Puigdemont Tsunamiko lider "absolutua" dela adierazi dute Goreneko fiskalek
Carles Puigdemont Kataluniako presidente ohia eta Juntseko eurodiputatua terrorismoagatik ikertzearen alde agertu diren Auzitegi Goreneko fiskalek Tsunami Democraticeko lider "absolutua" dela adierazi dute txostenean, ekimen horri eman dion"babes intelektual eta etikoagatik".
Fidel Cadena fiskalak 14 orrialdetako txostenean adierazi duenez, otsailaren 6an Puigdemont Tsunami Democratic auzian terrorismoagatik ikertzearen alde bozkatu zuten Gorenaren zigor-arloko lehen sekzioko fiskalek.
Fiskalen batzorde hartan, 15 kidek (11 boto, 4ren kontra) Puigdemonten eta Ruben Wagensberg Parlamentuko diputatuaren aurka egiteko zantzu nahikoak zeudela ikusi zuten, eta, aldeko 12 eta kontrako 3 botorekin, terrorismo delituak egon daitezkeela.
Hala, Alvaro Redondo Auzitegi Goreneko fiskalak idatzitako txostena bertan behera utzi dute, Puigdemonten eta Wagensbergen aurkako kriminalitate zantzu arrazionalik ez dagoela iritzita. Halaber, ez dute terrorismo deliturik antzeman, desordena publiko larriak, dokumentuak faltsutzea, derrigortzea eta kalteak eragitea baizik.
Hala ere, lehenengo sekzioko bi presidenteek, Fidel Cadena (proces auziko lau fiskaletako bat) eta Joaquin Sanchez-Covisa, jarrera kontrajarriak agertu dituzte. Lehenengoak Redondoren txostenaren aurka egin du, eta bigarrenak, berriz, alde. Ondorioz, Maria Angeles Sanchez-Conde Goreneko fiskalburuordearen iritzia erabakigarria izango da, Fiskaltzak gai honetan duen irizpidea bateratuz.
Sanchez-Condek eskatuta idatzi du testua, eta fiskalen gehiengoak Puigdemonten "erabateko lidergoa" eta "autoretza intelektuala" egiaztatzen duten "zantzuen aniztasuna" ikusten duela defendatu du.
Haren ustez, Kataluniako presidente ohiak "ondasun juridikoaren lesioa saihestu ahal izango zukeen" bere "babes karismatikoa" kenduta, baina "hortik urrun, haren ezagutzarekin eta baimenarekin egin ziren indarkeriazko ekintzetan jarraitzera animatu zuen".
Sinatzaileek defendatzen dutenez, Manuel Garcia Castellon epailearen azalpen arrazoituaren arabera, "Tsunami Democratic mugimenduak egindako arau-hauste penal ugari daude".
"Zuzenbide Estatutuaren artezilariak"
Berehala etorri da Puigdemonten erantzuna. "Sare ustel bat" osatzea eta "Zuzenbide Estatutuaren artezilariak" izatea egotzi die fiskalei.
Kataluniako presidente ohiaren iritzian, bi arrazoi egon daitezke fiskalen ondorioen atzean; polizia indarrek "intentzio txarrez eta manipulatuta" igorritako informazio ontzat ematea, edota, informazio hori manipulatuta dagoela jakinda ere, "helburu politikoarekin erabiltzea". Kasu bat edo bestea izan, Zuzenbide Estatuaren oinarriak hankaz gora jartzera datorren "lehergaia" ikusten du bietan Puigdemontek.
Zure interesekoa izan daiteke
Pradalesek iragarri du txosten bat prestatzen ari direla Sanchezen Gobernuak "bete eta hautsi dituen itunekin"
"Eskumenen eskualdatzea azken minutuan atera da aurrera, berriro ere" aitortu du lehendakariak, eta ohartarazi du ezin dutela "horrela jarraitu". "Negoziazio fase berrian ikusiko dugu zein den espainiar Gobernuak urte politiko honetarako duen borondate politikoa", erantsi du.
Jaurlaritzak eta Espainiako Gobernuak behin betiko itxiko dute gaur adostutako bost eskumenen eskualdatzea
Hala, Gasteizko Gobernuaren esku geratuko dira langabezia-prestazioen, Gizarte Segurantzako familia-prestazio ez-kontributiboen, Itsas Salbamenduaren, Eskola Aseguruaren eta Barakaldoko Makineriaren Egiaztapen Zentroaren gaineko eskumenak.
Nafarroako Gobernuak autogobernuan aurrera egiteko duen konpromisoa berretsi du Chivitek
Gobernuaren kontrolerako osoko bilkuran, Foru Erkidegoko presidenteak gogorarazi du Lan Ikuskaritza eta Gizarte Segurantzari dagokion eskumena eskualdatzea eskatu ziotela Estatuari, iazko abenduan.
Anduezaren ustez, autogobernua "sozialistek bultzatuta zabaldu da", eta EAJri "tentsioa" eragitea leporatu dio
PSE-EEko buruak jeltzaleei aurpegiratu die EBBko presidenteak egindako adierazpenak, "akordioa lortzeko saiakera baino gehiago mehatxua" iruditu baitzitzaion.
Accionako eta Erkolan kooperatibako zuzendari ohien banku-kontuak arakatzeko agindu du epaileak
Eginbide horiekin, UCOk "Koldo Auzia" ren zati horren ikerketekin jarraitu nahi du, obra publikoaren esleipenengatik ustez kobratutako hozkadei dagokienez.
Xabi Iraola izango da Sorturen hurrengo koordinatzaile nagusia, ez baita beste hautagairik aurkeztu
Bozketa urtarrilaren 21etik 23ra izango da, eta hurrengo egunean amaituko du Sortuk bere IV. Kongresua. Atzo arteko epea zuten militanteek beste hautagai bat aurkezteko.
EH Bilduk ontzat jo du transferentzia berrien akordioa, baina "Estatuarekin berdinen arteko" harremana izatea eskatu du
Pello Otxandianok positibotzat jo du "euskal herritarrok gure egunerokoan eta herritarren ongizatean eragina duten gaiei buruz erabakitzeko dugun gaitasuna handitzen duen guztia".
Hauek dira Eusko Jaurlaritzak ostiral honetan bere gain hartuko dituen bost eskumenak
Maria Ubarretxena Eusko Jaurlaritzaren bozeramaileak iragarri duenez, Espainiako Gobernuak eta Eusko Jaurlaritzak ostiralean sinatuko dute 1979ko Gernikako Autonomia Estatutuko beste bost eskumen Euskadira eskualdatzea, besteak beste, langabezia-prestazioak eta Gizarte Segurantzaren kotizazio gabeko prestazioak.
Estebanen ustez ez dago irregulartasunik Getxoko jauregiaren auzian, baina kontrakoa frogatzen bada neurriak hartuko dituzte
Ahal Duguk EAJri leporatu dio Getxoko Irurak Bat jauregiari lotutako irregulartasunak estali nahi izatea. Hori dela eta, erantzukizun politikoak argitzea eskatu du.
Jaurlaritzak seriotasuna eskatu dio Sanchezen Gobernuari: "Dinamika honekin ezin dugu jarraitu"
Maria Ubarretxena Gobernantza, Administrazio Digital eta Autogobernuko sailburu eta Eusko Jaurlaritzaren bozeramaileak gogorarazi duenez, oraindik gai batzuk negoziatzeke daude, baina azpimarratu du ezin direla beti erlojuaren kontra lanean aritu. "Seriotasuna eta negoziazioei bestela ekitea eskatzen dugu", gaineratu du Ubarretxenak.