Kataluniako prozesuaren epaiketa

2024/04/08 - 11:48

Parlamentean onartu zuten independentziaren aldeko ekimena aztertuko du aste honetan Konstituzionalak

Espainiako Gobernuan ekimenaren aurka sartutako helegitea tramitera onartu ala ez erabakiko du. Etxebizitza Legearen aurka sartutako helegiteak ere izango ditu aztergai.

2024/03/18 - 21:44

Garcia Castellon epaileak 'Tsunami Democratic' terrorismoagatik ikertzen jarraitzea babestu du ANk

Otsailaren 29an Auzitegi Gorenak Puigdemont auzipetu zuen terrorismoa leporatuta, eta ANri bideratu zion forugabeak ikertzeko eskumena. Fiskaltzak auzi guztiak Kataluniako auzitegietara bidaltzea defendatu zuen, terrorismoa baino desordena publikoak izan zirela argudiatu.

2024/03/15 - 12:18

Atxilotzeko arriskua gorabehera, Puigdemont prest dago Kataluniara itzultzeko, bere abokatuaren arabera

Gonzalo Boye abokatuak ziurtzat eman du presidente ohiaren hautagaitza. Horren ustez, Gorenak hura atxilotzeko beste agindu bat eman lezake 'Tsunami Democratic' auzia tarteko, eta eurodiputatu immunitatea galduta lukeenez, atxilo har lezakete. "Azkenera eramango du bere erabakia", nabarmendu du.

2024/03/14 - 18:48

Eta orain zer? Teorian bi hilabete, amnistia legea epaileen irakurketaren menpe geratu arte

Aurreikus daitekeenez, Senatuak, PPren gehiengo osoarekin, legea blokeatuko du, eta testuak Kongresura itzuli beharko du, PSOEk eta bere bazkide politikoek beto hori bertan behera utz dezaten eta araua behin betiko onar dezaten.

2024/03/14 - 16:50

Amnistia Legea, onartuta

Gehiengo osoarekin onetsi dute testua, PSOEren eta bere bazkideen 178 aldeko botoekin. Kontrako 172 boto izan dira, PP, Vox, UPN eta CC alderdienak.

2024/03/14 - 08:59

Amnistia Legeak Kongresuaren oniritzia jasoko du Kataluniako hauteskundeak aurreratu eta biharamunean

Horrela, Pedro Sanchezen inbestidurari babesa ematearen truke, PSOEk Kataluniako bazkideei agindutako lege giltzarria Senaturako bidean aterako da.

2024/03/07 - 15:20

Aragones: ''Amnistiaren legea onartzea legez kontrako errepresioarekin amaitzeko lehen urratsa''

Generalitateko presidenteak adierazi duenez, amnistia legeak "kaltetutako pertsona guztiek askatasun-etorkizuna eta eskubideen berme osoa izatea ahalbidetuko du".

2024/03/07 - 12:56

Amnistia lege berriarekin Puigdemontek Kataluniara itzultzeko aukera izango duela esan du Turullek

JxCateko idazkari nagusiak adierazi du Pablo Llarena Auzitegi Goreneko epaileak kautelazko neurriak bertan behera utzi beharko lituzkeela legea indarrean sartzen denetik gehienez bi hilabeteko epean.

2024/03/07 - 12:06

Amnistia Legeak ''historia egingo du'' eta garai berri bat ekarriko du Kataluniarentzat, Bolañosen hitzetan

Felix Bolaños Espainiako Gobernuko Presidentetza ministroak agerraldia egin du PSOEk alderdi katalanekin adostu duen legearen balorazioa egiteko. Horren ustez, ezberdin pentsatzen dutenekin akordioa lortzeko gai den "gobernu ausart" baten emaitza da, "gatazka atzean uzteko".

2024/02/29 - 14:31

Gorenak Puigdemont auzipetu du "terrorismoa" leporatuta, 'Tsunami Democratic' auziari lotuta

Eurodiputatua ez ezik, epaileak Ruben Wagensberg Kataluniako Parlamentuko diputatua ere ikerketapean jarri du. Goreneko Fiskaltzaren irizpidearen aurka hartu du erabakia. Generalitateko presidente ohiak "Espainiako Matrix judiziala" salatu du.

2024/02/21 - 12:49

Puigdemont Tsunamiko lider "absolutua" dela adierazi dute Goreneko fiskalek

Berehala etorri da Puigdemonten erantzuna. "Sare ustel bat" osatzea eta "Zuzenbide Estatutuaren artezilariak" izatea egotzi die fiskalei.

2024/02/20 - 13:26

Suitzak ez dio Garcia Castellon epaileari eskatutako informazioa eman ikerketak kutsu politikoa duelakoan

Suitzako agintariek hainbat argibide eskatu dizkiote Tsunami Democratic auzia ikertzen ari den epaileari, eta erantzun bitartean, bertan behera utzi dute erreguzko eskaera. Amnistia Legeak izan ditzakeen ondorioez ere galdetu diote Auzitegi Nazionalari.

2024/02/15 - 18:02

Espainiako Gobernua amnistia aplikatzen ez zaienei indultua emateko "prest" dagoela esan du Generalitateak

Carles Campuzano Generalitateko Eskubide Sozialen kontseilariak ziurtatu duenez, "azkenean amnistian sartzen ez diren pertsonak badaude, Espainiako Gobernua indultuen bidez konpontzeko prest dago".

2024/02/12 - 17:01

PPri eta Junts-i "gardentasunez" jokatzeko eskatu diete Espainiako Gobernuak eta alderdi politikoek

Carles Puigdemont Kataluniako presidente ohiari balizko indultua eskaintzeko bileren inguruko informazioek hautsak harrotu dituzte.

2024/02/11 - 18:20

Feijook Puigdemonten indultuari buruz esandakoak zehaztu ditu, Gobernua, PSOE eta Voxen kritikei erantzunez

Puigdemonti indultua emateko aukera aztertu zutela azaldu zuen atzo PPko buruak, eta horrek kritika handiak eragin ditu igande honetan. Izan ere, PPk hiru hilabete daramatza Espainia "hautsi" dutela salatzen, amnistia dela eta.

2024/02/11 - 13:01

Feijoo Puigdemonti indultua emateko prest agertu da, baina baldintzekin

Justiziaren aurrean agertzea, zigorra betetzea, neurria berak eskatzea eta erreferendumari eta alde bakarreko independentziari uko egitea eskatuko lioke. Sanchezek uste du Voxen mende egongo ez balitz, Feijook onartu egingo lukeela amnistia.

2024/02/09 - 18:13

Justiziak behin betiko artxibatu du Anna Gabriel CUPeko diputatu ohiaren aurka U-1agatik irekitako auzia

Lau urtez ihes eginda egon zen diputatu ohiak "sentimendu gazi-gozoa" agertu du erabaki judizialaren aurrean; izan ere, "zoritxarrez, gaur ez da ezer amaitu; gure eskubideak defendatzen jarrai dezagun".

2024/02/08 - 15:52

Euroganberak Puigdemonten eta Errusiako espioien arteko loturak ikertzeko agindua eman du

Europako Parlamentuak Errrusiaren "esku-sartzea" salatu du Kataluniako "prozezu independentistan", eta Carles Puigdemont Generalitateko presidente oihak 2017an Errusiako espioi ohiekin izan zituen kontaktuak zuzenean aipatu ditu.

2024/02/06 - 15:33

Puigdemont terrorismoagatik ikertzearen alde agertu da Auzitegi Goreneko Fiskalen Batzordea

Zigor arloko fiskalen batzordeak atzera bota du Alvaro Redondo fiskalak Puigdemont terrorismoagatik ez ikertzeko eskatuz egindako txostena.

2024/02/05 - 00:01

'Tsunami Demokratic' auzian Puigdemont terrorismoagatik ikertzearen aurka agertu da Auzitegi Goreneko fiskala

Fiskalaren txostena oraindik ez da behin betikoa, Auzitegi Goreneko zigor-arloko fiskalen batzordeak aztertu behar baitu.