Gizon bat atxilotu dute Gasteizen, banatzaile bati eraso egin eta hainbat pakete lapurtzeagatik
Atxilotutako 36 urteko gizonak kaxak jaurti eta aurpegian lesioak eragin zizkion, korrika ihes egin aurretik.
Gasteizko bi udaltzain, kalean. Artxiboko argazkia: Gasteizko Udala
Gasteizko Udaltzaingoak 36 urteko gizon bat atxilotu du bart Arabako hiriburuan, banatzaile bati eraso egin eta beste gizon batekin batera hainbat pakete lapurtzea egotzita, Gasteizko Udalak ostegun honetan ohar bidez jakinarazi duenez.
Gertakariak atzo 14:00ak baino minutu batzuk lehenago gertatu ziren. Patruila batek koordinazio zentralaren abisua jaso zuen, Bastiturri kalera joateko eskatuz. Han, furgoneta baten barruan lapurreta gertatu zen eta egilearen atzetik zebiltzan.
Antza denez, biktimak Adriano VI.a kalean aparkatu zuen ibilgailua, eta inguruan ari zen lanean. Itzuli zenean, bi gizon ikusi zituen ibilgailu barrutik pakete batzuk lapurtzen eta ondoan aparkatutako beste furgoneta batera eramaten.
Banatzaileak aurre egin zienean, bietako batek ihes egin zuen, baina besteak eraso egin eta kaxak jaurti zizkion, aurpegian lesioak eraginez. Lehen unean korrika ihes egin bazuen ere, agenteek atxilotu egin zuten.
Zure interesekoa izan daiteke
Hiria eta donostiarrak "errespetatzeko" eskatu die Donostiako alkateak Olympique Lyoneko jarraitzaileei
Ertzaintzak kontrolak ezarri ditu Biriatun, Realaren eta Lyongo Olympiquen arteko partida dela eta
Ertzaintzak Realaren, Alavesen eta Celtaren 20 zale "erradikal" inguru identifikatu ditu Donostian
Zazpi urteko kartzela-zigorra ezarri diote gizon bati, lo zegoen 14 urteko adingabe bat bortxatzeagatik
ErNEk Tolosako bi udaltzaini egindako eraso bat salatu du, esku-hartze batean larri zauritu zituzten
Greba orokorra Iparraldean, bizitzaren garestitzearen aurka
Zupiria: "Ertzaintzak eta Donostiako Udaltzaingoak hartu dituzte hartu beharreko neurriak gaurko partiduari begira"
Behobia-Donostia lasterketak aldaketak eragingo ditu igandean trafikoan, aparkalekuetan eta garraio publikoan
