Bildarratz: "800 ordezkapen egin ditugu, 2021eko urtarrilean halako lau"
Jokin Bildarratz Hezkuntza sailburuak jakinarazi duenez, Gabonen osteko eskolara buelta bermatzeko 800 irakasle ordezkatu dituzte, 2021eko urtarrilean halako lau.
Bildarratzen hitzetan, Hezkuntza Sailak 170 milioi euroko aparteko aurrenkontua izan du, 1.000 bat kontrataziori eutsita pandemiaren kudeaketari aurre egiteko, baita materiala erosteko ere. "Beharrezkoa den esfortzua egingo du aurrez aurreko eskolei eusteko", nabarmendu du.
Bildarratzek Radio Euskadiren "Boulevard" saioari eskainitako elkarrizketa labur batean aitortu du izurriaren transmisio altuak berez konplikatua den eskolara buelta "apur bat gehiago tentsionatu" duela. Era berean, 5-11 urtekoak txertatzeko deia egin die gurasoei, koronabirusari aurre egiteko "oso lagungarria" dela iritzita. Horren adibide, datu bat eman du: abendura arte itxitako ikasgelen % 97 ez txertatuenak ziren, eta % 3 bakarrik ziren inokulatutakoena (12 urtetik gorakoena).
Ikasgeletan positiboak daudenean gela ixteko irizpidea zein izango den galdetuta, sailburuak esan du Osasun Sailak Zaintza eta Arakatze Sarearen bitartez zehaztuko duela nola egin.
Hezkuntza protokolo berria
Eusko Jaurlaritzaren Hezkuntza eta Osasun sailak elkarlanean Hezkuntza protokoloa eguneratu dute, koronabirusak eragindako gaur-gaurko egoerara egokitzeko.
Ikasle batek sintomarik badu, etxean gelditu beharko du eta Euskadi.eus webguneko "nola jokatzen dut?" atalean dagoen formularioa bete beharko du. Webgunearen bitartez zailtasunak dituztenek osasun zentrora deitu ahalko dute.
Ikasgelan positiboren bat balego, gainerako ikasleek eskolara joaten jarraitu beharko dute, beti ere prebentzio neurriak beteta. Sintomarik ez dutenek ez dute etxean geratu beharko eta, berariaz adierazi ezean, ez zaie proba diagnostikorik egingo. Koronabirus kasu gehiago egonez gero eta egoera epidemiologikoaren arabera, aztarnariek erabakiko dute hezkuntza zentroan esku-hartzerik egin behar den ala ez.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.