Ipar Euskal Herriko 12 urtetik gorakoek txertatuta egon beharko dute toki publikoetan sartzeko
Frantziako Asanblea Nazionalak covid pasaportea txertaketa pasaporte bihurtzeko lege proiektua onartu du bart. Ondorioz, aurki Ipar Euskal Herriko eta Estatu frantseseko txertatu gabekoek ezingo dute taberna, jatetxe eta bestelako leku publikoetan sartu. Orain arte, inokulatuta egotea ez zen beharrezkoa tokiotara sartzeko, nahikoa zen proba negatibo bat aurkeztea.
214 aldeko boto, 93 kontra eta 27 abstentziorekin onartu dute lege proiektua. Ekimenak polemika sortu du, eta bide malkartsua izan du, aurrez birritan bertan behera utzi behar izan dutelako bozketa.
Asanbleak onartuta, Senatura pasatuko da orain testua, baina Asanbleak onartuko beharko du behin betikoa. Frantziako Gobernuak urtarrilaren 15erako indarrean nahi zuen, baina litekeena da apur bat atzeratzea.
Aldaketarekin, 12 urtetik gorakoek covid-19aren kontrako txertaketa pauta osoa dutela frogatu beharko dute aisialdiko ekitaldietara, jatetxeetara, azoketara eta garraiobide publikoetara sartzeko. Ospitaleetarako sarbidea izango da salbuespen bakarra: osasun zentroetara sartzeko test negatiboak balekoa izaten jarraituko du.
Eztabaida, birritan atzeratuta
Astelehenean, lege proiektuaren lehen eztabaidan, oposizioko diputatuek gehiengoaren ausentzia baliatu zuten bozketa bertan behera utzi eta eztabaida gauean zehar luzatzea saihesteko. Asteartean, Emmanuel Macron presidentearen adierazpenek hautsak harrotu zituen (txertoa jaso gabe zeudenak "izorratu" nahi zituela onartu zuen), eta eztabaida bigarrenez utzi zuten bertan behera. Atzo, asteazkenarekin, Jean Castex lehen ministroa igo zen tribunara, giroa lasaitzera.
Koronabirus kasuek eztanda egin dute Frantziako Estatuan. Asteartean 332.252 positibo berri zenbatu zituzten, eta oraindik ere bost milioi pertsona daude ziztatu gabe. Erietxeen egoera tenkatzen ari da, gainera: 20.688 gaixo daude gela arruntetan, (502 gehiago egun bakarrean) eta horietatik 3.695 ZIUetan daude, larri.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.