako agerraldi batean, 09:00ak jota, Jonas Gahr Store Norvegiako lehen ministroak hedabideen aurrean jakinarazi du berria. "Ekialde Hurbilean ez da bakerik izango, Israelek eta Palestinak euren Estatu propioa ez duten bitartean. Gatazkak duen konponbide bakarra hori da", esan du.
Bide horretan, gehitu du Palestinak zein Israelek "bakoitzak bere Estatuan bakean bizitzeko eskubide osoa" dutela. Ekialde Hurbileko "hondamendia" gelditzea eskatu du, bi aldeek "konfiantza berreskuratu" dezaten.
Ordu beretsuan, Dublinetik egin ditu oso antzeko adierazpenak Simon Harris Irlandako lehen ministroak. "Gaur, Irlandak, Norvegiak eta Espainiak Estatu palestinarra aitortzen dugula iragartzen dugu", azaldu du.
Buruzagi irlandarraren hitzetan, egun "historikoa eta garrantzitsua da Irlandarentzat eta Palestinarentzat". Nazioarteko Zuzenbidearen ardatzak "askatasuna eta justizia" direla gehitu du, eta horrenbestez, "bake iraunkorraren alde" lan egitea dagokiola bere herrialdeari.
Berehala etorri da Israelgo Gobernuaren erantzuna, eta jada deitu ditu kontsultara Norvegian eta Irlandan dituen enbaxadoreak. Ondorengo orduotan, Espainiako enbaxadorea deitzea ere espero da. "Terrorismoa erabiltzeak emaitzak ekartzen dituela da munduari helarazi dioten mezua", esan du Israel Katz Israelgo Atzerri ministroak.
Hurrengo iragarpenak
Esloveniak eta Maltak martxoan jakinarazi zuten Estatu palestinarra aitortzeko prest zeudela, "baldintza egokiak" ematen zirenean.
Gaur, egunik zehaztu ez badu ere, Esloveniako Gobernuak azaldu du "laster" emango duela urratsa. Halaber, Robert Golob lehen ministro esloveniarrak erantsi du datozen egunotan, oraindik Palestinako Estatua aitortu ez duten hainbat herrialderekin hitz egiteko asmoa duela, horiek ere zerrendara batu daitezen.
Maltak, bere aldetik, ez du gaiaren inguruan ezer aurreratu, baina pausoa emateko prest dagoela berretsi du. "Aitortzak gatazkari mesede egingo dionean eta baldintzak egokiak direnean emango dugu urratsa".
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.