Valentzia Erkidegoa
2024/11/03 - 10:28
Boluntarioen sarrera galarazi dute Valentziako 11 herritan, euriteak espero direlako
Alerta horia ezarri du Aemetek, eta Aldaia, Alaquas, Picanya, Sedavi, Paiporta, Benetusser, Alfafar, Massanassa, Catarroja, Albal eta Beniparrell herriei eragiten die. Hala ere, milaka boluntario neurria urratu eta udalerri horietara joaten saiatzen ari dira.
2024/11/02 - 22:53
Desagertutako pertsonak aurkitzeko lan etenbakoen erdian, elkartasun oldea jasotzen ari da Valentzia
Erreskate taldeek desagertutako pertsonak bilatzen jarraitzen dute, aparkalekuetan zein garajeetan. Sanchezek berak aurreratu duenez, gau eta egun arituko dira desagertuak bilatzen, bai gaur eta baita datozen egunetan ere.
2024/11/02 - 22:47
Sendagiria jaso dute Valentzian karbono monoxidoz intoxikatzeagatik ospitaleratutako sei pertsonek
Horietako bi larri zeuden. Dirudienez, boluntarioak garbiketa lanak egiten ari ziren garajeko motor baten hustubideko ponpa gaizki erretzeak eragin du ezbeharra.
2024/11/02 - 22:29
Krisiari berehala erantzuteko bost talde eratu nahi ditu Generalitateak, zenbait ministroren esku-hartzearekin
Valentziako presidente Carlos Mazonek erakundeek zein herritarrek emandako laguntza eskertu, eta osasun langileen lana goratu du. "Nola edo hala" etxe guztietara iritsiko direla ere hitzeman du.
2024/11/02 - 19:06
Nola lagundu Euskal Herritik goialdeko borraskak kaltetutakoei?
Dohaintza ekonomikoak egiteko herritarrek dituzten zenbait aukera eta Valentziara bidaltzeko material-bilketa guneei buruzko informazioa bildu dugu ondorengo albistean.
2024/11/02 - 17:42
Garbiketa lanetan dabiltzanei eskularruak, gomazko botak eta maskarak erabiltzea eskatu die Generalitateak
Halaber, haurrei, haurdun dauden emakumeei eta arnasketa arazoak edo sistema inmunitario ahula dutenei gomendatu die ez dezatela garbiketa lanetan parte hartu.
2024/11/02 - 16:39
Goialdeko borraskak astindutako etxebizitzen % 94ak elektrizitatea berreskuratu du Valentzian
Asteburuan zehar gainontzeko elektrizitate-hornidura berreskuratzea espero da. Era berean, trenbideetan eta errepide-sareetan ere laean dihardute, bai eta kaltetutako azpiegitura hidrikoak konpontzeko lanean ere.
2024/11/02 - 15:15
Nafarroak Valentziako Generalitateak eskatutako giza baliabideak eta baliabide materialak mobilizatu ditu
Asteburuan zehar, hogeita hamar suhiltzaile inguru, Foruzaingoko 20 agente, Gurutze Gorriko eta DYAko taldeak eta laguntza-lanetarako makina arin eta astun ugari bidaliko dituzte Valentziara.
2024/11/02 - 13:53
Valentzian desagertutakoak bilatzeko lanek ez dute etenik
Larrialdietako zerbitzuak goialdeko borraskaren ondorioz desagertutako lagunen bila jarraitzen dute. Garajeetan eta aparkalekuetan dauden autoak miatzen ari dira.
2024/11/02 - 12:01
Sanchezek 5.000 militar gehiago eta beste 5.000 polizia eta guardia zibil bidaliko ditu Valentziara
"Guztia ematea" eskatu du, baina "elkarrekin, elkar hartuta", eta aitortu du ematen ari diren erantzuna ez dela "nahikoa" izaten ari. Gainera, hildakoen kopurua 211ra igo du. Larri kaltetutako eremuak asteartean izendatuko dituzte.
2024/11/02 - 11:20
Milaka boluntario elkartu dira Valentzian garbiketa lanetan parte hartzeko
Arteen eta Zientzien Hirian zuten hitzordua. Lehenengo 2.500 boluntarioak lanean daude jada. Generalitateak datozen egunetan bertaratzeko eskatu die gainerako boluntarioei. Hildakoen balantzea 211ra igo da.
2024/11/02 - 11:19
Biktimen bila jarraitzen dute aparkaleku eta garajeetan
Goialdeko borraska gertatu eta bost egunera, erreskate taldeek bilaketa lanekin jarraitzen dute aparkaleku eta garajeetan. Catarroja herriko irudiak dira horren erakusle.
2024/11/02 - 10:32
2500 boluntario antolatu dira goizetik, Valentziako gune kaltetuenetan laguntzeko
Arteen eta Zientzien Hirian bildu dira laguntzeko prest azaldu diren milaka boluntario. Ilara luzeak ikusi ditugu bertan eta 50 autobus antolatu dituzten arren, berehala bete dira.
2024/11/01 - 23:31
Generalitateak toki berera deitu ditu boluntario guztiak, laguntza antolatzeko eta sarbideak ez oztopatzeko
"Esker ona" adierazi die laguntzen ari diren pertsonei, baina galdegin die kaltetutako lekuetara ez joateko, eta ibilgailu partikularren zirkulazioa murriztu du asteburuan gehien kaltetutako udalerrietara sartzeko bideetan, funtsezko zerbitzuak errazago ibil daitezen.
2024/11/01 - 21:42
Hiru egunen ostean, 205 hildako zenbatu dira Espainiako uholdeetan, eta desagertu kopurua ezezaguna da
Orain, desagertutako pertsonak bilatzea, ur eta argi hornidura berrezartzea eta errepideak garbitzea dira agintarien eta herritarren lehentasunak.
2024/11/01 - 21:34
Txikizioa Valentzian 72 ordu geroago
Uholdeek Valentzia hartu zutenetik 72 ordura, leku askotara oraindik ez da laguntza ofiziala iritsi, eta boluntarioak lanean ari dira, ahal duten moduan laguntzeko. Ezin da biktima kopurua oraindik zehaztu, hainbat soto, garaje eta auto arakatu gabe daudelako.
2024/11/01 - 17:24
Jaurlaritzak koordinazio-protokoloak aktibatu ditu goialdeko depresioak kaltetuentzako laguntza antolatzeko
Laguntza bide ofizialetatik bideratzea eskatu dute erakundeek, eraginkorra eta erabilgarria izan dadin. Generalitateak autoz eta oinez ez joatea eskatu du, sarbideak ez kolapsatzeko. Gainera, WhatsAppeko kanal bat ireki dute, bost zenbakirekin, laguntza bideratzeko.
2024/11/01 - 16:10
Zergatik irauten du horrenbeste denbora goi geruzetako azken depresioak?
June Ansoleaga eguraldiko aurkezleak azalduko digu zergatik irauten ari duen horrenbeste goi geruzetako depresioak. Izan ere, orain arte, etorri eta joan egiten zuten, bota beharrekoak botata, baina azken honek luze irauten du. beraz, zer gertatzen ari da?
2024/11/01 - 14:41
Ehunka boluntario hondatutako guneetara joan dira garbiketa-tresnekin, ura eta elikagaiekin
Janaria, ura, palak eta erratzak eskuetan, ehunka pertsona La Torre auzora joan dira, hiriburuko kaltetuenera, garbiketa lanetan laguntzeko.
2024/11/01 - 13:57
Larrialdietarako lehen funtsak aktibatu eta errepideetako konponketa lanak hasi ditu Garraio Ministerioak
24,8 milioi euro bideratu dituzte, besteak beste, A-7ko zubibidea berreraikitzeko, eta bertan behin-behineko saihesbide bat ezartzeko. Diru horrekin baita, N-322 eta N-330 errepideak konponduko dituzte.