2014an zergak igotzea baztertu du Gobernuak
Ministroen Kontseiluak 2014ko Aurrekontuetako Legearen proiektua onartu du ostiral honetan. Hazkunde ekonomiko arin bati lotuta, "susperraldiaren aurreneko aurrekontuak" dira, Soraya Saenz de Santamaria Gobernuko presidenteordeak azpimarratu duenez. Ondorioz, baztertu egin dute 2014an zergak igotzea.
Datorren urtean, atzeralditik irteten hastea aurreikusi du Gobernuak, aurrerapauso hori moderatua izango bada ere. Hala, BPGa % 0,7 igotzea aurreikusi dute, eta enpleguak ere zertxobait hobera egitea. Izan ere, Espainiako langabezia-tasaren aurreikuspena %26,6ra jaitsi dute 2013rako eta 25,9ra 2014rako.
Datu horiekin, Gobernuak zergak igotzea baztertu du, eta hainbat zergatan jaitsierak ere egingo dituela aurreratu du, bereziki ekintzaileei zuzendutakoak. Edonola ere, PFEZren eta sozietateen zergen behin behineko igoerei eutsiko die.
Aurrekontu "errealistak eta arduratsuak" dira, Saenz de Santamariaren ahotan. "Gastuaren murrizketaren eta hersturaren arteko beharrezko oreka, batez ere Administrazioan, eta susperraldia" bilatzen dute, gaineratu du.
Inbertsio handiago hainbat arlotan
Mariano Rajoy presidenteak aste honetan, Senatuan, defendatu zuenez, aurrekontu hauek inbertsioa aregotuko dute beketan (+%21,5) eta kulturan (+% 17,1).
Gainera, 770 milioi euroko apustu "garrantzitsua" egingo du Gobernuak Etxebizitza Planean (+% 4,8), eta I+Gean 71 milioi euro gehiago gastatuko ditu.
Bestalde, langabezia diru-laguntza ordaintzeko 29.469 milioi euro bideratuko dituzte 2014an, iaz baino % 10,3 gehiago (26.696 milioi euro).
Soldatak bere horretan eta zorraren interesak behera
Cristobal Montoro Ogasun ministroaren hitzetan ''defizit publikoaren murrizketarekin konpromisoa'' duten aurrekontuak dira 2014koak.
Hala, ministerioen gastuak % 4,7 egingo du behera (34.584 milioi euroko aurrekontua izango dute).
Halaber, bere horretan mantenduko dituzte funtzionarien soldatak, baina bermatu egin dizkiete aparteko bi soldatak.
Era berean, % 5,2 egingo du behera zorra dela-eta ordaindu beharreko zenbatekoak.
Aurrekontuen proiektua irailaren 30ean, astelehenean, aurkeztuko dute Diputatuen Kongresuan.
Pentsioen erreforma
Bestalde, pentsioen erreformaren proiektua onartu du ostiral honetan Ministroen Kontseiluak, eta, hala, lege proiektua Kongresura igorriko dute, bertan oposizioaren eta eragile sozialen ekarpenak batzeko asmoarekin.
Albiste gehiago ekonomia
Serveoko langileak 22 laguni eragiten dien enplegu-erregulazioko espedientearen aurka bildu dira Basaurin
CCOOk deituta, Serveoko langileek "Bridgestoneko kaleratze ikusezinak" salatu dituzte, eta datorren astelehenean hasiko den greba mugagabea deitu dute.
Banco Sabadell erosteko eskaintza publikoa onartzeko Espainiako Gobernuaren baldintzaren aurkako helegitea aurkeztu du BBVAk Auzitegi Gorenean
Bankuak uztailaren 15ean aurkeztu zuen errekurtsoa, Espainiako Gobernuak baldintza iragarri eta hiru astera. Zehazki, hiru urteetan bi erakundeek identitate juridikoa eta ondarea bereizita mantentzera behartzen ditu Sanchezen gobernuak.
Zerga-bilketa % 9,6 igo da Euskadin 2025eko lehen seihilekoan
Hiru euskal ogasunek 11.173,7 milioi euro bildu zituzten uztailera arte, hau da, iazko aldi berean baino % 9,6 gehiago eta 983,9 milioi gehiago.
Eusko Jaurlaritzak ingurumen baimena ukatu die Balmasedako El Haya 1 eta 2 parke eolikoei
Kolitza inguruan lau aerosorgailu ezarri nahi ditu Side Recovery Systems konpainiak, baina, txostenaren arabera, eremua sai zuriaren babestokia.
KPIa hamarren bat jaitsi da Euskadin uztailean, eta % 0,2 igo Nafarroan
Urte arteko datuei dagokienez, inflazioa % 3koa da Euskadin eta % 2,7koa Nafarroan, Estatuko batez bestekoaren berdina.
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.