Eguneko positiboek 3.000 kasuren langa gainditu dute beste behin Nafarroan
3.384 koronabirus kasu berri atzeman dituzte azken orduetan Nafarroan, Foru Gobernuko Osasun Sailaren behin-behineko datuen arabera. Beherakada txiki bat izan da, atzo 3.616 izan baitziren. Eremu kaltetuenei dagokienez, Arrotxapea auzoan jakinarazi dituzte kasu gehien, 129.
Datu horiekin, Nafarroan ospitaleak betetzen ari direla aitortu du Carlos Artundo Nafarroako Osasun Zuzendari nagusiak Euskadi Irratiko mikrofonoetan. Nafarroako unibertsitate erietxean adibidez, hartu dute erabakia: onkologikoak ez diren ebakuntza guztiak bertan behera utzi dituzte.
Testuinguru honetan, kontingentzia plana abian da Nafarroan. Hori dela eta erretiroa hartutako osasun langileak berreskuratu behar izan dituzte. Azken egunetan 30 erizain ekarri dituzte txertaketan parte hartzeko. Oporrak ere kolokan daude askorentzat.
Nafarroako Gobernuak jakitera eman duenez, gaurko egunean zehar ez dute hildakorik zenbatu, eta atzo 200 paziente zeuden koronabirusagatik ospitaleratuta, horietatik 21 ZIUn. Gainera, 27 ospitaleratze berri izan ziren. Positibitate tasa % 47,9an kokatu zen.
Zure interesekoa izan daiteke
Ikerketa abiatu dute Barakaldon kriminalitate zantzuak dituen emakume baten gorpua topatu dutela eta
Espainiak Rabaten duen enbaxadak ohartarazi du Ceuta zeharkatzeko deialdiak zabaldu direla datorren astezkenerako
Nafarroako Gobernuak Maiatzeko Plazako Amak elkarteko kideak omendu ditu
Auzitegi Nazionalak Flotillako kideak torturatzeagatik ere ikertuko ditu militar israeldarrak
Euskal Hirigune Elkargoa ikertzen ari dira ur zikinak itsasora isurtzeagatik
Alzheimerra geldiarazteko gai diren bi botikak gizarte segurantzan sartzeko galdegin dute neurologo eta elkarteek
Aita Mennik lehen hiru solairuak ireki ditu berriro, hildako bat eta 18 zauritu eragin dituen sutearen ondoren
Pertsona bat atxilotu dute Ceuta Ya!-ko diputatuaren autoaren aurkako erasoagatik
Ikastetxeetan pantailak nola erabili aztertzen ari direla aitortu du Pedrosak
