Turkia
2023/02/13 - 10:04
Erreskate taldeek zortzi pertsona atera dituzte azken orduetan, lurrikara gertatu eta sei egunera
Turkiako agintariek jakinarazi dutenez, hondakinen artean gutxienez zortzi pertsona erreskatatu dituzte azken orduetan. Turkia hegoaldea eta Siria iparraldea astindu zituen lurrikarak 40.000 hildako baino gehiago izan ditu, azken zenbaketaren arabera.
2023/02/12 - 23:41
Zortzi lagun bizirik atera dituzte hondakin artetik, sei egunez harrapatuta egon ostean
OMEren arabera, gutxienez 9.300 pertsona hil dira Sirian, eta beste ia 30.000 Turkian. NBEko buruzagi humanitarioak onartu du erakundeak "huts egin" diola Siria-ipar-mendebaldeko jendeari; hain zuzen ere, Kasko Zuriek salatu dute ez dutela inguru horietan NBEren laguntzarik jaso.
2023/02/12 - 21:19
Turkiako Justiziak 130 atxilotze agindu igorri ditu kalitate txarreko eraikinak egin dituztenak harrapatzeko
Azken datuen arabera, lurrikaretan hildakoak 39.000ra iritsi dira dagoeneko, eta 85.000 zauritutik gora daude. Turkiako Gobernuak esan du ikertu egingo duela nola zeuden azpiegiturak eraikita. Momentuz 14 lagun daude atxilotuta, tartean eraikitzaileak, eta beste ehun baino gehiago, atxilotzeke.
2023/02/12 - 15:52
Hatay, hiri mamu bilakatuta
Hondakinak bildu eta ingurua berreraikitzea dute orain erronka Turkian, zero gunean bereiziki, Hatay eskualdean, Turkia eta Siria arteko mugan. Bertan txikizioa izugarria da eta herritar gehienak ezer gabe geratu dira, kale gorrian.
2023/02/12 - 15:48
Nazioarteko erreskate taldeak Turkiatik itzultzen hasi dira, tartean Gasteiztik joandakoak
Ankaran daude, sentimendu gazi-gozoarekin itzuli dira, inor ez dutelako bizirik erreskatatu.
2023/02/11 - 21:51
Turkian erreskate lanean ibili diren suhiltzaile gasteiztarrak Euskal Herrira bueltan dira
Turkia eta Siriako hainbat eremutan erreskate-lanak amaitutzat eman dituzte, eta bizirik atera direnei laguntzeko fasea abiatu dute. Tartean Admayan hirian, Gasteizko suhiltzaileak aritu dira lanean. Ankararako bidea hartu dute, dagoeneko eta handik Euskal Herrira.
2023/02/11 - 21:30
Erreskate lanak bukatzear daude Antiokian, eta makina astunak soilik ari dira lanean
Turkiako lurrikarek gehien astindu duen eskualdea Hatay izan da, herriaren hegoaldean, Siriako mugan. Bertan da Mikel Ayestaran lankidea, eta azken orduko nondik norakoak kontatu dizkigu.
2023/02/11 - 17:02
25.000 hildakotik gora zenbatu dituzte Turkian eta Sirian, eta kopurua bikoiztu egin daiteke oraindik
Nazio Batuen Erakundea beldur da hildako kopurua 50.000tik gorakoa izango ote den, azkenean. Litekeena da Hungariaren tamainako eskualde bateko hondakinen azpian hamar milaka biktima egotea.
2023/02/11 - 15:40
Antiokia da lurrikaren zero gunea; gorpuak dira bereziki hondakin azpitik ateratzen dituztenak
Turkian eta Sirian oraindik ere lanean jarraitzen dute, igandetik astelehenerako gauean izan zen lurrikaran desagertutako milaka lagunen bila. Orduek aurrera egin ahala, ordea, gero eta zailagoa da inor bizirik aurkitzea. Erreskate taldeak atsedenik gabe ari dira. Bertan da Mikel Ayestaran lankidea.
2023/02/11 - 13:56
Lurrikarak utzitako errefuxiatuentzako janari-bilketa abiatu du Zaporeak elkarteak
Euskadin eta Nafarroan ia 30 txoko prestatu dituzte, tartean Donostian, Turkiako eta Siriako errefuxiatuentzat zuzendutako jakiak biltzeko helburuz.
2023/02/11 - 13:53
Nola lagundu Euskal Herritik Turkiako eta Siriako lurrikaren ondorioz kaltetutakoei?
Gobernuz kanpoko hainbat erakundek kanpaina solidarioak jarri dituzte martxan bi herrialdeotara gehien behar diren baliabideak (arropa, elikagai ez-galkorrak, eta haurtxoentzako pixoihal eta janaria) helarazteko. Kontsultatu hemen laguntzeko bideak.
2023/02/11 - 10:48
Mugarik Gabeko Suhiltzaile batuak Turkian dira lurrikararen biktimei laguntzen
Bertako ordezkariek diotenez, lehenik tokian tokiko agintariekin jartzen dira harremanetan zertan lagundu dezaketen jakiteko. Erakundeak bidalitako irudi hauetan Elbistan ikus daiteke.
2023/02/10 - 21:53
Mikel Ayestaran, Gazianteptik (Turkia): "Norbait bizirik erreskatatzeko probabilitatea zeharo txikitu da"
EITBko berriemaileak jakitera eman duenez, gorpuak eta gorpuak ari dira ateratzen azken orduetan. Bestalde, Recep Tayip Erdogan Turkiako presidentearen kontrako kritikak areagotu direla azaldu du.
2023/02/10 - 21:48
Lurrikaratik lau egunera, hondakin azpitik bizirik
27 urteko emakume gazte batek 110 ordu egin ditu bere etxeko hondakinen azpian, eta bizirik erreskatatu dute. 107 ordu egin ditu beste emakume batek. Ahmed 5 urteko mutiko siriarrak familia osoa galdu du. Haren gurasoak eta hiru anai-arrebak hil dira lurrikaran.
2023/02/10 - 18:03
Apenas iritsi da laguntza Siriako oposizioaren kontrolpean dauden eremuetara
Espainiako eta Egiptoko bi talde bakarrik joan dira zonalde horietara erreskate lanetan laguntzeko. Gauzak horrela, Siriako ipar-mendebaldean ia ez dago laguntza humanitariorik. Bertara sartzeko pasabide bakarra dago: Bab el Hawa.
2023/02/10 - 15:43
Milaka lagun kale gorrian gelditu dira Turkian eta Sirian hotzak akabatzen
Turkian bakarrik, gutxienez 6.500 eraikin geratu dira guztiz suntsituta. Beste milaka, berriz, oso kalte handiekin, goitik behera erortzeko arriskuan.
2023/02/10 - 13:59
Turkiara joandako suhiltzaile gasteiztarrak erlojuaren kontra ari dira lanean
Accion Norte Vitoria GKEko sei suhiltzaile Adyaman herrian eri dira lanean gau eta egun hondakinen artean bizirik dauden pertsonak aurkitzeko.
2023/02/10 - 12:39
Turkiako eta Siriako kaltetuei laguntzeko kanpaina abiatu du Eroskik
Kooperatibak jakinarazi duenez, bezeroek dohaintza egin ahalko dute kutxatik igarotzean. Bildutako diru guztia Unicefen larrialdietarako funtsera bideratuko da.
2023/02/10 - 11:47
21.000 pertsona baino gehiago hil dira Turkian eta Sirian izandako lurrikaren ondorioz
Orduek eta egunek aurrera egin ahala, gero eta txikiagoa da hondakinen artean norbait bizirik aurkitzeko itxaropena. 75.000 bat dira zauritutakoak. Erdogan Turkiako presidenteak zehaztu duenez, asteleheneko lurrikara handien ostetik beste 600 seismo izan dira eremuan.
2023/02/10 - 11:33
Erreskate taldeek erlojuaren kontra lanean jarraitzen dute
Gero eta zailagoa da hondakinen azpian bizirik dauden pertsonak aurkitzea; izan ere, horrelako hondamendietan urik edo janaririk gabe 72 ordu iraun dezake gizakiak bizirik batez beste.