Sexu erasoak
2024/05/01 - 16:30
1.500 emakumek salatu dute erasoren bat Euskadin lehen hiruhilekoan, 2023an baino % 20 gehiago
Lurraldeka, Gipuzkoan mota horretako delituen biktima izan diren emakumeen kopurua % 39,6 hazi da. Araban % 26,6ko igoera izan da, eta Bizkaian % 19koa.
2024/04/30 - 21:18
Delituak % 3,4 igo dira EAEn, indarkeria matxista ia % 7 eta sexu-askatasunaren aurkako erasoak % 24
Eusko Jaurlaritzako Segurtasun Sailak delinkuentzia-memoria argitaratu du, Ertzaintzaren eta 15.000 biztanletik gorako udalerritako udaltzaingoen datuekin.
2024/04/29 - 18:46
Gerard Depardieu aktore frantziarra atxilotu dute, eta beste bi sexu-eraso leporatu dizkiote
Beste bi emakumek bi filmazio setetan ukituak egitea leporatu diote, batak 2014an 'Le magicien et les Siamois' filmean eta besteak 2021ean 'Les volets verts' pelikulan. Depardieuk polizia-etxetik alde egin du, poliziek zortzi ordu baino gehiagoz galdekatu ostean. Urrian epaituko dute.
2024/04/25 - 17:51
New Yorkeko auzitegi batek bertan behera utzi du Harvey Weinsteinen espetxe zigorra
Epaiaren oinarriaren arabera, epaileak bidegabe deitu zituen deklaratzera gertakarien parte ez ziren salaketak egin zituzten hainbat emakume. Hala ere, Weinsteinek kartzelan jarraituko du, indarrean jarraitzen duen 16 urteko beste zigor bat baitu beste bortxaketa batengatik.
2024/04/25 - 00:57
Espetxera bidali dute Donostiako Bidebieta kiroldegiko sexu-erasoarekin lotuta atxilotu zuten gizona
Atxilotuak 62 urte ditu eta astelehenean atxilotu zuten Donostiako Altza auzoan. Ertzaintzak esan duenez, oraingoz ez dago beste salaketarik. Gizona Martutenen espetxeratu dute.
2024/04/24 - 18:52
Epailearen esku utzi dute Donostiako Bidebieta kiroldegiko sexu-erasoarekin lotuta atxilotu zuten gizona
Atxilotuak 62 urte ditu eta atzo atxilotu zuten Donostiako Altza auzoan. Ertzaintzak esan duenez, oraingoz ez dago beste salaketarik.
2024/04/24 - 16:58
12 urteko kartzela-zigorra ezarri diete gizon bati eta bikotekideari, alabari sexu-abusuak egiteagatik
Amak abusuak "onartzen" zituen, eta neskatoari laguntza ukatu zion berarengana jo zuenean. Gizona amaren bikotekidea izatearen pribilegioaz baliatu zen, eta adingabeaz abusatu zuen 10 eta 12 urte bitartean.
2024/04/23 - 22:27
Donostian atxilotutako ustezko sexu-erasotzailearen biktima gehiago egon daitezkeela uste du Ertzaintzak
Atxilotua, 62 urteko gizon bat, ertzain-etxean dago, eta epailearen esku utziko dute asteazken honetan. Atxiloketaren unean, Altzan, susmagarriak ez zien jaramonik egin ertzainen aginduei, eta autoan ihes egiten saiatu zen.
2024/04/23 - 13:17
Gizonezko bat atxilotu dute, Donostiako Bidebieta kiroldegian izandako sexu-erasoarekin lotura duelakoan
Adingabe batek salatu zuen sexu erasoa egin ziotela kiroldegiko aldageletan. Haren gurasoek jarri zuten salaketa, joan den asteartean, Ertzaintzaren komisaldegian. Atxilotua 60 urte inguruko frantziar bat da, eta Altzako kiroldegiaren inguruan atxilotu dute.
2024/04/22 - 14:54
Adin txikiko mutil bati Ordizian 2023an egindako sexu-erasoa onartu egin du erasotzaileak epaiketan
Sexu-erasoa bakarrik ez, adingabeen aurkako sexu-ziberjazarpena eta material pornografikoa zabaltzea ere leporatu dizkio epaileak. Orotara, hiru urteko espetxe zigorra ezarri diote.
2024/04/22 - 14:13
Auzitegi Nazionalak Rubiales epaituko duela berretsi du, Jenni Hermosori emandako musuagatik
Espainiako Futbol Federazioaren presidente ohiak eta gainerako auzipetuek jarritako helegiteak baztertu ditu Zigor arloko Salak, eta denak akusatuen aulkian jesarri beharko direla berretsi, sexu askatasunaren kontrako delitu bat eta derrigortze delitua egotzita.
2024/04/19 - 21:21
83 urteko gizon bat atxilotu dute Tuteran, 5 urteko adingabe bati ukituak egiteagatik
Gainera, aste honetan, Foruzaingoak hamar gizonezko atxilotu ditu emakumeen kontrako delituak egotzita.
2024/04/19 - 18:58
Gipuzkoan sexu-delituengatik ezarritako 7 eta 4 urteko bi zigor berretsi ditu EAEko Auzitegi Nagusiak
Epaien arabera, lehenengo kasuan, gizonezko batek adingabe batez abusatu zuen, haren "gabeziak, arazoak eta kalteberatasun psikologikoa" baliatuta. Bigarren kasuan, gazte batek sexu-abusuak egin zizkion bere etxean lo egiten geratu zen eta mozkor zegoen emazkumezko lagun bati.
2024/04/18 - 09:46
Gizon bat espetxeratu dute Sondikan bikotekidea bahitu, bortxatu eta jotzea egotzita
36 urteko gizonezkoa astelehenean atxilotu zuten, emakumeak haren kontrako salaketa aurkeztu eta gero. Biktimaren, atxikita izan zuen, eta tarte horretan eraso fisiko zein sexualak egin zizkion. Epaileak biharamunean bidali zuen kartzelara.
2024/04/17 - 15:19
Adingabe batek salatu du sexu erasoa egin diotela Donostiako Bidebieta kiroldegian
Ertzaintzak ikerketa abiatu du gertakariak argitzeko. Biktima adin txikikoa denez, ez du bestelako informaziorik eman.
2024/04/16 - 16:04
Bi urte eta erdiko kartzela-zigorra 13 urteko adingabe bati ukituak egiteagatik era jarraituan
33 urteko auzipetua ezingo da biktimarekin komunikatu ezta 200 metro baino gutxiagora hurbildu ere bost urtez, eta beste bost urteko zaintzapeko askatasun-neurria bete beharko du.
2024/04/16 - 13:45
Zazpi urte eta erdiko kartzela zigorra onartu du Gipuzkoako bortxatzaileak Ordiziako sexu erasoagatik
Gizon horren kontrako seigarren zigorra da, aurrez Beasainen, Lasarte-Orian, Andoainen, Tolosan, eta Anoetan egindako sexu erasoengatik kondenatu baitzuten.
2024/04/15 - 18:27
Gizon bat espetxeratu dute neska adingabe bati, Getxon, sexu-erasoa egitea leporatuta
Udalak "gaitzespenik irmoena" agertu du gertakariaren aurrean, eta "genero desberdintasunean oinarritutako jarrera sexista" guztiekiko gaitzespena eta "edozein eraso sexistarekiko zero tolerantzia" adierazi du.
2024/04/15 - 15:49
Basauriko bizilagun bat atxilotu dute Errioxan sexu-eraso bat egin duelakoan
Guardia Zibilak martxoaren 8an Errioxako Albelda de Iregua herrian izandako sexu-eraso bortitzaren ustezko egilea atxilotu du. 43 urteko gizonezkoa da eta delitu-historia zabala du. Atxilotua Bilbokoa da eta Basaurin bizi da.
2024/04/15 - 12:30
Gizon bizkaitar bat espetxeratu dute, Errioxan emakume bati sexu erasoa egitea leporatuta
Martxoaren 8an gertatu zen sexu erasoa Errioxako Albelda de Iregua udalerrian. Biktima Logroñoko San Pedro ospitalera eraman zuten. Gizonak ihes egin bazuen ere, ondoren identifikatu eta Logroñon atxilotu zuten.