Txagorritxu Ospitalea
2021/07/22 - 19:13
Asteburuetan eta jaiegunetan etxeratzeko agindua ezartzeko baimena eskatu du Nafarroako Gobernuak
Asmoa da gauean izan daitezkeen topaketak eta ospakizunak saihestea, bi astean 250 kasu baino gehiago edo astebetean 125 kasu baino gehiago atzematen dituzten udalerrietan. Agindua uztailaren 24tik 28ra bitartean indarrean egotea espero du Foru Gobernuak.
2021/07/22 - 15:11
Beste errekor bat EAEko kutsatzeetan: 1.801 kasu berri, horietatik 1.078 Bizkaian
Datuek txarrera egin dute hiru lurraldeetan, baina Bizkaian dago egoerarik larriena, 205 kasuko igoerarekin.
2021/07/21 - 14:56
Pandemiako positibo kopuru altuena atzeman du EAEk: 1.583 kasu
Azken astean lau pertsona hil dira covid-19ak jota. Horrez gain, azken 14 egunetako intzidentzia-tasa metatuak goraka jarraitzen du, eta 100.000 biztanleko 600eko langa igaro du jada.
2021/07/20 - 15:28
Beste 1.314 positibo atzeman dituzte EAEn, eta 48 gaixo gehiago ospitaleratu dituzte
Bezperan baino 211 positibo gehiago erregistratu dituzte Euskadin. Positibotasuna apur bat jaitsi da, % 11n kokatuz, eta ZIUn 44 gaixo kritiko daude, aurreko egunean baino bi gehiago.
2021/07/20 - 13:11
Gazteak modu orokortuan txertatzen hasi dira EAEn
Prozesua berrantolatzearen ondorioz, Bilboko Casilla pabiloiko txertaketa-guneak ez zituen ateak ireki larunbatean, eta Illunben ez dute txertorik jarri astelehen honetan.
2021/07/19 - 16:27
Positiboen kopuruak milatik gora jarraitzen du Euskadin, eta ZIUetako okupazioak gora egin du
1.010 positibo berri atzeman dituzte EAEn eta zortzi gaixo gehiago daude zainketa intentsiboetako unitateetan, 42 baitira jada. Gainera, Gipuzkoako Foru Aldundiak jakinarazi duenez Donostiako Aldekonea adinekoen egoitzan hiru positibo berri atzeman dituzte.
2021/07/18 - 14:59
Jaitsi arren, milatik gorako kopurutan jarraitzen dute positiboek EAEn
1.011 kasu berri hauteman dira EAEn. Gipuzkoak baino ez ditu hobetu dira datuak, 81 kasu gutxiagorekin. Positibotasuna apur bat igo da, % 11,4raino. 31 pertsona ospitaleratu dituzte eta aurreko egunean baino hiru pertsona gehiago daude ZIUn.
2021/07/17 - 15:09
1.177 positibo berri EAEn eta 45 ospitaleratze egun bakarrean
481 kasu berri atzeman zituzten Bizkaian, 421 Gipuzkoan eta 128 Araban. Gainera, beste autonomia erkidego batzuetako 147 pertsonak ere positibo eman zuten atzo EAEn egindako proba diagnostikoetan.
2021/07/17 - 01:50
Maskara berriro derrigorrezkoa izango da Ipar Euskal Herrian aire zabaleko ekitaldietan
Pirinio Atlantikoetako Prefeturak iragarri duenez, besteak beste merkatuetan, ikuskizunetan edo manifestazioetan erabili beharko dute herritarrek. Departamenduak pandemiaren bilakaeragatik hartu du neurria.
2021/07/16 - 18:54
Izurriak okerrera egiten jarraitzen du EAEn, eta ospitaleetako egoera ere kaskartzen ari da
126 pertsona daude erietxeetako gela arruntetan (bezperan baino 28 gehiago) eta ZIUetan 31 eri daude, larri. Atzemandako 1.345 kutsatze berrietatik erdia baino gehiago 19-39 urtekoei dagozkio.
2021/07/16 - 13:49
Astelehenean ez dute txertorik jarriko Illunben, egun horretarako "dosi gutxi" baitaude
Astelehenerako gordeta zituzten txertoak asteko beste egun batzuetan jartzea erabaki du Osakidetzak. Asteartean dosi gehiago helduko direnez, Donostiako txertaketa guneak ohiko jarduera berreskuratuko du.
2021/07/15 - 21:50
"Gehiegizko gizarte-interakzioa debekutzat hartzea" eskatu du Urkulluk
Ostegun honetan argitaratutako dekretuaren bidez, lehendakariaren esanetan, "asmoa da debekutzat hartzea neurriz gaineko gizarte-interakzioa, eta, hortaz, arlo jakin batzuetan pertsonen elkartzea".
2021/07/15 - 15:48
EAEk 1.217 kasu atzeman ditu, adierazle nagusiak gorrian dituela
Okerrera egin dute ZIUetako egoerak, R0ak eta intzidentzia metatuak. Azken 14 egunetan 415 kasu pilatu dira 100.000 biztanleko, eta hala, erkidegoa gune latzenean sartu da.
2021/07/14 - 16:11
EAEk ia 1.000 positibo zenbatu ditu, transmisioaren katea ezin etenda
Gora egin du intzidentzia tasak (31 puntu) eta ospitaleetako datuak okerragoak dira. EAE eremu gorrian sartzeko zorian dago. Dena dela, azken astean ez da inor hil covid-19ak jota.
2021/07/13 - 22:48
Magnetizatu egiten al dute txertoek eta PCR probek grafenoagatik? Ez, mezu biral batzuek hala badiote ere
Covid-19aren aurkako txertoek eta PCR probek ez dute kutsatzen grafenoa baliatuz, eta ez dute pazienteengan magnetismorik sortzen; adituek sare sozialetan eta WhatsApp-en dabiltzan hainbat mezuk diotena gezurtatu egin dute.
2021/07/13 - 15:16
EAEko gazteen transmisio altua ZIUetara heldu da: 14 urteko nerabe bat oso larri dago
17-18 urteko gazteen intzidentzia tasa metatua etengabe igotzen ari da, eta tasa orokorra (346 kasu) halako zazpi da: 2.659 kasu 100.000 biztanleko. Atzokoan 788 positibo berri haumetan zituzten.
2021/07/13 - 14:05
Sagarduiren agerraldia, gobernu bileraren ostean, pandemiaren bilakaeraren berri emateko
Osasun arduradunak Jokin Bildarratz Hezkuntza sailburua eta Bingen Zupiria Eusko Jaurlaritzako bozeramailea izango ditu ondoan.
2021/07/12 - 22:48
Neurri berriak Iparraldean: covid pasaportea tabernetarako eta txertoa derrigorrezkoa osasun langileentzat
Emmanuel Macron Frantziako presidenteak iragarri duenez, erabakien asmoa da txertaketa-kanpaina bultzatzea, Delta aldaera gero eta kutsatze gehiago sortzen ari baita.
2021/07/12 - 16:13
Intzidentzia metatuak 300eko langa gainditu du EAEn
Gipuzkoan are okerragoa da datua: 400 kasu dituzte 100.000 biztanleko. Gainera, ospitaleetako egoerak txarrera egin du, eta 82 pertsona daude erietxeratuta.
2021/07/11 - 17:15
Positibotasun tasa % 9,4ra igo da Euskadin, 669 kasu gehiagorekin
Atzo 7.112 proba egin ziren, hau da, aurreko egunean baino 2.272 gutxiago. Intzidentzia-tasa nabarmen igo da, iazko azaroaren 9tik zenbatutako bigarren ehunekorik altuena izanda.