Fagorreko lanpostuak mantentzea eskatu dute milaka pertsonak Arrasaten
Milaka pertsonak bat egin dute Arrasaten Fagor Etxetresnak kooperatibaren ordezkaritza organoek deitutako manifestazioarekin. Aldarri nagusia, lanpostu guztiak mantentzea.
Konpainia hartzekodunen konkurtsoaren atarian dago. Izan ere, Mondragon Korporazioak (MCC) errefusatu egin du berriz erreskatatzea.
Martxa 18:00etan abiatu da, Fagor Etxetresnakek San Andres auzoan duen lantegian, eta Herriko Plazan bukatu da, handik eta ordubetera.
Manifestazioaren leloa "Etorkizunaren alde" izan da, eta pankarta zazpi lantegitako zazpi langilek eraman dute. Martxa urriaren 18an egindakoa baino askoz jendetsuagoa izan da.
Debagoieneko hainbat alkatek eta Ander Rodriguez Gipuzkoako Aldundiko Gizarte Politikarako diputatuak ere bat egin dute deialdiarekin.
Martxa hasi baino lehen, Inazio Azkarraga-Urizar Arrasateko alkateak Debagoieneko alkateen izenean hitz egin du, eta esku hartzeko deia egin die Eusko Jaurlaritzari eta MCCri, Fagor Etxetresnakeko langileek lanpostua gal ez dezaten.
Alkateek "hausnarketa sakona" eta, lanpostuak mantentzeko helburuz, "esfortzu berezia" egitea eskatu diote korporazioari.
Ordezkaritza organoen adierazpena
Manifestazioa bukatu eta gero, Kontseilu Errektoreak (enpresaren gobernu organoa) eta Kontseilu Sozialak (bazkideen ordezkariak) adierazpen bat irakurri dute, Herriko Plazan.
Testu horretan, Fagorrek negozio bideragarriak mantentzea eta lanpostu asko salbatzea ekarriko lukeen plan bat prestatu duela gogorarazi dute kontseiluek. Gauzatu ahal izateko, laguntza eskatu diete Mondragon Korporazioari eta erakundeei.
Hori horrela, finantziazio faltaren ondorioz Fagor Etxetresnak hartzekodunen konkurtsoan sartu beharko dela, eta, hori dela eta, "4.000 lanpostu" galduko direla azaldu dute.
Konkurtsoari helduz gero, enpresa itxi egin beharko luketela ohartarazi dute.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.