Txertoak
2022/01/13 - 15:34
Erretiratuta zeuden erizainen boluntario talde bat txertaketarekin laguntzen ari da Bilbon
Erietxeetako presioa arintzeko asmoz, txertagune berria jarri dute martxan Bilbon. Lehenengo, bigarren eta, batez ere, hirugarren dosiak jartzen ari dira. 10 boxetatik 5 ari dira momentu honetan erabiltzen, baina datozen egunetan gainontzekoak ere erabili beharko direla aurreikusten dute.
2022/01/13 - 15:14
R0 adierazlea 0,92ra jaitsi da EAEn, hiru hilabetez 1etik gora egon ostean
14 eguneko intzidentzia-tasa metatuak ere behera egin du lehen aldiz urritik hona, baina oso altu jarraitzen du, 6.936,7 kasukoa baita. Ospitaleetako presioa ere altua da, eta guztira 943 pertsona daude ospitaleratuta.
2022/01/13 - 14:35
Txertoaren hirugarren dosia 18 urtetik gorakoei zabaltzea adostu du Osasun Publikorako Batzordeak
Hala adierazi du Carolina Darias Osasun ministroak, azken akordioen berri emateko egin duen agerraldian. Bigarren ziztadaren eta oroitzapenaren arteko tartea sei hilabetetik hiru hilabetera aurreratzea ere adostu dute.
2022/01/13 - 14:24
Antigenoen testen gehieneko prezioa 2,94 eurokoa izango da
Osasun Ministerioak ezohiko batzorde bat deitu du antigenoen testen gehienezko prezioaren inguruan hartutako erabakia iragartzeko. Carolina Darias ministroak azaldu duenez, gehienezko prezioa 2,94 eurokoa izango da.
2022/01/13 - 09:52
40 urtez azpikoei txertoaren hirugarren dosia jartzea aztertuko du gaur Osasun Publikoaren Batzordeak
Halaber, bigarren eta hirugarren dosiaren arteko tartea sei hilabetetik hirura laburtzea aztertuko dute, Europako beste herrialde batzuetan hartutako bidea eredu.
2022/01/12 - 21:18
Espainia covid-19a endemia gisa kontrolatzen hasiko da seigarren olatua gainditu ondoren
"Nahiz eta seigarren olatua izan, egoerak aurrekoekin zerikusirik ez duela bistakoa da", esan du Carolina Darias Osasun ministroak. Egoera aldaketaren aurrean, "agertoki berriak aurreratzeko" beharra nabarmendu du
2022/01/12 - 20:24
EMA: "Kontuz, txertaketa etengabeekin immunitate sistema gainase dezakegulako"
Hiru edo lau hilero dosi bat hartzea suposatzen duen txertaketa estrategia "kezkarekin" ikusten du erakundeak. Bestalde, oraingoz covid-19a gripea bezala kudeatzea baztertu du EMAk.
2022/01/12 - 14:22
Lau pertsona hil eta 31 ospitaleratze berri izan dira Nafarroan, horietatik hiru ZIUetan
Guztira, 257 pertsona daude ospitaleratuta covid-19ak jota, horietatik 33 ZIUetan. Asteartean 2.999 positibo hauteman ziren; duela astebete, 3.616.
2022/01/12 - 11:34
Zaintza sistema jagoleaz eta txertoaren hirugarren dosia "zabaltzeaz" jardungo dute Gobernuak eta erkidegoek
Bi gai nagusi jorratuko dituzte arratsaldeko hitzorduan. Alde batetik, egoera epidemiologikoari buruzko erabakiak hartuko dituzte. Bestetik, txertaketa izango dute eztabaidagai.
2022/01/11 - 20:05
MOEren arabera, omikronek Europako herritarren % 50 kutsatuko ditu 6-8 astean
Europan 7 milioi covid-19 kasu berri baino gehiago baieztatu dituzte 2022ko lehen astean, bi asteko epean bikoitza baino gehiago.
2022/01/11 - 16:43
Covid protokoloan beste aldaketa bat denbora tarte laburrean: Nola jokatu?
Hauek dira jarraitu beharreko urratsak koronabirusaren sintomak badituzu edo positibo eman duen norbaiten kontaktu estua bazara.
2022/01/11 - 13:37
Osakidetzak zaurgarriak diren kontaktu estuei soilik egingo die covid-19aren proba
70 urtetik gorako pertsonak, defentsak baxu dituztenak, haurdun dauden emakumeak, txertorik jaso ez dutenak eta gaixotasun larriren bat dutenak sartzen dira talde horretan.
2022/01/11 - 12:54
Ospitaleetako presioak EAEn bere horretan jarraitzen du, 139 pertsona baitaude ZIUetan eta 792 gela arruntetan
100.000 biztanleko 14 eguneko intzidentzia-tasa metatua 6.844,35 kasukoa da. Atzo 11.923 kasu positibo atzeman zituzten eta 29.158 proba diagnostiko egin ziren.
2022/01/11 - 09:40
Australiara sartzeko betetako formularioan Djokovicek gezurra esan ote zuen ikertzen dabiltza
Bestalde, Ana Brnabic Serbiako lehen ministroak Novak Djokovic tenislariaren eskubideak errespeta ditzatela eskatu dio Australiako Gobernuari.
2022/01/10 - 20:14
Nafarroak Eguberrietan aplikatutako neurriak luzatzea ala ez erabakiko du astearte honetan
Printzipioz, ostalaritzan indarrean dauden neurri murriztaileak ostiral honetan bukatzen dira. Chivitek onartu duenez, "egungo egoera ez da duela 15 egun genuena baino hobea".
2022/01/10 - 17:19
Hiru kasu baino gehiago atzeman arte ez legoke berrogeialdirik Euskadiko eskoletan
Gotzone Sagardui Osasun sailburuak Eusko Legebiltzarrean jakitera eman duenez, gela berean hiru kutsatze gertatuta ez da koarentenarik ezarriko, eta hirutik gora ikastetxe horri dagokion osasun eremuak erabakiko du.
2022/01/10 - 15:23
50 pertsona hil dira covid-19ak jota aurreko astean
Osakidetzako ZIUetan 142 gaixo dituzte jada, eta 796 pertsona daude ospitaleetako gela arruntetan. Erietxeratutakoen kopurua pandemia osoko altuena da. Albiste positibo bakarra R0ak eman du, 1etik gertu baitago.
2022/01/10 - 14:40
Osakidetza astelehen honetan hasi da 40 urteko pertsonei errefortzu dosirako hitzordua ematen
12 urtetik gorakoen % 46k hartu dute jada dosi osagarria, txertaketa buletinak zehaztu duenez.
2022/01/10 - 13:31
Zer aldaketa ekarriko ditu Osakidetzak antigeno-probei lotuta aurkeztutako protokolo berriak?
Aurrerantzean, farmazian erosi eta etxean egindako proba batean positibo ematen duenak etxean bakartu beharko du, baina ez dio Osakidetzari jakinarazi beharko.
2022/01/10 - 12:31
Espainiako Gobernua plan bat prestatzen ari da koronabirusari gripeari bezala aurre egiteko
Koronabirusa arnas gaixotasun gisa hartzeko asmoz, Pedro Sanchezen Exekutiboa plan bat prestatzen ari da. Horrek, praktikan, kasuen zenbaketa zehatza alde batera utzi eta gaixotasuna nola hedatzen den aztertzea ekarriko luke, besteak beste.