Osakidetzak zaurgarriak diren kontaktu estuei soilik egingo die covid-19aren proba
Eusko Jaurlaritzaren Osasun Sailak berriro aldatu du koronabirusaren aurkako protokoloa eta aurrerantzean zaurgarriak diren kontaktu estuei soilik egin zaie covid-19aren proba.
Gotzone Sagardui Osasun sailburuak agerraldia egin du astearte honetan kontaktu estuei buruz hartutako azken erabakien berri emateko. Halaber, pandemiaren datu epidemiologikoak eta txertaketarekin lotutako azken orduko informazioa zabaldu du.
Zentzu horretan, Sagarduik aurreratu du Osasun Sailetik urratsak ematen ari direla modu errazagoan eta eraginkorragoan talde zaurgarrienengana iristeko, "horiek baitira seigarren olatuaren ondorio larrienak jasaten ari direnak".
Orain arte, positibo baten kontaktu estu guztiak jarri behar ziren Osakidetzarekin harremanetan, SMS bidez proba diagnostiko baterako hitzordua jasotzeko. Gaurdanik, baina, aldatu egin dute prozedimendua, eta aurrerantzean arrisku taldeko pertsonei soilik egingo diete PCR proba, alegia, 70 urtetik gorakoei, defentsak baxu dituztenei, haurdun dauden emakumeei, txertorik jaso ez dutenei eta gaixotasun larriren bat duten pertsonei (diabetesa, gibeleko gaitz kronikoak, giltzurrunetako gaixotasunak...).
Gainerako herritarrek osasun neurriak bete beharko dituzte eta adi egon beharko dute edozein sintoma badute.
Nola eskatu hitzordua?
Bestalde, Sagarduik jakinarazi du zein diren proba diagnostikoa egin behar dutenek jarraitu beharreko pausoak. Orain arte bezala, Euskadi.eus webgunean dagoen formularioa bete ahalko dute, hitzordua eskatzeko. Osasun zentrora deituta ere izango dute hitzordua jasotzeko aukera.
Gainera, Osakidetzak Aurretiko Zita atalean jasoko ditu PCR probarako eskaerak. Hau da, txertaketarako izena emateko orduan erabilitako bide bera jarraitu ahal izango dute pertsona zaurgarriek PCR proba bat eskatzeko orduan.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.