Sexu erasoak

2024/12/15 - 21:11

Pelicot auziko epaileak astelehen honetan hasiko dira epaia eztabaidatzen

Fiskaltzak 4 eta 20 urte arteko kartzela-zigorrak eskatu ditu Dominique Pelicot eta beste 50 gizonentzat, lehenaren emazte ohi Gisele Pelicot somniferoekin konorterik gabe utzi eta hamar urtez bortxatzeagatik. Epaia ostegunerako prest izan liteke.

2024/12/14 - 22:07

Manifestazioa Gernikan, Mario Lopez entrenatzaile ohia sexu-erasoengatik salatu zuen emakumeari babesa emateko

Akusatuen aulkian eseriko da Lopez hilabete barru, Bilboko Lurralde Auzitegian. Fiskaltzak 14 urteko kartzela-zigorra eskatu du Gernikako saskibaloi entrenatzaile ohiarentzat, "adingabe baten aurkako sexu-eraso delitu jarraitua" egotzita.

2024/12/12 - 18:56

Epaileak Errejonen aurkako auzia ireki du berriro, eta urtarrilaren 16rako deitu du

Epaileak onartu egin du Sumarreko diputatu ohiaren defentsak jarritako helegitea, eta Elisa Mouliaa aktoreari ohartarazi dio bere abokatua prest egon beharko dela egun horretarako, edo beste bat izendatu beharko duela.

2024/12/04 - 11:54

Gizon bat atxilotu dute Donostian emakume bati sexu erasoa egitea egotzita

Biktimari ukituak egiten saiatu zen gizon matxista, Igeldon. Astearte arratsaldean atxilotu zuten sexu erasoaren delitua egotzita.

2024/11/30 - 17:50

Mugimendu feministek protesta egin dute Araian, asteartean Agurainen gertatutako sexu erasoa salatzeko

19 urteko mutil batek bikotekide ohia ustez bortizki jo eta bortxatu zuen, harengana ez hurbiltzeko zeukan agindua urratuz. Gasteizko Emakumeen aurkako Indarkeriaren arloko epaitegiak behin-behineko espetxealdia agindu zuen ustezko erasotzailearentzat.

2024/11/29 - 11:29

Indarkeria matxistaren Euskal Herriko biktimek euren lekukotzak kontatzeko Instagram kontua sortu dute

10 egun eskasean ia 100 lekukotza bildu ditu Denuncias Euskal Herria izeneko kontuak. Nabarmendu dutenez, bortxatuak edo erasotuak sentitu diren emakumeei ahotsa emango diete, konfidentzialtasuna errespetatuz, "beldurra eta lotsa lekuz aldatu" dadin.

2024/11/25 - 07:00

EAEko 6.019 emakumek dute Ertzaintzaren nolabaiteko babesa erasotzaile matxista salatu ostean

40k bizkartzainarekin bizi behar dute, dela zerbitzu iraunkorrarekin, dela unean unekoarekin. Erasotzaile matxistei dagokienez, 135 gizonezkok daramate lokalizazio eskumuturrekoa.

2024/11/24 - 23:32

Lazkaoko Udalak gaitzespena adierazi du kirol arloan gertatutako sexu erasoen berri izan ostean

Udalak "babesa eta hurbiltasuna" helarazi die biktimei eta ingurukoei, publiko egindako ohar batean, "behar dituzten baliabideak jarriz haien eskura". Era berean, "salatutako gertaerak ahalik eta lasterren argitzea" eskatu du.

2024/11/19 - 14:00

Gisele Pelicotek aurre egin die bere erasotzaileei azken deklarazioan: "Koldarkeriaren epaiketa da"

Dominique Pelicoten emazte ohiak nabarmendu duenez, "bada garaia bortxaketei garrantzia kentzen dien gizarte patriarkal honek begiak zabaldu eta begirada alda dezan". Kalkulatu du ia 10 urteko epean gizonak 200 bat sexu eraso egin zizkiola.

2024/11/19 - 12:59

Intxaurrondon egindako sexu erasoagatik atxilotutako gizonak beste delitu batzuk egiteagatik aurrekariak ditu

26 urteko gizona pasa den larunbatean kartzelan sartu zuten, epailearen aurretik igaro ostean.

2024/11/19 - 11:46

Pelicoten semeek lehen aldiz deklaratu dute: ''Deabrua bera zara''

Dominique Pelicot eta beste 50 akusaturen aurkako epaiketa azken txanpan sartu da, eta hiru seme-alaben hitzak entzun ditu epaileak. Astearte honetan Gisèle eta Dominique Pelicoten azken deklarazioa izango da.

2024/11/16 - 18:03

Espetxera bidali dute Donostian emakume bati sexu-erasoa egiteagatik bart atxilotutako gizona

Ostegunean gertatu zen erasoa, 22:00ak aldera. Emakumea kaletik oinez zihoala, erasotzaileak labana batekin mehatxatu zuen eta sexu-erasoa egin zion.

2024/11/14 - 20:46

Errejonek dio Mouliaaren salaketa "faltsua" dela

Epaileari auzia berriro irekitzeko eskatu dio diputatu ohiak, eta deklaratzen uzteko, "benetan gertatutakoa azaltzeko", "linbo prozesala" saihestuz. Aktoreak, aldiz, berretsi du kontatu duen guztia "zehatz-mehatz gertatu zena" dela.

2024/11/14 - 17:51

Mugimendu Feministak mobilizazioak deitu ditu A25erako, "Ez bazara konponbidea, arazoa zara" lelopean

Mugimendu Feministako bozeramaileen hitzetan, "indarkeria ugari dira, baina, erroa, bakarra". "Ez gatoz ezer berria esatera, urteak daramatzagu kontu berdinak aldarrikatzen, eta, zoritxarrez, aldaketak oso motel datoz", deitoratu du mugimenduak. "Ardurak hartzeko unea da", aldarrikatu dute.

2024/11/12 - 17:48

Diputatuen Kongresuak lege erreforma abiatu du pederastia delitu larriak preskribatu ez daitezen

Ekimenak aldeko 305 boto, kontrako 32 (Vox) eta abstentzio bat jaso ditu. Kataluniako Parlamentuaren lege-proposamenak Zigor Kodea erreformatzea planteatzen du, bost urte baino gehiagoko kartzela-zigorra duten delituak preskriba ez daitezen.

2024/11/05 - 11:42

Iñigo Errejon azaroaren 12an inputatu gisa deklaratzera deitu du epaileak, sexu-erasoa egotzita

Elisa Mouliaa aktoreak jarritako salaketa ikertzen ari den magistratuak Sumar taldeko bozeramaile ohia datorren astearterako deitu du, eta, salatzailea, berriz, azaroaren 7rako, osteguna.

2024/10/28 - 20:35

Yolanda Diazek aitortu du Sumar ''berandu'' iritsi dela Iñigo Errejonen kasuan, eta barkamena eskatu du

Yolanda Diazek azpimarratu du "irmo" jokatu zutela gertaeren berri izan zutenean. Presidenteordea ez dago ados Errejonek bere kargu guztiei uko egingo diela iragartzeko "aldebakarrez" zabaldu zuen komunikatuarekin, eta "matxismotzat" jo du.

2024/10/26 - 00:38

Kargutik kendu dute Errejonen aurkako salaketak saihesteko bitartekari lanak egin omen zituen diputatua

Mas Madridek kargutik kendu du Loreto Arenillas Madrilgo Asanbleako diputatua. Arenillasek "errugabetasun-presuntzioa" ukatzea leporatu dio bere alderdiari, eta Manuela Bergerot Mas Madrideko bozeramaileak Errejon auzia 2023an ezagutu zuela ziurtatu du.

2024/10/25 - 21:28

Emakume batek herriko kiroldegian jasandako sexu-erasoa gaitzesteko bilkura egin dute Tolosan

Tolosako Usabal kiroldegiko gimnasioan entrenatzen ari zela gizon batek sexu-erasoa egin ziola salatu du emakume batek. Salaketa urriaren 8an aurkeztu zuen.

2024/10/25 - 19:38

Sumarrek esan du ez zituela salaketak ezagutzen, baina gero eta ahots gehiagok eskatzen dituzte erantzukizunak

Argi dago kasu honek arrakala sakona eragin duela Sumarren, feminismoa sendo aldarrikatu duen indar politikoan. Hori guztia alderdiak, ibilbide laburra duen arren, oso egoera zaila bizi duen unean.