Neurri berriak Iparraldean: covid pasaportea tabernetarako eta txertoa derrigorrezkoa osasun langileentzat
Txertaketa-ziurtagiria edo herritarrek koronabirusa gainditua dutela erakusten duen ziurtagiria, hau da, jende-pilaketa handietan erabiltzen den osasun-pasaportea, Ipar Euskal Herriko jatetxeetan, antzokietan eta zinema-aretoetan baliatzen hasiko dira, datorren astetik aurrera. Hala iragarri du Emmanuel Macron Frantziako presidenteak astelehen honetan, telebistan emandako agerraldian; gainera, zehaztu duenez, osasun-langileek eta pertsona zaurgarriekin lan egiten duten beharginek, adinekoen egoitzetako langileek, txertoa jasota izan beharko dute irailaren 15erako; hala ez balute egingo, zigortuko lituzkete.
"Zenbat eta txerto gehiago jarri, orduan eta leku txikiagoa izango du birusak hedatzeko", esan du Estatuburuak telebistan emandako hitzaldian. Adierazi duenez, neurri berrien xedea Delta aldaeraren eragina murriztea izango da; izan ere, aldaera hori gero eta kutsatze gehiago ari da sortzen: egun, Frantziako kutsatzeen % 50etik gora.
Hala, uztailaren 21etik aurrera, osasun-pasaportea 50 pertsonatik gora izango diren kultura-lekuetan eskatuko dute. Orain arte, beharrezkoa izan da diskoteketara sartzeko, baita 1.000 pertsonatik gorako gizarte- eta kirol-ekitaldietan ere.
Abuztuan, aldiz, immunitate-froga edo txertoaren pauta osoa jaso izatearen froga 12 urtetik gorakoei ere eskatuko zaie, kafetegietan, jatetxeetan, tabernetan, ibilbide luzeko autobusetan eta trenetan, eta hegazkinetan. Horren helburua da eszeptikoenek ere txertoa hartzea, kanpainari beste astindu bat emate aldera.
PCR probak eta antigeno-probak ordainpekoak, mediku batek ez baditu agindu
PCR probak eta antigeno-probak, udazkenetik, ordainpekoak izango dira, ez bada mediku batek agindu dituela. Orain arte, Gizarte Segurantzak ordaindu egin ditu.
"Txertaketa ez da nahitaezkoa izango herritar guztientzat, baina bultzatuko dugu, ahalik eta herritar gehienek jasotzeko", laburbildu du Macronek.
Macronek Frantziako susperraldi ekonomikoan sakondu nahi izan du; izan ere, horretarako ezinbestekotzat jotzen du herritar guztiak txertatzea. Igandean, Frantzian, 35,8 milioi lagunek zuten jasota gutxienez txertoaren dosi bat (herritarren % 53,4k), eta 27,4 milioik, hau da, % 41ek, pauta osoa zuten jada.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.