Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
AEBko epaimahai batek Live Nation enpresa sustatzaileak eta Ticketmaster sarrera-saltzaileak monopolioa ezarri dutela ebatzi du, kontzertuen industrian eta berorietarako sarreren salmentan monopolio gisa jardun baitute herrialde horretan.
Eskearen arabera, Live Nationek AEBko areto nagusietako sarra salmenten % 80 ditu kontrolpean; 400 artista baino gehiago kudeatzen ditu; eta, AEBn soilik, kontzertuen sustapenen % 60 darabiltza eta areto handien % 60ren baino gehiagoren jabea da.
Epaiketa luzea egin dute New Yorkeko auzitegi federalean, epaia eman aurretik, eta musikaren eta entretenimenduaren industriaren exekutibo handiak izan dira lekuko auzibidean. Orain, Arun Subramanian epaileak bigarren epaiketa bat egingo du, enpresoi zer neurri ezarriko zaizkien erabakitzeko: isunak, kalte ordainak edo negozio ereduak aldarazteko jarraibideak.
AEBko Justizia Departamentuak eta 40 estatu fiskaltzak monopolioaren aurkako salaketa zibila jarri zuten New Yorken 2024an, enpresa horiei “monopolioa ezartzea eta merkatuan lehiakortasuna eragozten duten legez kanpoko beste jardunbide batzuk izatea” leporatuta, eta enpresa horien arteko lotura apurtzeko asmoa azaldu zuten, zuzenekoen sektorean prezioak igotzen zituztela iritzita.
Live Nationek ebazpenaren aurka egin du ohar batean, eta adierazi du helegiteak jarriko dituela “aurkako edozein epairen aurka”. Gainera, entretenimenduaren merkatuko erraldoiak esan du, Variety aldizkariak jaso duenez, “handia edo arrakastatsua” izatea ez dela legez kanpokoa.
Zure interesekoa izan daiteke
Silvio Rodriguezek geldialdia egin du Bartzelonan, Euskal Herrirako bidean
Kubatarrak kontzertua egin du bart Liceun, irailaren 12 eta 13an Bilboko Euskaldunan aritu aurretik.
Zuzenean: Basking Beat & Bite
Basking Beat & Bite jaialdiaren edizio berri bat egingo da abuztuaren 29an, Miami, Santiago de Chile, Helsinki eta Tbilisin aldi berean eskainiko diren kontzertuekin. Euskal musikaren egungo lau proposamen bilduko ditu programazioak: Merina Gris, Mirua, Sua eta Idoia.
ETS taldeak hankaz gora jarri du Europa parkea, "Badator Marijaia" abesten
37.000 lagun inguru Arabako taldearen kontzertuan izan dira, eta aho batez abestu dituzte kanta guztiak. ETSk harrituta utzi ditu Europa parkera joandakoak, Aste Nagusiko Badator Marijaia jo dutelako.
Dolly Parton hil da, country musikaren izar ospetsua
Abeslari eta konpositore estatubatuarra 80 urte zituela hil da. Azken hilabeteetan gaixorik ibili zen eta kontzertu batzuk bertan behera utzi zituen.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
ETS taldeak dantzan jarriko du gaur Bilbo, Europa parkeko kontzertuen lehen gauean
Hitzordua 00:00etan da, Europa Parkean. Horrez gain, beste musika proposamen batzuk ere izango dira, besteak beste, Bilboko Udal Bandaren emanaldia, Serafin Zubirirekin batera, 23:30ean, Abandoibarran.
Leire Martinezek 13.000 lagun bildu ditu Abandoibarran, gau ahaztezin batean
Abeslari donostiarrak bere bakarkako ibilbidearen lehen lana aurkeztu du Aste Nagusian: “Historias de aquella niña”. Emozioz eta nostalgiarako tartez betetako kontzertua izan da, aro berri bati ekiteko.
Zea Maysek jendetza bildu du Abandoibarran rock doinuekin
Elektrizitatea abestiak jendea saltoka eta kantuan jarri du, gaueko unerik txalotuenetako batean. Kontzertuak Francis Diez Doctor Deseo taldeko abeslariaren parte-hartzea izan du, eta elkarrekin abestu dute Corazón de tango abestia.
ETSk Bilbon emango duen kontzertua abuztuaren 25era aurreratu dute, ikuskizunetako teknikarien greba dela eta
Hasiera batean abuztuaren 26rako aurreikusita zegoen En Tol Sarmiento taldearen kontzertua datorren asteartean izango da azkenean, taldeak eta Bilboko Udalak aldaketa adostu ostean.
Natxo de Felipe berriro oholtzara igo da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.