Positiboen kopuruak milatik gora jarraitzen du Euskadin, eta ZIUetako okupazioak gora egin du
Euskadik bost egun daramatza mila positibo berri baino gehiago atzematen, atzo 1.010 kasu atzeman ondoren, bezperan baino bat gutxiago. Gainera, igandean 36 pertsona ospitaleratu zituzten EAEn, bezperan baino bost gehiago, eta 42 gaixo kritiko zeuden ZIUetan, zortzi gehiago.
Datuak lurraldez lurralde aztertuta, Bizkaian atzeman dituzte positibo berri gehien, 479; 398 atzeman dituzte Gipuzkoan, eta 112, berriz, Araban. Horiez gain, EAEtik kanpo bizi diren 21 pertsonak eman dute positibo EAEn egindako probetan, Eusko Jaurlartzako Osasun Sailak jakitera eman duenez.
Arabako eta Bizkaiko lurraldeak eta bi hiriburuak, Gasteiz eta Bilbo, eremu gorrira igaro dira astelehen honetan, covid-19ak EAEn herriz herri izan duen eragina neurtzeko duen Eusko Jaurlaritzako Osasun Sailaren semaforoaren arabera. Halaber, beste 17 udalerri handi batu dira gune latzenera.
Atzo 7.927 proba egin zituzten eta positibotasun tasa % 12,4ra igo zen (larunbatean baino puntu bat gehiago); beraz, bosgarren egunez jarraian, % 10etik gora dago adierazle hori.
Intzidentzia-tasa metatua 548,34an dago jada (bezperan baino 29,2 gehiago). Gipuzkoak jarraitzen du egoera okerrenean, intzidentzia metatua 644,31ekoa baita. Araban 428,92an dago eta Bizkaian 483,88an.
Atzo atzemandako lau positibo berrietatik hiru (% 75,7) 40 urtetik beherakoak dira (765 positibo berri), eta intzidentzia metatua oso handia da 17 eta 18 urteko gazteen artean, 3.311,67 kasu izan baitira 100.000 biztanleko 14 egunetan.
Atzo, 206 gaixo zeuden ospitaleratuta, bezperan baino 31 gehiago. Bazen hilabete eta erdi (ekainaren 8tik) ospitaleratutakoen kopurua ez zegoela 200tik gora igarotzen.
Igande honetan gaixo larrien kopuruak gora egin zuen, egun batean 34tik 42ra pasa baitziren, eta baita gela arruntetan ospitaleratzen dituzteb gaixoen kopuruak ere, 31tik 36ra igo baita.
Datu positiboa R0k eman du; izan ere, goranzko joera luze baten ondoren, murriztuz joan da azken egunetan, eta hiru egun jarraian egin du behera adierazle horrek.
Ostiralean R0 1,40an zegoen eta atzo 1,30era jaitsi zen. Jaitsiera hori hiru lurraldeetan gertatu da: Araban 1,40tik 1,30era, Bizkaian 1,42tik 1,34ra eta Gipuzkoan 1,37tik 1,26ra jaitsi da.
Hiru positibo berri Donostiako egoitza batean
Gipuzkoako Foru Aldundiak jakitera eman duenez, Donostiako Aldakonea egoitzako erabiltzaileen artean covid-19aren hiru kasu positibo berri atzeman dituzte.
Foru erakundeak azaldu duenez, positibo eman duten hiru pertsonek txertoa jaso dute, eta horrenbestez, ez dute sintomarik. Hala ere, prebentzioz, Eibarko covid-19 zentro berezira eraman dituzte.
Une hauetan, zazpi pertsona daude Ordizian eta Eibarren covid-19ari aurre egiteko bereziki prestatutako adinekoen egoitzetan. Aldundiak jakinarazi duenez, zortzi positibo aktibo daude Gipuzkoako adinekoen egoitzetan.
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.