Albiste dira

ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren

Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.

EITB

2026/04/28 - 11:22

Azken eguneratzea

2026/04/28 - 11:22

"Etxean" ETS (En Tol Sarmiento) taldeak 2027ko martxoaren 19an eta 20an Gasteizko Fernando Buesa Arenan oholtzaratuko duen ikuskizunerako 30.000 sarrerak 24 orduan agortu dira, eta taldeak hirugarren data bat iragarri du: martxoaren 13an izango da.

Gaualdi horretarako sarrerak salgai daude jada.

Iaz BECen hiru kontzertutan 45.000 lagun bildu eta azken asteetan Bartzelonako Palau Sant Jordin eta Madrilgo Movistar Arenan jo eta gero, ETSk aurreratu du “Etxean” ikuskizun berria izango dela, eta agertokia pabilioiaren erdian kokatuko dutela gaualdi horietan.

Elkarrizketa

Iñigo Etxezarreta: “ETSren formatu ezberdinak egongo dira etorkizunean”

Natxo Velez | EITB

ETS taldeak “Bihotzen konkista” kontzertua emango du larunbatean Madrilen, Movistar Arena beteko duten 16.000 lagunen aurrean eta ETB1en eta ETB ONen pantailez bestaldeko ikusleentzat. Iñigo Etxezarreta kantari eta gitarristarekin hitz egin dugu, horren aitzakian, honetaz eta hartaz, luze eta zabal.