Juanjo Menak agur esango dio publikoari aurten
Gasteizko orkestra-zuzendariaren aurtengo kontzertuak “podiumetik” egingo dituen azkenak izango dira, eta egindako bidea gogoratu nahi du berorietan. Alzheimerra detektatu ziotela iragarri zuen 2025eko urtarrilean.
Juanjo Mena Gasteizko orkestra-zuzendariak aurten esango dio agur publikoari agertoki gainetik, 40 urteko ibilbidearen ondoren, gaur, ostiralarekin, ohar baten bidez jakinarazi duenez.
Besteak beste, BBC Philarmonicen, Bilbao Orkestra Sinfonikoaren eta Cincinnatiko Maiatzeko Festibalaren zuzendari titularra izan da Mena, eta alzheimerraren lehen sintomak nabaritu zituela iragarri zuen iazko urtarrilean. Gaixotasun horrek aurrera egin du, eta, hori dela eta, “ezustekorik ezean”, aurtengo kontzertuak “podiumetik" zuzenduko dituen "azkenak” izango dira.
“Agur kontzertu hauek eskerrak emateko eta, batez ere, ospatzeko aukera berezitzat ere hartu nahiko nituzke”, esan du Arabako Urrezko Domina eta Gasteizko Seme Kutunaren izendapena jaso dituen musikariak.
40 urteko musika ibilbidearen ondoren, Menak esker ona erakutsi die bere familiari, “babes etengabe eta pazientzia infinituagatik”, eta “beraiekin lan egiteko ohorea eta plazera” eman dioten “zale, orkestra, musikari eta pertsonei”, “asko egin eta gozatu dudalako musika ona sortuz”.
Azkenik, publikoari zuzendu zaio, eta hurrengo kontzertuak “ospakizun kate bat” bihurtzeko eskatu dio, “musika protagonista bakarra izan dadin, zinez, eta pertsonen arteko topaketa solidario eta adiskidetsu baterako argumentu bakarra izan dadin”.
Oraingoz, Juanjo Menak hiru kontzertu ditu iragarrita. Martxoaren 21ean Schuberten piezak eskainiko ditu Bartzelonako Auditorioan, eta hilaren 22an, berriz, Mozart, Mendelssohn eta Schubertenak, leku berean, Bartzelonako Orkestra Sinfonikoko eta Kataluniako Ordestra Nazionaleko musikariekin; ekainaren 4an, berriz, Malagako Orkestra Filmarmonikoarekin arituko da, Malagan bertan.
Zure interesekoa izan daiteke
ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren
Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.
Saldu dira ETSren Gasteizko kontzerturako sarrera guztiak, eta beste emanaldi bat iragarri dute
Arabako taldeak beste kontzertu bat emango du Buesa Arena pabiloian, martxoaren 19an, Gasteizen martxoaren 20rako iragarri zuten "Etxean" kontzerturako sarrerak berehala, ordubete luzean, agortu baitituzte.
ETSk kontzertua emango du 2027ko martxoaren 20an Buesa Arenan
Horixe iragarri du taldeak Madrilen emandako kontzertu jendetsuan. ETB On eta Primeranen ikusgai dago jada Madrilgo kontzertua.
?fmt=png-alpha&qlt=80)
Iñigo Etxezarreta: “ETSren formatu ezberdinak egongo dira etorkizunean”
ETS taldeak “Bihotzen konkista” kontzertua emango du larunbatean Madrilen, Movistar Arena beteko duten 16.000 lagunen aurrean eta ETB1en eta ETB ONen pantailez bestaldeko ikusleentzat. Iñigo Etxezarreta kantari eta gitarristarekin hitz egin dugu, horren aitzakian, honetaz eta hartaz, luze eta zabal.
?fmt=webp-alpha&qlt=80)
Pantxoa eta Peiok jasoko dute Adarra saria
Lapurtar bikote aitzindariak ekainaren 21ean jasoko du Donostiako Udalaren eta Donostia Kulturaren saria, Victoria Eugenia antzokian, eta kontzertua egingo du jarraian.
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.