Espainiak datorren asteartean aitortuko du Estatu palestinarra
Pedro Sanchez Espainiako Gobernuko presidenteak iragarri du Espainiak maiatzaren 28an aitortuko duela Estatu palestinarra. Hala, emandako hitza bete du; izan ere, aitortza uztaila baino lehen iritsiko zela esan zuen. Datorren asteartean egingo den Ministroen Kontseiluan egingo da formalki aitortza hori.
Espainiako presidenteak azaldu duenez, erabakia Espainiako Gobernuko bi kideen artean adostu dute, eta adierazi du Espainiako herritarren gehiengo zabalaren iritzia kontuan hartu dutela.
Presidentearen arabera, Espainiak aitorpen hori hiru arrazoirengatik egingo du: bakeagatik, justiziagatik eta koherentziagatik. "Hori da zuzenena", esan du, eta erabaki horren berri Espainiako Erregeari, Antonio Guterres NBEko idazkari nagusiari eta Charles Michel eta Ursula von der Leyen Europako Kontseiluko eta Batzordeko presidenteei eman diela gaineratu du.
Era berean, azken hilabeteetan nazioarteko beste buruzagi batzuekin izan dituen harremanak nabarmendu ditu, eta aurreratu du datozen asteetan beste herrialde batzuk ere gauza bera egingo dutela. "Aitorpen hau ez da bukaera bat. Hasiera besterik ez da, eta nazioarteari presioa egiten jarraituko dugu", ziurtatu du Espainiako Gobernuko presidenteak.
Sanchezekin batera, goizeko lehen ordua baliatu dute Irlandako eta Norvegiako ordezkariek, iragartzeko eurek ere maiatzaren 28an aitortuko dutela Palestina Estatu gisa, eta guztiek esan dute espero dutela gainerako herrialdeek bide beretik jarraitzea. Dagoeneko 140 herrialdek aitortu dute Palestina Estatu gisa.
Israeldik lehen erreakzioa iritsi da. Israel Katz atzerri ministroak Irlandako eta Norvegiako enbaxadak deitu ditu batzartzeko, iragarpenaren berri izan orduko. Eta Espainiari ere eman dio aitorpen horrek izango lituzkeen "ondorio larrien" berri.
Israelgo gobernuak uste du muduari emandako mezua dela terrorismoak merezi duela, eta Hamas konpentsatzen dutela honekin.
Sanchezen iragarpenaren ondorengo erreakzioak
Yolanda Diaz Sumarreko buruak adierazi duenez, gaur ospakizun eguna da Palestinako Estatuaren aitorpena dela eta. Horrez gain, bere alderdiak Netanyahu ikertzea proposatu du, eta Israelen aurkako Nazioarteko Gortearen auzian Espainia aurkeztea eskatu du.
Alberto Nuñez Feijoo PPko buruak konponbidea bilatzearen alde dagoela berretsi du, baina aurretik bahituak entregatzea, su-etena, laguntza humanitarioa banatzea eta gatazka eskualdeko gainerako herrialdeetara ez zabaltzea beharrezkoa dela babestu du.
Ione Belarra Podemoseko buruzaren ustez, "bitartekorik gabeko Estatu palestinarraren onarpen sinbolikoak ez du premiazkoena konpontzeko balio", eta armak kentzea eta Israelgo Estatuarekin harreman diplomatikoak etetea eskatu du.
Aitor Esteban EAJk Kongresuan duen bozeramailearen ustez, erabakiak "Israeli arreta deitzeko" balioko du, baina "sinbolikoa" izango da, Palestinak orain ez baitu "benetako ordezkaritza" duen agintaririk.
Azkenik, Mertxe Aizpurua EH Bilduk Kongresuan duen bozeramaileak bere erabakiak "ondo neurtzeko" eskatu dio Sanchezi, eta Israelekin edo Marokorekin duen laxotasuna Argentinaren aurrean duen irmotasunarekin alderatu du.
Zure interesekoa izan daiteke
Lander Martinez (Sumar): “Hauteskunde orokor erabakigarriak egongo dira, eta gure helburua da gobernu aurrerakoiari eustea”
Asteburuan Madrilen egin den Sumar alderdiaren ezohiko batzarraren ostean, Lander Martinez diputatuak adierazi du “arrakastatsua” izan dela prozesua; bertan, Veronica Martinez Barbero eta Rosa Martinez zuzendaritzako koordinatzaile berri izendatu dituzte. Era berean, azpimarratu du alderdiaren lehentasuna datorren urteko hauteskunde orokor erabakigarrietan “gobernu aurrerakoi bati eustea” izan behar dela.
Ubarretxenak esan du "autogobernu handiagoak ongizate handiagoa" dakarrela
Agirre lehendakariaren agintaldiaren 90. urteurrenaren harira, EHUren udako ikastaroetan parte hartu du, eta kritikatu du "askotan autogobernua eta ongizatea kontzeptuak bereizten saiatzen" direla, eta lehenengoa "gai identitarioekin" lotzen dela, gauza praktikoen kontra joango balitz bezala.
Arazo diplomatikoa eragin du Rajoyk, Frantziak “frantsesik gabe” jokatzen duela adierazita
Laurent Nuñez Barne ministroaren hitzetan, adierazpenak "onartezinak" eta "aberranteak" dira, "Frantzia herrialde askotarikoa" delako.
Zigor Kodea erreformatzeak ez luke Ertzaintzaren aurkako erasoak gutxitzen lagunduko, Mertxe Aizpuruaren arabera
EH Bilduren Diputatuen Kongresuko bozeramaileak adierazi duenez, uda hasi zenetik hainbat festa izan dira, eta ez da izan Bingen Zupiria Segurtasun sailburuak iragarritako GKS eta Ernairen arteko istilurik. Halaber, erasoak "hauspotu" eta Ertzaintza "instrumentalizatu" nahi izana salatu du.
De Andres (PP): “Euskal gizartearen parte batek bullying-a jasaten du: ertzainek, alkateek eta Espainiako selekzioaren elastikoa daramatenek”
Javier de Andres EAEko PPko presidentea elkarrizketatu dute Radio Euskadiko Boulevard saioan, eta salatu du euskal gizartearen zati batek “bullyinga” jasaten duela. Haren esanetan, horien artean daude “ertzainak, CCOOko kideak, alderdi guztietako alkateak —batekoak izan ezik—, eta Espainiako selekzioaren elastikoa daramatenak”. Ildo horretan, De Andresek babestu egin du ErNE sindikatuaren proposamena Zigor Kodea gogortzeko, ertzainei eta udaltzainei egiten zaizkien erasoengatik ezartzen diren zigorrak areagotzea.
ErNEk Zigor Kodea erreformatzea proposatu du, ertzainen eta udaltzainen aurkako erasoengatiko zigorrak gogortzeko
ErNEk azaldu du asteak daramatzala Eusko Legebiltzarrean ordezkaritza duten taldeekin biltzen, legegintza-proposamen bat aurkezteko.
Historiako "gertakari ilunenak ez ahaztea" eta biktimak gogoratzea eskatu du Ansolak
Ikurrinaren Eguna ospatu du gaur EAJk Bilbon. Duela 132 urte lehen batzokia zabaldu zenean altxatu zen lehen aldiz, eta orduan bezala, Bilboko Zazpikaleetan ikurrina mastara igo dute. Iñigo Ansola Bizkai Buru Batzarreko presidenteak ikurrinaren benetako balioekin jeltzaleek duten konpromisoa berretsi du, eta azpimarratu du euren lekua ez dagoela muturretan.
PPk Miguel Angel Blanco oroitu du
Alderdi Popularrak omenaldia egin dio Miguel Angel Blanco zinegotziari Ermuan, ETAk hil zuela 29 urte betetzen direnean. Bertan izan dira Mari Mar Blanco arreba, Javier de Andres Euskadiko popularren presidentea eta Cuca Gamarra alderdiko idazkariordea. Gamarrak salatu du Pedro Sanchezek EH Bilduren botoei esker eusten diola botereari. Eta iragarri du PP gobernura iristen denean Espetxeetako legea aldatuko duela ETAko presoak etxera ez ekartzeko.
Veronica Martinez Barbero eta Rosa Martinez aukeratu dituzte Sumarren buruzagi berriak, % 95,92ko babesarekin
Martinez Barbero Kongresuko bozeramailea da eta Martinez, Eskubide Sozialen Estatu idazkaria. Hala, erreleboa hartu diote Lara Hernandezi, hark alderdia utzi ostean.
Donosti Cupen epaile lanetan ari zen ertzain batek eskoltatuta utzi du zelaia, jokalarien eta ikusleen jazarpenagatik
Epaileak partida bat behar baino lehen amaitu nahi zuen, jokalarien jokabidea bortitzegie zela iritzita, eta horrek jokalarien eta ikusleen haserrea piztu zuen. Donosti Cupeko antolatzaileek esan dutenez, "horrelako jokabideek ez dute lekurik gure txapelketan".