Atxilotzeko arriskua gorabehera, Puigdemont prest dago Kataluniara itzultzeko, bere abokatuaren arabera
Gonzalo Boye Carles Puigdemonten abokatuaren esanetan, Kataluniako presidente ohia prest dago herrialdera itzultzeko Amnistia Legea indarrean sartzen denean, atxilotzeko arriskua badago ere. "Azkenera eramango du bere erabakia", gaineratu du hautagaitza ziurtzat emanda.
RAC1 irrati kateari eskainitako elkarrizketa batean, Boyek esan du Estatuko Aldizkari Ofizialak legea argitaratzen duenean —maiatza amaieran edo ekaina hasieran—, Auzitegi Gorenak Puigdemont atxilotzeko agindua kendu beharko du (Kataluniako prozesuarengatik emandakoa) eta "esparru juridiko ezberdina" abiatuko da. Horrek aukera emango dio Juntseko kideari Kataluniara itzultzeko.
Nolanahi ere, aitortu du 'Tsunami Democratic' auziagatik haren kontrako beste atxilotzeko agindu bat eman dezakeela Gorenak —terrorismoagatik ikerketapean du—, baina arrisku hori gorabehera, ondorioak bere gain hartzeko prest dagoela azpimarratu du.
Boyeren arabera, Amnistia Legeak Europako zuzentarauean jasotakoak bakarrik jotzen dituela terrorismotzat, "ez edozein lelokeria".
"Akaso atxilotuko dute, baina ezingo dute eragotzi Generalitateko presidente izatea berak hala nahi badu", argitu du abokatuak. Horren arabera, Puigdemont presidente inbestitu ahalko dute, "legea egoki interpretatzen badute". Hori da, hain justu, Pere Aragones Kataluniako presidentearen (ERC) eta Pedro Sanchez Espainiako Gobernuko presidentearen "beldurra".
Azaldu duenez, Puigdemont presidentegaia bada —oraindik ez du argitu— eurodiputatu izateari utzi beharko diola, eta horrenbestez, duen immunitatea galduko duela.
Gogorarazi du immunitatea izanda ere atxilotu zutela Puigdemont, baina nabarmendu du "egoera ezberdina" dela orain, "kasu horiek barne hartzen dituen Amnistia Lege bat dagoelako. Lasai nago zentzu horretan".
Zure interesekoa izan daiteke
Iriartek kudeaketa berria aldarrikatu du, eskumen gehiago eta aurrekontu handiagoarekin
Elkarlanean aritzeko gogoz agertu da Alain Iriart, Euskal Hirigune Elkargoko presidente berria: oreka bilatu nahi du kostaldeko eta barnealdeko guneen artean. Iriartek kudeaketa berria aldarrikatu nahi du, eskumen gehiago eta aurrekontu handiagoarekin. Horrez gain, euskara sustatu nahi du, bat-bateko itzulpena bermatuz Euskal Hirigune Elkargoaren bileretan.
II. Errepublikaren 95. urteurrenaren kariaz, ekitaldia egin dute Ezker Anitza-IUk eta PCE-EPKk Eibarren
Ekitaldian, "indarrak batzeko beharra" aldarrikatu dute, "erabateko demokrazia" eta "bakearen aldeko jarrera" bermatuko duen Errepublika lortzeko bidean. Era berean, ohartarazi dute faxismoaren oinordekoen asmoak ez direla aldatu, garai bateko asmo berberak dituztelako.
Saibigaingo guduan desagertutako gudari eta milizianoak omendu dituzte
Saibigain mendian, Gerra Zibilean desagertu ziren euskal gudari eta milizianoak omendu dituzte. Lore eskaintza egin diete mendi puntan dagoen monolitoan. Bertan bildutakoek gertakari horiek inoiz ez ahazteko eskatu dute.
Ansolak uste du EAJk zeregin nabarmena beteko duela Euskal Hirigune Elkargoan
Iñigo Ansola BBBko presidenteak nabarmendu du Peio Etxeleku jeltzaleen ordezkariak aldaketaren alde egin duela Euskal Hirigune Elkargoan, Hegoaldearekiko harremana sendotzeko asmoarekin. Ildo horretatik, jeltzaleen babesa Ipar Euskal Herriko logikan ulertu behar dela berretsi du.
Espetxe eskumenak eskuratu zituenetik Eusko Jaurlaritzak "indarrean dagoen legedia bete" duela esan du Zupiriak
Bingen Zupiria Segurtasun sailburuak azpimarratu duenez, Eusko Jaurlaritzak "legea bete du" espetxe eskumenak bere gain hartu zituenetik, eta, nolanahi ere, Justizia da "azken hitza izango duena". Horrez gain, azken egunotan agertutako pintaketak gaitzetsi ditu.
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.
Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Frantziako Fiskaltzak bete beharrekoa ez den bost urteko zigorra eskatu du Josu Urrutikoetxearentzat
Frantziako estatutik behin betiko kanporatzeko ere eskatu du fiskalak; defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.