Epaileak inputatu gisa galdekatuko du Jessica Rodriguez, Abalosen bikotekide ohia, Ineco eta Tragsatecen "entxufez" sartzeagatik
Ikertu gisa deklaratuko dute, gertakari berberengatik, Abalosen aholkulari ohi Koldo Garciaren anaiak, Joseba Garciak ere, bai eta Ignacio Zaldivarrek ere, Adifeko goi-kargudun ohiak.
Ismael Moreno Auzitegi Nazionaleko epaileak Jessica Rodríguez Jose Luis Abalos ministro ohiaren bikotekide ohia galdekatuko du astelehen honetan, inputatu gisa, Ineco eta Tragsatec enpresa publikoetan haren kontratazioarekin lotutako eragimen-trafikoaren eta dirua bidegabe erabiltzearen ustezko delituengatik.
Ikertu gisa deklaratuko dute, gertakari berberengatik, Abalosen aholkulari ohi Koldo Garciaren anaiak, Joseba Garciak ere, bai eta Ignacio Zaldivarrek ere, Adifeko goi-kargudun ohiak.
Hain zuzen ere, zitazioaren aurkako helegiteak ebatzi arte deklarazioa bertan behera uzteko eskatu dio Jessica Rodriguezek epaileari.
Ustelkeriaren aurkako Fiskaltzak eskatu dio epaileari haiek deitzea, Auzitegi Gorenak ministro ohiari 24 urteko kartzela-zigorra eta aholkulari ohiari 19 urte eta zortzi hilabetekoa ezarri ostean.
Auzitegiak zigor hori ezarri zien, besteak beste, Rodriguez Ineco eta Tragsatek enpresa publikoetan "entxufez" sartzeagatik; 2019ko martxoaren 1etik 2021eko otsailaren 28ra bitartean eta 2021eko martxoaren 2tik 2021eko irailaren 1era bitartean egon zen kontratatuta, bi aldietan ere inolako lanik egin gabe.
Fiskaltzaren ustez, epaiak aipatzen duen Rodriguezen kontratazioak "lotura estua" du Auzitegi Nazionalean ikertutako gertakari horrekin —zeinagatik Isabel Pardo de Vera Adifen presidente ohia inputatuta baitzegoen—, "gertakariekin lotutako eta Gorenak epaitu gabeko hirugarrenentzat erator litezkeen erantzukizun penalak zehazteko".
Hori izango litzateke Rodriguezen kasua, baita Inecon lan egin zuen Joseba Garciarena eta Ignacio Zaldivarrena ere, Abalosen bikotekide ohia enpresa publiko horretan lanean zegoen garaian Adifen kudeaketa administratiboko zuzendari zena.
Epaiaren arabera, Jessica Rodriguezek ez zuen inolako lanik egin kontratatu zuten enpresetan. Are gehiago, "plan kriminalaren jatorrizko helburua zen, hain zuzen ere, lanik ez egitea, eta, hala eta guztiz ere, hileko soldata gisa jasotzea bi merkataritza-enpresa publikoek banku-kontuan sartzen zizkioten zenbatekoak".
Zure interesekoa izan daiteke
Julio Martinez enpresariak Rodriguez Zapatero inplikatu du Plus Ultrari emandako maileguan
Auzitegi Nazionaleko epaileari zuzendutako idazki batean, presidente ohiak airelinearen erreskatean "jarraitu beharreko pausoak markatzen" zituela esan du ikertuak, eta bitartekaritza egiteagatik % 1eko komisioa jaso zuela onartu du.
Ehunka lagun bildu dira euskal selekzioaren aldeko mobilizazioetan, Mundialeko Finalaren atarian
Goizean manifestazioa izan da Baionan eta arratsaldean Bilbon, Donostian, Eibarren, Gasteizen eta Iruñean izan dira euskal selekzioaren aldeko hitzorduak.
Andy Burnhamek Gobernu britainiarraren buruzagitza hartuko du astelehen honetan
Manchesterreko alkate ohia zazpigarren lehen ministroa izango da 10 urtean, Keir Starmer laboristaren ordez.
Duela 50 urteko alkateek diote Euskal Herriak oraindik ez dituela orduko helburuak bete
Bergaran bizi izan zuten egun historikoa gogoratu dute 1976ko alkateek. Urduri baina ilusioz itzuli dira orduko ekitaldiaren lekura, Euskal Herriaren historian mugarri izan zen une hura oroitzera. Orduko lorpenak nabarmendu dituzte, eta etorkizunari begira ere itxaropentsu agertu dira.
EAJk eta EH Bilduk nazio aitortza eta erabakitzeko eskubidea aldarrikatu dituzte Bergaran
Bi alderdietako 200 udal-ordezkari elkartu dira Gipuzkoako udalerrian bi efemeride berezi gogoratzeko: Alkateen Mugimenduaren sorreraren 50. urteurrena eta Foruen indargabetzearen 150. urteurrena.
Ezkerreko alderdiek Errepublikaren berrezarpena aldarrikatu eta faxismoa salatu dute Gasteizen
Errepublikako Gobernuaren aurkako estatu kolpearen 90. urteurrenean, EH Bilduk, Ahal Duguk, Ezker Anitzak, Berdeak Equok eta Sumarrek "olatu erreakzionarioaren" aurkako "fronte antifaxista" osatzeko deia egin dute, eta "eskubide sozial, kolektibo eta nazionalak" blindatzeko prozesu "herrikoi eta errepublikarraren" bideari ekitea eskatu dute.
PPk alkategai berdinekin jarraituko du Bilbon, Donostian eta Iruñean eta Iñaki Garcia Calvo estreinatuko da Gasteizen
Alderdi Popularrak datorren urteko maiatzean egingo diren udal hauteskundeetarako hiriburuetarako hautagaitzak ofizial egin ditu gaur Galizian, Santiagon, egindako ekitaldi batean.
Frankismoak hildako 3.700 lagunak eta milaka errepresaliatuak gogoratu dituzte Nafarroako elkarte memorialistek
San Frantzisko plazan egin duten ekitaldian, Ansoleagako Guardia Zibilaren kuartelaren aurrean, loreak jarri dituzte errepresioaren biktimen omenezko plakaren ondoan. Horrez gainera, agintariei eskatu diete eraikin hori oroimenerako leku izenda dezatela.
PSE-EE kritiko azaldu da EAJko eta EH Bilduko alkateek elkarrekin Bergaran egingo duten ekitaldiarekin
Jose Ignacio Asensio PSE-EEren Gipuzkoako idazkari nagusiaren esanetan, beren subiranotasun obsesioaren erakusle izango da ekitaldia. Hala, gizartea zatitzea leporatu die bi alderdiei, eta abertzaleentzako soilik izango den gizarte bat eraiki nahi izatea.