Valentzia Erkidegoa

2024/11/11 - 09:51

Espainiako Gobernuak 3.765 milioi euroko laguntzak onartu ditu goialdeko borraskak kaltetutakoentzat

Iragan asteartean Ministroen Kontseiluak onartutako lehen neurri sorta (10.600 milioi) kontuan hartuta, dagoeneko 14.373 milioi euroko balioa duten languntzak aurrera atera ditu.

2024/11/10 - 21:33

CCOO eta UGT EAJ eta EH Bildurekin bilduko dira astelehenean lanaldiaren murrizketaren inguruan eztabaidatzeko

Sindikatuen buruak Espainiako Lan Ministerioarekin ere biltzekoak ziren, baina bertan behera gelditu da, goi-geruzetako depresio isolatuak eragindako txikizioaren ondorioz.

2024/11/10 - 18:09

EAEko 40 udaltzain eta ertzain Valentziara joango dira astelehenean, 15 ibilgailutan

Alcudiara joango dira, batez ere segurtasun lanetan aritzeko, bertako enpresetan egiten ari diren lapurretei aurre egiteko.

2024/11/10 - 15:02

Dimisioak ez dira aukera bat Valentziako Gobernuarentzat: "Ezin ditugu biktimak abandonatu"

Cecopiren bilerara sartu aurretik, Carlos Mazon presidenteak errespetua agertu die Valentziako erdiguneko kaleetan larunbateko protestan parte hartu zuten milaka manifestariei, bertan erakutsitako "minagatik".

2024/11/10 - 14:09

Denboraleak 222 hildako eta 36.803 erreskatatu eragin ditu, Espainiako Gobernuaren azken zenbaketaren arabera

Azken bi gorpuak larunbatean aurkitu dituzte Valentzian. Guztira, 214 hildako izan dira Valentzian, zazpi Gaztela-Mantxan eta bat Andaluzian. Azken 24 orduetan beste 82 herritar erreskatatu dituzte.

2024/11/10 - 12:02

Goialdeko depresioaren ondorioak direla eta, bertan behera utzi dute bidaiarien garraioaren asteleheneko greba

UGTk, CCOOk eta Garraioen Sindikatu Libreak (SLT) zehaztu dutenez, azaroaren 11ko lanuzteari bakarrik eragiten dio neurriak. Goialdeko depresioak astindutako herrietan "arazo gehiago ez sortzeko" eta "mugikortasuna errazteko" hartu dute erabakia.

2024/11/10 - 11:40

Atxilotu dute Valentziako monasterio batean fraideei eraso zien gizona

"Jainkoaren izenean" jipoitu zituen erasotzaileak elizgizonak, eta bat oso larri utzi zuen. Beste hiru erlijioso ere zauritu zituen.

2024/11/10 - 10:40

Lau atxilotu eta 31 polizia zauritu Valentzian, Mazonen dimisioa eskatzeko protestaren osteko istiluetan

Valentziako Generalitateko presidentearen aurka egindako martxa jendetsua eta baketsua izan da. Horren ostean, baina, manifestari batzuek aurre egin diete agenteei. Bi atxiloturi desordena publikoak egotzi dizkiete, eta beste biei, agenteen aurkako atentatua.

2024/11/10 - 09:26

Goialdeko depresioaren ondorioz hildakoak 214 dira jada Valentzian, eta desagertuen kopurua 41era jaitsi da

Autopsia egin diete denei, 195 identifikatu dituzte, eta 140 senideen esku utzi dituzte jada.

2024/11/10 - 00:17

Fraide bat oso larri, Gileteko Espiritu Santuaren monasterioaren aurkako eraso baten ondoren (Valentzia)

"Jainkoaren izenean" jipoitu ditu erasotzaileak elizgizonak. Beste hiru erlijioso ere zauritu ditu, eta traumatismoak eta ubeldurak egin dizkie.

2024/11/09 - 23:13

Manifestazio jendetsua egin dute Valentzian, Mazonen dimisioa exijitzeko

130.000 lagun bildu dituen protesta 18:10ean hasi da, hiriburuan. Antolatzaileen ustez, hondamendia "saihets zitekeen" eta Mazonek "ezin du egun bat gehiago iraun" Valentziako Gobernuan. Poliziak lau pertsona atxilotu ditu manifestazioaren amaieran izandako istiluetan.

2024/11/09 - 22:04

Mazonen eta Gobernu osoaren dimisioa eskatu dute, euriteen aurreko eta osteko kudeaketa ''penagarriagatik''

Deialdia egin duten dozenaka elkarteek Valentziako Gobernuaren gaitasun eza salatu dute eta Mazon presidentearen eta Gobernu osoaren dimisioa eskatu dute. Politika ekonomiko eta sozialetan aldaketak eskatu dituzte, berreraikuntza "pertsonak erdigunean jarriz" egin dadin.

2024/11/09 - 20:03

Milaka manifestari bildu dira Valentzian Mazonen dimisioa eskatzeko

Mazonen dimisioa eskatzeko Valentzian deitutako manifestazioa Udaletxe plaza jendez lepo zegoela abiatu da. Milaka manifestari batu dira "Mazon, dimititu" lelopean, presidenteak eta Generalitateak goi-geruzetako depresio isolatuaren aurrean egin duten "kudeaketa arduragabea" salatzeko.

2024/11/09 - 15:23

Azken zenbaketaren arabera, 220 dira denboralearen ondorioz hildakoak eta 36.721 erreskatatutakoak

50 lagun daude oraindik desagertuta. Moncloatik jakinarazi dutenez, 219 autopsia egin dituzte orain arte, eta horietako zortzi "denboralerekin zerikusirik ez zuten arrazoiengatik" hil ziren.

2024/11/09 - 15:05

''Guk ikusmenarekin egiten dugu lan, txakurrek usaimenarekin: bikote perfektua horrelako erreskateetarako''

Ertzaintzaren Txakur Unitatea atzotik ari da gorpu bila Valentziako industrialde batean. Bertan hilotz bat aurkitu dute eta gehiago egon daitezkeela uste dute. Horien lana ezinbestekoa dela esan digu Josu Iturregi Ertzaintzaren Txakur Unitatearen buruak.

2024/11/09 - 14:55

Mazonek Riberaren hitzak gezurtatu ditu eta 20:00ak arte egoerarekiko interesik agertu ez izana leporatu dio

Valentziako Generalitateko presidenteak gezurtatu egin ditu Teresa Riberaren hitzak, hark esan ostean kosta egin zitzaiola Mazonekin harremanetan jartzea urriaren 29an, eta gaineratu du Ministerioko inork ez zuela depresioarekiko interesik agertu 20:00ak arte.

2024/11/09 - 13:46

Roblesek agerraldia egingo du asteazkenean Senatuan, goialdeko depresioaren kudeaketaz azalpenak emateko

PPk asteartean eskatutako agerraldia da, "Ribera presidenteordeak uko egin" ostean.

2024/11/09 - 12:01

Goialdeko depresioak 25.000 laborantza hektarea hondatu ditu Valentzian

50.000 lur eremu dituzten 10.000 nekazari dira kaltetuak, eta 650 milioi kilo elikagai galdu dira, Agroseguro nekazaritza arloko aseguru-etxeen erakundeak zabaldu duenez.

2024/11/09 - 11:15

Bizkaiak hirugarren suhiltzaile-talde bat bidaliko du Valentziara, bertan lanean ari dena ordezkatzeko

Bizkaiko Foru Aldundiko Prebentzio, Su Itzaltze eta Salbamendu Zerbitzuko 17 kide joango dira Valentzia aldera (12 suhiltzaile, bi kabo, ofizial bat, sarjentu bat eta guardia nagusi bat), materiala eramango dute, eta hiru egun emango dituzte Alfafar eta Massanassa udalerrietan lanean.

2024/11/08 - 22:18

Generalitatea uholdeen aurrean "geldirik" geratu zela salatu duen herritar baten errekurtsoa onartu dute

Administrazioarekiko auzien jurisdikzioari buruzko legearen arabera, Valentziako Erkidegoko Justizia Auzitegi Nagusiak espediente administratiboak erreklamatzea erabaki du.