Konstituzionalak tramitera onartu ditu PPren gobernuek eta Garcia-Pagek Amnistiaren aurka jarritako helegiteak
PPk gobernatutako autonomia erkidegoek eta Gaztela-Mantxako gobernu autonomiko sozialistak Amnistia Legearen kontra aurkeztutako helegiteak tramitera onartzea erabaki du, aho batez, Auzitegi Konstituzionalak. Halaber, bide eman die Kataluniako Justizia Auzitegi Nagusiak bideratutako konstituzioaren aurkako hiru auzietatik biri.
Aragoiko Parlamentua izan zen pausoa ematen lehena, eta pasa den abenduaren 3an Auzitegi Konstituzionalaren osoko bilkurak helegitea onartu egin zuen. Ildo beretik, orain beste erkidegoenak ere ontzat eman ditu.
Autonomia erkidegoetako parlamentuek eta gobernuek Amnistia Legearen aurka egiteko zilegitasuna dutela ebatzi dute letradunek, eta ondoren hartu du erabakia Auzitegi Konstituzionalak.
PPren esku dauden 11 erkidegoek konstituzio-kontrakotasunagatiko helegiteak aurkeztu dituzte (Madril, Andaluzia, Valentziako Erkidegoa, Galizia, Aragoi, Murtzia, Gaztela eta Leon, Balearrak, Extremadura, Kantabria eta Errioxa), eta baita PPk gehiengoa duen bi parlamentu autonomikok ere (Murtzia eta Kantabria).
Horiekin batera, Gaztela-Mantxako gobernu sozialistak ere jarri du helegitea.
Bestalde, Kataluniako Justizia Auzitegi Nagusiak aurkeztutako konstituzio-kontrakotasunagatiko hiru auzietatik bi onartu ditu Auzitegi Konstituzionalak. Hirugarrenari buruzko erabakia hartu aurretik txostena eskatu dio fiskalari.
Auzitegi Konstituzionalak Amnistia Legearen aurkako 19 helegite ditu mahai gainean: autonomia erkidegoenak, Kataluniako Justizia Auzitegi Nagusiarenak, PPrena eta Auzitegi Gorenarena.
Hala ere, lehenik eta behin Jose Maria Macias epailearen errekusazioa ebatzi beharko du Auzitegi Konstituzionalak. Fiskaltzak jarrera alderdikoia izatea leporatu dio, Botere Judizialaren Kontseilu Nagusiaren (BJKN) kidea izan zenean legearen aurkako txostenak babestu zituelako.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.