UCOk Tubos Reunidosen Bilboko egoitza miatu du
Erregistroa hamar orduz luzatu da. Leire auziaren sekretupeko pieza baten barruko jarduketa bat da, eta Santiago Pedraz Auzitegi Nazionaleko epailearen aginduz egin dute.
Guardia Zibilaren Unitate Zentral Operatiboko (UCO) agenteek Tubos Reunidosen egoitza miatu dute hamat bat orduz, Bilbon, Leire auziaren sekretupeko pieza baten barruan. Agenteak konpainiaren egoitzara joan dira, Santiago Pedraz Auzitegi Nazionaleko epailearen aginduz.
Enpresak Amurrion (Araba) duen fabrika ere erregistratu du gaur goizean UCOk, eta Estatuko Industria Partaidetzarako Sozietatean (SEPI) izan da, Madrilen, informazioa eskatzeko.
Zehazki, erreskate publiko baten funtsen transferentzien eta Santos Cerdan PSOEko Antolakuntza idazkari ohiaren ustezko zuzendaritzapean Auzitegi Nazionala ikertzen ari den gaizkile sarearen arteko balizko loturaren frogak bilatzera bideratuta daude eginbideak.
Tubos Reunidos Hego Euskal Herriko industria-konpainia nagusietako bat da, eta Bilbon du egoitza soziala. Soldatu gabeko altzairuzko hodiak fabrikatzen ditu.
Tubos Reunidosen gaineko aipamenak sumarioan
Tubos Reunidos behin baino gehiagotan aipatu dute Leire Diez kasuaren sumarioan.
UCOren atestatuetako batean, SEPIk Tubos Reunidos merkataritza-sozietateari emandako 112,8 milioi euroko mailegua aipatzen dute agenteek, eta Hirurok izeneko taldeak (ustez Leire Diezek, Vicente Fernandez SEPIko presidente ohiak eta Antxon Alonso enpresariak osatua) "laguntza hori emateko" esku hartu izanaren zantzuak daudela. Antza, Hirurok taldeak, operazio horren truke, 114.950 euro jaso zituen, Mediaciones Martinez enpresaren bitartez.
UCOren ustez, Leire Diezek eta Vicente Fernandezek proposatu zuten Santos Cerdani eta Antxon Alonsori (ikertzaileek buruzagi sozialista ohiaren bazkidetzat jotzen duten enpresaria) laguntza eskatzea, Tubos Reunidosek jaso behar zuen laguntza blokeatuta zegoelako eta "bultzada" bat emateko. Horrez gainera, Hirurok taldeak "Eusko Alderdi Jeltzaleko kideren batekin" bitartekari lana egin zuela susmatzen du, laguntza hori gauzatzen "lagundu" zezakeelakoan.
Ikertzaileek "2024tik 2025era bitartean egindako bigarren eragiketa bat" ere identifikatu dute, zorraren interesen amortizazio partzial bat atzeratzea lortzeko.
Sumarioak Cerdanen, Leire Diezen eta Tubos Reunidoseko bi zuzendariren arteko bileraz dihardu, 2024ko azaroaren 13an, PSOEko Antolakuntza idazkari ohiak PSOEren egoitzan zuen bulegoan, Ferraz kalean, Madrilen.
"Reunion Tubos Reunidos" (Bilera Tubos Reunidos) Leire Diezi konfiskatutako ohar-libreta urdin batean agertzen den oharretako bat da, eta sumarioan dago.
"Eragiketa hori dela eta", dio UCOk, "Vicente Fernandezek 40.000 euro fakturatuko zizkion Tubos Reunidosi".
Ogasun ministroak SEPIk “lankidetzan” ariko dela bermatu du
Arcadi España Garcia Ogasun ministroak Leire kasua aipatu du Diputatuen Kongresuko Ogasuneko eta Funtzio Publikoko Batzordean, eta “SEPIk martxan dagoen edozein ikerketarekin erabateko lankidetza” izango duela bermatu.
Pedro Puy PPren diputatuari erantzunez egin ditu adierazpenok, horrek "SEPI auziari" inolako aipamenik egin ez izana aurpegiratu baitio.
“Gardentasuna eta lankidetza erabatekoak” izango direla ziurtatu du ministroak.
Era berean, segurtasun indarretako eta Justiziako profesionalen lanarekin “fidatu” egiten dela aderazi du, eta SEPIko profesionalak “zintzoak” direla azpimarratu du, “ahalegin handia egiten ari baitira eta herri honentzat oso garrantzitsuak diren proiektu asko aurrera ateratzen”.
Zure interesekoa izan daiteke
Ansolaren esanetan, EAJ ez da inoiz egongo Vox partaide den alternatibetan: "Voxekin inoiz ez, ezer ez"
Iñigo Ansola Bizkai Buru Batzarreko presidenteak Voxen alternatiba politiko oro baztertu du: "Ez dugu inoiz parte hartuko Vox presente dagoen inongo alternatibatan... printzipioengatik, balioengatik, gure herriarekiko errespetuagatik. Voxekin inoiz ez, ezer ez".
EAJren eta PSE-EEren arteko talka Bizkaiko plan fiskala dela eta
Talentua erakartzeko eta enpresen sustraitzea indartzeko asmoz Bizkaiak kenkari fiskalen pakete handi bat iragarri eta biharamunean, euskal sozialistek euren haserrea agertu dute, bai edukiagatik, bai formagatik. Mikel Torres Bizkaiko PSE-EEko buru, Jaurlaritzako lehendakariorde eta Ekonomia, Lan eta Enplegu sailburuak esan du bere alderdiak komunikabideen bidez izan duela horren berri.
Podemos Euskadik M-15eko espiritua berreskuratzeko deia egin du, herritarrak ustelkeriarekin "nazkatuta" daudelako
Podemos Euskadiko koordinatzaile nagusiak, Richar Vaquerok, M-15aren espiritua berreskuratzeko deia egin du, gaur egun, orain 15 urte bezala, herritarrak "nazkatuta" daudelako "ustelkeriarekin, erreskate publikoetan egindako azpijokoekin eta pertsona gutxi batzuek erakundeak beren onurarako erabiltzearekin".
PPk azalpenak eskatuko ditu USaPeko euskara azterketan izandako zero mordoagatik, eta ikerketa eskatu du
Esther Martinez EAEko PPko idazkari nagusiak iragarri duenez, bere alderdiak azalpenak eskatuko ditu, Unibertsitatera Sartzeko Probaren (USaP) euskara azterketan zero mordoa izan delako. Suspentso gehienak itunpeko ikastetxeetako, A ereduko eta epaimahai jakin batzuetako ikasleek izan dituzte.
Enplegu publikoaren legeari segurtasun juridikoa ematea espero du EAJk, eta EH Bilduk akordioa posible ikusten du "alderdi askotan"
PSE-EEk "akordioak hautsi" izana egotzi die jeltzaleei, "hainbat hilabetez negoziatzen egon ostean", eta PPk eta Voxek "politika inposatzailea" dela uste dute.
EAJk Ipar Euskal Herrirako bere marka berritu du: Le Parti Basque
Aitor Estebanek Bidarten adierazi duenez, nomenklatura berri honek alderdiaren "balioak eta ideologia abertzale eta zentrokoa hobeto ordezkatzen ditu".
Eusko Jaurlaritzak ertzain baten aurka Leioan izan den "seinalatze publikoa" gaitzetsi du
Hainbat kartel agertu dira Leioako ikastetxe baten inguruan, maiatzaren 23an Loiuko aireportuan izan zen Ertzaintzaren dispositiboaren arduraduna seinalatuz.
Ibone Bengoetxea: "Munduko txapelketa ekartzeko marra gorria akordio orekatua da"
Bilbo eta Donostia 2030eko Munduko Futbol Txapelketaren egoitza izateari buruz galdetu dio Amaia Martinez Voxeko legebiltzarkideak Kultura eta Hizkuntza Politikako sailburuari. FIFAren baldintzak "ez dira gutxi, ezta txikiak ere", Bengoetxearen hitzetan, eta hirietako mugikortasuna mugatzea edo munduko txapelketak "hiriko beste ekitaldi propioekin" bat ez egitea nabarmendu du horien artean. Eusko Jaurlaritzak "ez du txeke zuririk sinatuko, ezta hankak, eskuak eta ahoa lotuko ere", gaineratu du.
Zapatero kontrabando eta delitu fiskalengatik ikertzen ari da Calama epailea, bulegoan aurkitutako bitxiengatik
Plus ultra auzia ikertzen ari den Auzitegi Nazionaleko epaileak pieza bereizitua zabaltzea agindu du 1,3 milioi euroko balio estimatua duten bitxien harira, horien jatorria behar bezala "justifikatuta" ez dagoelakoan.
EH Bildu abstenitu egin da, eta zabalik utzi du ados jartzeko aukera EPEetan euskarari segurtasuna emateko
Koalizio abertzaleak ez du argitu proposamenaren behin betiko onarpena babestuko duen, baina "akordiorik eza ez da aukera bat", ohartarazi du.