Txertoak
2022/01/04 - 16:31
Atzeratu da Frantzian txertoen egiaztagariaren erabilera
Errepublikanoek eta oposizioak pasaporteari buruzko eztabaidekin ez jarraitzearen alde bozkatu dute bart, eta, beraz, aurreikusitako aplikazio-egutegia airean gelditu da.
2022/01/04 - 13:25
Ikasleak aurrez aurreko eskoletara itzuliko direla baieztatu dute Espainiako Gobernuak eta erkidegoek
Carolina Darias Espainiako Gobernuko Osasun ministroak azpimarratu duenez, presentzialtasuna erabateko lehentasuna da, eta aho batez onartu dute gaur goizean Osasun, Hezkuntza eta Unibertsitate ministerioek erkidegoekin egin duten bileran.
2022/01/04 - 12:56
Pandemiak okerrera egiten jarraitzen du Euskadin, 11.572 kutsatze gehiago erregistratu baitituzte
14 eguneko intzidentzia-tasa metatua 4.898 kasura igo da, eta ospitaleetako presioak gora egiten jarraitzen du: 567 pertsona daude gela arruntetan ospitaleratuta eta 132 zainketa intentsiboetako unitateetan. Gainera, plantako ospitaleratzeetako bi eta ZIUetako bi pediatrikoak dira.
2022/01/04 - 12:07
Miren Basaras: "Asteak beharko dira olatu honek goia jotzeko"
Miren Basaras EHUko mikrobiologoak iritzi dio askoz ere arrisku gehiago dituela herritarrak kutsatzen uzteko estrategiak. Auzitan jarri du berrogeialdia 10 egunetik 7ra jaistea: "Ez dago ebidentzia zientifikorik esateko zazpigarren egunaren ondotik ez dugula kutsatzen".
2022/01/03 - 22:22
Osakidetza 45 urteko herritarrei hirugarren dosia jasotzeko hitzordua ematen hasi da
Euskadik covid-19aren aurkako 759.927 hirugarren dosi eman ditu oraingoz. Honenbestez, 12 urtez gorako biztanleen % 41,9k jaso dute dagoeneko.
2022/01/03 - 18:09
12 urtetik gorako herritarren % 41,9k hirugarren dosia jaso dute dagoeneko Euskadin
5-11 adin tartera bideratutako txerto pediatrikoaren kasuan, EAEk jasotako 60.000 dosien % 84,5 eman dituzte. 5 eta 11 urte arteko adingabeei emandako 50.690 txertoetatik 6.004 dosi bakarrekoak izan dira.
2022/01/03 - 13:58
Intzidentzia metatua 4.469 kasuraino igo da Euskadin, eta ospitaleetako presioa ere igo egin da
EAEko ospitaleetan 132 gaixo daude zainketa intentsiboetako unitateetan eta 560 gela arruntetan.
2022/01/03 - 12:51
Txertoaren laugarren dosia jasoko dute Israelen 60 urtetik gorakoek eta osasun langileek
Gainera, Bennettek iragarri du negatibo diren 5 urtetik gorako kontaktu estuek ez dutela berrogeialdirik egin beharko, baldin eta txertoa jaso badute. Kontrara, txertorik hartu ez dutenek zazpi eguneko berrogeialdia bete beharko dute, negatibo izanda ere.
2022/01/02 - 20:52
Juan Jose Badiola: "Pandemiaren amaiera urtea izango da 2022a. Udaberrian edo udan izango da"
Epidemiologian katedradunak uste du bi edo hiru astetan goia joko dutela omikron aldaerak eragindako kutsatzeek eta "une horretatik aurrera, arin jaitsiko dira".
2021/12/31 - 14:31
132 eta 80 positibo zenbatu dituzte Bizkaiako eta Gipuzkoako adinekoen egoitzetan
Bizkaian, kutsatzeak hirukoiztu egin dira hiru egunetan eta 20 pertsona dauden covid-19arekin ospitaleratuta. Gehienek lehendik beste patologia batzuk dituzte. Gipuzkoan 34 egoiliar daude koronabirusaren erreferentziazko zentroetan.
2021/12/31 - 10:44
AIk herrialde aberatsen eta farmazeutikoen "porrota" salatu du, txertaketaren inguruko "desorekengatik"
Urteko balantzea egiterakoan, Amnistia Internazionalak kritikatu du milaka milioi pertsona utzi dituztela "bizitzak salbatzen dituen sendagairik gabe".
2021/12/30 - 17:15
11.712 kasu berrirekin, EAEn ia 3.000koa da intzidentzia metatua
Positibotasun tasa % 35,1ekoa da. 455 lagun daude covid-19arekin ospitalean, bezperan baino 25 gehiago. Gainera, 115 pertsona daude larri ZIUtan, hilaren lehenean zeudenak halako bi.
2021/12/30 - 14:52
5 eta 11 urte bitarteko hiru haurretik batek txertoaren dosi bat jaso du EAEn
Osakidetzak 46.490 txerto pediatriko eta 726.795 errefortzu dosi jarri ditu. 12 urtetik gorakoen % 39k jaso dute errefortzu dosiren bat.
2021/12/30 - 12:00
Sagardui: 'Positiboen koarentena irizpide zientifikoei jarraituz murriztu da'
Asteazken honetan, 33.000 proba baino gehiago egin dira eta, behin-behineko datuen arabera, horietatik 11.712k emaitza positiboa izan dute. Gotzone Sagardui Osasun sailburuaren esanetan, adierazleak begiratuta ezin da esan datozen egunetan joera aldaketa bat izango denik.
2021/12/30 - 00:29
Munduko Osasun Erakundeak 2022ko uztailaren hasiera ezarri du biztanleria osoaren % 70 txertatuta edukitzeko
Munduko Osasun Erakundeko zuzendari nagusiak "herrialde aberatsetako liderrak" eta "fabrikatzaileak" helburu hori lortzeko elkarrekin lan egin dezaten.
2021/12/29 - 20:56
Positibo asintomatikoen berrogeialdia 10 egunetik 7ra murriztea adostu dute Osasun Ministerioak eta erkidegoek
Pertsona positibo baten kontaktu estua izan eta txertatu gabe daudenei ere eragiten die neurriak.
2021/12/29 - 15:58
Ostalaritza sektorea neurri berrien aurkako helegite bateratua prestatzen ari da
Ostalaritzako edukiera eta ordutegiak murrizteko neurriek haserrea piztu dute sektorean. Zigorraren ondoren kalte-ordainak ez datozela salatu dute. Ostalariak eta Eusko Jaurlaritza gaur bildu dira eta datorren astean berriro bilduko dira, laguntzak zehazten jarraitzeko.
2021/12/29 - 13:07
Carlos Artundo: "Seguruenik, txertatutako positiboen berrogeialdia laburtzen joan beharko da"
Nafarroako Osasun zuzendariak azaldu duenez, "ezin dugu mundu guztia arakatu ditugun milaka kasuekin, eta pertsona zaurgarrienak arakatzera pasa gara", besteak beste, zaharren-egoitzak.
2021/12/29 - 11:39
Omikron aldaerak % 11 igo ditu covid kasuak munduan, baina heriotzak jaitsi egin dira
Abenduaren 20tik 26ra 4,9 milioi kasu atzeman ziren planetan, azken zazpi hilabeteetako kopururik altuena, hildakoak 44.000 izan ziren bitartean.
2021/12/28 - 19:06
Tabernak 01:00etan itxiko beharko dituzte abenduaren 29tik urtarrilaren 28ra bitartean
Horrez gain, tabernetan, jatetxeetan eta diskoteketan zutik kontsumitzea debekatuta egongo da eta mahai bakoitzean ezingo dira 10 pertsona baino gehiago elkartu. Establezimendu guztietan edukiera % 60koa izango da. Neurri berriak asteazken honetatik urtarrilaren 28 arte egongo dira indarrean.