Espainiako Gobernua plan bat prestatzen ari da koronabirusari gripeari bezala aurre egiteko
Pedro Sanchez Espainiako Gobernuko presidenteak jakitera eman duenez, bere Gobernuak asteak daramatza koronabirusa gripe arrunt bati bezala aurre egiteko plan bat lantzen. Europa mailan "eztabaida hau irekitzen saiatzen" ari dela gaineratu du.
El Pais egunkariak astelehen honetan argitaratu duenez, Espainiako Gobernua koronabirusa arnas gaixotasun gisa hartzeko plana prestatzen ari da, eta horrek, praktikan, kasuen zenbaketa zehatza alde batera uztea eta horren ordez gaixotasuna nola hedatzen den aztertzea ekarriko luke, osasun arloko langileek jasotako lagin esanguratsuetatik abiatuta.
Ser irratian egindako elkarrizketa batean gaiari buruz galdetu diotenean, Sanchezek erantzun du Gobernuan "duela aste batzuetatik" ari direla lanean, eta orain Espainiako Alerta eta Larrialdi Sanitarioen Koordinazio Zentroarekin eta alerten lantaldeko arduradunekin hitz egingo dutela.
"Europa mailan ireki nahi dugun eztabaida da; Osasun ministroak berak Europako hainbat osasun ministrori planteatu die", gaineratu du. Beharrezko eztabaida dela dio; izan ere, zientziarekin "gure burua babesteko eta herritarren arteko kutsatzeak ahal dugun neurrian murrizteko erantzuna" baitugu.
Gainera, koronabirusaren hilgarritasuna nabarmen murriztu dela azpimarratu du, pandemiaren lehen olatuan batez bestekoa % 13koa baitzen, eta seigarren olatu honetan % 1ekoa.
Pedro Sanchezek iragarri duenez, Espainiako Gobernuak antigeno testen prezioak kontrolatzeko asmoa du. Horretaz gain, urtarrilean Pfizerren antibiralaren 344.000 dosi erosiko dituzte.
Zure interesekoa izan daiteke
Osakidetzak 45 urtera aurreratuko du bularreko minbizia atzemateko baheketa, eta bere gain hartuko ditu egun pribatura bideratzen dituen abortuak
Osasun sailburuak iragarri duenez, progresiboki hasiko dira haurdunaldiaren borondatezko etenak egiten, "bi urteren buruan" beren gain hartzeko aurreikuspenarekin. Gainera, 2027rako, 45 urtera jaitsiko da bularreko minbizia atzemateko baheketen adina.
56 pertsona hil dira trafiko-istripuetan Hego Euskal Herrian urtea hasi zenetik
Bide Indarkeria STOP elkartearen ustez, datu "onartezinak" dira, eta, hori dela eta, premiazko neurriak, kontrol gehiago, zigor gogorragoak eta erakundeen bizkortasun handiagoa eskatu dituzte.
Astelehen honetan hasiko da Gasteizko Askabide klinikaren aurrean protesta egin zuten 21 lagunen aurkako epaiketa
Zigor arloko 1 zenbakiko epaitegiak ahozko hiru saio ditu aurreikusita aste honetarako. Hain zuzen ere, astelehenean, asteartean eta ostegunean egingo dituzte saio horiek, eta lehenengo egunean lekukoek hatuko dute hitza.
Trafiko-istripuetan hildakoak Bilbon oroitu dituzte senideek
Gaur, Trafiko Istripuen Biktimak Oroitzeko Munduko Eguna da. Biktimen familiak Bilbon bildu dira, horiek gogoratzeko. Bide-hezkuntza nahitaezko irakasgaia izatea eskatu dute berriro; izan ere, senideen esanetan, gure ardura da biktimen kopurua murriztea.
Maialen Mazonen hilketaren instrukzioa amaituta, 45 urteko espetxe-zigorra eskatu dute akusatuarentzat
Gasteizen zein euskal gizartean, oro har, hotzikara eragin zuen 2023an kasuak. Haurdun zegoela, 13 labankadaz hil zuen ustez bikotekide ohiak Maialen, 2 urteko alabaren aurrean. Laster aukeratuko da epaimahaia, eta, ondoren, epaiketa 2026ko lehen sehilekoan egiteko data ezarriko da. Kasuak ezbaian jarri zuen Ertzaintzaren indarkeria matxistaren inguruko protokoloa.
Donostia arrosa kolorez bete da Katxalin Martxa Solidarioaren XI. edizioan
Katxalinen XI. martxa arrosa egin dute Donostian, dirua biltzeko eta bularreko minbizia ikusarazteko. 4,5 kilometroko ibilbide solidarioa egin dute, Alderdi Ederretik abiatuta. Elkarteak nabarmendu du oso garrantzitsua dela ikertzen jarraitzea, emakume gazteen kasuek gora egin baitute.
Adingabe batzuk ikerketapean dira Plentzian, hainbat urtez irakasle bat jazartzeagatik
Azken erasoak Halloween gauean izan ziren. Orduko hartan, 50 bat gaztek arrautzak eta limoiak jaurti zituzten irakaslearen etxebizitzaren kontra. Horren aurrean, ikastetxeak ohar bat zabaldu du, azaltzeko zortzi urte daramatzala irakasle horrek erasoak jasaten, eta, hori dela eta, eskolaz kanpoko jarduera guztiak bertan behera utzi dituztela jakinarazteko.
Palestinan ikusmin eta emozio handiz jarraitu dute Euskal Selekzioaren kontrako partida
Jerusalemgo ipar-ekialdean dagoen Ramallah udalerriko bi tabernatan norgehiagoka nola jarraitu zuten ikusteko aukera izan du EITBk. Euskal Herriarekin oso eskertuta ikusi ditugu palestinarrak, jasotako babesagatik.
Euskal Selekzioaren eta Palestinaren arteko partidak harrera oso ona izan du ETB1en
Partida historikoak 322.000 ikus-entzuleko audientzia metatua eskuratu du Euskadin eta Nafarroan, audientziaren % 21,1 erakarrita.
Euskal Selekzioa eta Palestina bat eginda, futboletik harago doan partidari amaiera hunkigarria emateko
Bi selekzioek emozioz eta sinbolismoz beteriko partida jokatu dute San Mamesen. Emaitza gorabehera, Palestinarekiko babesa, errekonozimendua eta elkartasuna erakusteko festa ederra izan da bi taldeen arteko topaketa.