Sanferminetan Logroñoko neska bati egindako sexu erasoa ikertzen ari dira
Polizia Nazionala Logroñoko emakume bati sanferminetan egindako sexu eraso bat ikertzen ari da. Salaketaren arabera, 26 urteko neska uztailaren 9an Iruñera joan zen lagun talde batekin jaiaz gozatzera.
Jai giro betean, sakabanatu egin zen eta bakarrik zegoela lagun baten deia jaso zuen, Logroñoko beste bizilagun batena, duela lau bat urte ezagutzen zuena. Hala, harekin geratu zen zerbait hartu eta lagunak aurkitzen saiatzeko.
Bi gazteak eta ustezko erasotzailearen bi anaiak Iruñeko taberna ezberdinetan ibili ziren, baina, neskak, goizaldean, Logroñora itzuli nahi zuela esan zien, nekatuta zegoelako, eta gizonak hark eramango zuela esan zion, autoz.
Salaketaren arabera, neska zorabiatuta zegoen, eta kotxerantz zihoazela, gizonak heldu eta musu ematen saiatu zen, baina neskak uko egin zion laguntzat zeukalako. Konortea galdu zuen, eta, esnatu zenean, autoaren atzeko eserlekuan zegoen, lagunaren ondoan, eta haren bi anaiak aurrekoetan zeuden.
Esan ziotenez, haietako batek lurrean aurkitu zuen autoaren atzealdean, jaso eta ibilgailuan sartu zuten. Han, konortea galdu zuen berriro, eta ia Logroñon zeudela esnatu zen.
Biktimak lesioak ditu lepoan eta belaunean, eta hilaren 12an Loroñoko polizia-etxearen bulego nagusian salaketa aurkeztu zuen. Ondoren, Logroñoko San Pedro Unibertsitate Ospitalera eraman zuten, eta bi egun eman zituen bertan.
Ikerketak zabalik jarraitzen du, eta oraingoz ez ute datu gehiagorik eman, biktima babesteko eta polizia-lana ez oztopatzeko.
Albiste gehiago gizartea
Orexa, estaldurarik gabe jarraitzen duen herria
Gipuzkoako Orexa herriak Europako zati batek jasandako itzalaldiaren ondorioak pairatzen jarraitzen du: estaldurarik gabe daramatzate zazpi aste. Movistar konpainiak ez die irtenbiderik ematen eta inpotentzia da nagusi herrian.
Mahats zuri barietate "berezia" aurkitu dute Arellanon
'Musa' izeneko barietatea "mugarria da Nafarroako mahastizaintzarentzat", Jose Mari Aierdi Landa Garapeneko eta Ingurumeneko kontseilariak adierazi duenez.
Airearen kalitateak okerrera egin du, Saharako hautsarengatik
Saharako hautsa gaur dagoeneko oso bistakoa izan da Euskal Herri osoan eta airearen kalitatea txarra da zenbait lekutan. Bihar ere gure artean izango dugu. Ostegunetik aurrera egoerak onera egingo duela aurreikusten da.
Ordiziako plazak 100 urte bete ditu, denboraren joanari aurre eginez
Ordiziako azoka ospatzen den plazak mende bat bete du gaur, eta asteazkenero taupadaka jarraitzen du. Baina, beste azoka askok bezala, Ordiziakoak ere garai berrietara egokitzeko erronkari egin behar dio aurre, ez desagertzeko.
Andoni Aizpuru: ''Bihar beroa Euskal Herri osora zabalduko du hego haizeak''
Gaur, bero handiena Ebroko ardatzean espero da, bertan 38 ºC-ra irits baitaiteke. Kostaldean, termometroak 27 ºC-ren bueltan ibiliko dira. Gaur eta bihar, ekaitzak espero dira arratsaldean, txingorra, haizea eta euria.
Ospitalean ingresatuta dauden txakurdunek baimena dute euren maskotaren bisita jasotzeko
Gasteizko Txagorritxu eta Santiago ospitaletan programa berritzaile bat jarri dute martxan. Txakurrak dituzten gaixoek baimena izango dute erietxean bertan euren maskoten bisita izateko.
?fmt=webp-alpha&qlt=80)
Ertzaintzak eraso terrorista baten simulakroa egin du Donostiako merkataritza-gune batean
Garbera merkataritza-gunean egindako simulakroan, terrorista batek arma luze eta motz batekin tiro egin die erabiltzaileei eta bertako langileei. Operatibo honekin, Ertzaintzak horrelako "gertakari kritikoen" aurrean duen erantzuna hobetu nahi du.
Munduko lehen esplorazio-gurutzaontzia Donostia parean dago ainguratuta
"Scenic Eclipse" du izena eta tamaina handiko luxuzko gurutzaontzia da. 200 bidaiari baino gehiagorentzako lekua du, eta esperientzia paregabeak eskaintzen ditu, hala nola helikopteroz, itsaspekoan, zodiakean edo kayakean egindako esplorazioak.
'Camino a Bilbao', 2025eko Aste Nagusirako aukeratutako kartela
Mario Larrinaga Mochalesek egindako kartela aukeratu dute 2025eko Aste Nagusia iragartzeko. Sei lan finalisten artean herritarren botoen %43,77 jaso du. Egileak 3.000 euroko saria jasoko du.