Eskolara buelta EAEn, 5 eta 11 urte bitarteko adingabeen ia % 40 txertatuta daudelarik
Euskal Autonomia Erkidegoko ikasleak astelehen honetan itzuliko dira ikasgeletara, Gabonetako oporren ostean. Covid-19ari aurre egiteko protokolo berria izango dute, omikron aldaerak eragindako kasu positiboen kopuruak nabarmen egin baitu gora.
Hezkuntza Sailak aurrez aurreko itzuleraren aldeko apustua egin du, eta Gabonen aurretik indarrean zegoen jarduera-protokoloa eguneratu du, Euskadiko pandemiaren egungo egoerara egokitzeko.
Horrela, 6 urtetik gorako ikasle guztiek maskara erabili beharko dute, bai barrualdean, bai atsedenaldietan.
Gainera, burbuila-taldea ikasgela izango da berriro, eskolaz kanpoko klaseak bizikidetza egonkorreko taldeak bermatu badaitezke egingo dira, eta ez da eskola kiroleko lehiaketarik egongo gutxienez urtarrilaren 28ra arte. Entrenamenduak bakarrik mantenduko dira.
Bihar, astelehena, txertaketa datuak eguneratuko dituzte Euskadin. Joan den ostegunean ezagututako azken datuen arabera, 5 eta 11 urte bitarteko EAEko adingabeen ia % 40k (% 39,6k, hain zuzen ere) txertoaren dosi bat hartu du dagoeneko, eta kolektibo horren % 4,8k pauta osoa du.
12 eta 15 urte bitartean, immunizazio osoa % 92koa da, eta 16 eta 19 urte bitartean, berriz, % 90,7koa.
Ikastetxeetako positiboen kudeaketari dagokionez, joan den astean Osasun Publikoaren Batzordeak gela osoak berrogeialdia egitea gomendatu zuen zazpi eguneko epean bost covid kasu atzeman edo ikasleen % 20ri eraginez gero.
Euskadin oraindik ez dute zehaztu gomendio horri jarraituko dioten ala ez, eta Osasun Sailak datozen egunetan emango ditu xehetasunak. Oraingoz, ikastetxeei bidali zaien protokolo berrian, agerralditzat jotzen da ikastetxean lotura epidemiologikoa duten edo ikasgela batean foku ezagunik ez duten hiru kasu egotea.
Klasera itzulera Nafarroan
Nafarroak Osasun Publikorako Batzordeak ostiralean adostutako gomendioei jarraitzea erabaki du: berrogeialdian jarriko du gela osoa, 5 covid kasu atzematen badira edo ikasleen % 20ri eragiten badie, 7 eguneko epean edo laburragoan.
Gomendio horren arabera, 4 kasu atzeman edo ikasgela bateko ikaskideen % 20 baino gutxiago emanez gero positibo, kasu isolatutzat hartuko dituzte, eta horientzat ez dute berrogeialdirik gomendatuko.
Ipar Euskal Herrian astelehenean itzuli ziren ikasgeletara
Ipar Euskal Herrian urtarrilaren 3an hasi ziren Gabonetako oporren osteko klaseak. Covid-19 kasuek gora egin dute azken egunotan, eta, ondorioz, Frantziako Gobernuak kontaktuen bilaketa gogortu behar izan du. Bertan, ikasgelak ez dira itxiko hiru kasu atzemanez gero, baina ikasleek hiru test egin beharko dituzte lau eguneko tartean, bilakaera egiaztatzeko.
Gainera, maskarak derrigorrezkoak izango dira 6 urtetik aurrera, eta ez 11 urtetik aurrera, aurretik bezala.
Zure interesekoa izan daiteke
Fislkaltzak dio Maialen Mazonen ustezko hiltzaileak "jakitun" zegoela eta "nahita" hil zuela emakumea, eta uste du sufri zezan jardun zuela
Arabako Lurralde Auzitegian, Maialen Mazonen hilketa argitzeko epaiketan aldeak ondorioak aurkezten ari dira gaur. Fiskaltzak eta akusazioek akusatuarentzat 45 urte eskatzen dituzte, hilketagatik, bi abortu deliturengatik eta adin txikiko bat abandonatzeagatik; izan ere, argi dute Maialeni, hiltzeko helburuz eman zizkiola 13 labankada eta uneoro zela egiten zuenaz kontziente.
Nafarroako Ospitalean jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Jazarpenagatiko salaketa modu anonimoan jarri zen joan den abenduan, Nafarroako Ospitale Unibertsitarioko zerbitzuburu baten aurka, eta ezagun egin zen sare sozial bateko kontuan argitaratu zenean. Bertan, Nafarroako ospitale publiko horretako emakumezko mediku batek salatzen zuen zerbitzuburu horren hizkerak eta jokabideak "emakumeak gutxiesten, umiliatzen eta 'gauza'-tzat jotzen" zituela, eta zuzendaritzari, "jakitun izan arren, ezer ez egitea" leporatzen zion.
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du beti bizitza errazago bihurtzen, diagnostiko berantiarrak, autoexijentziak, antsietateak eta ingurukoen itxaropen handiek tarteko.
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.
100.000 € gorde dira indarkeria matxistaren biktimen seme-alaben laguntzetarako Euskadin
2025ean emakumeen aurkako indarkeria matxistaren ondorioz hildako emakumeen 8 seme-alaba lagundu dira. Laguntza ama hiltzen den unean adingabeak diren seme-alabei zuzenduta dago, eta 21 urte bete arte eska daiteke.
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.