Sindikatuek Kutxabank ez pribatizatzea eskatu dute
Euskal sindikatuen ustez, Kutxabank pribatizatzeko prozesua ez da geldituko Mario Fernandez presidenteak dimisioa eman duen arren. Horien aburuz, EAJrekin desadostasunak izan dituelako utzi du kargua.
Horren ildotik, Adolfo Muñoz ELAko idazkari nagusiak ohartarazi duenez, "pertsonak aldatzeak ez du ekarriko helburua ere aldatzea". Hori dela eta, bankuaren "akzio bakar bat ere" ez pribatizatzea eskatu du.
Horren ustez, Kutxabank pribatizatzeko prozesua "hasieratik" zegoen adostuta: "Espainiako Bankuari kutxak banku bihurtzeko baldintzak zeintzuk ziren galdetu ote bazioten galdetu genion herrialde honetako goi-kargudun politiko bati, eta gai hori etorkizunean hartuko zutela hizpide erantzun zigun".
Ainhoa Etxaide LABeko idazkari nagusia ere bide beretik ibili da, eta Fernandezen erabakiak ez duela Kutxabankeko pribatizazioa zalantzan jartzen ohartarazi du.
"Segur aski arazo taktikoak izango dituzte, erritmo arazoak, baina inola ere ez dute zalantzan jarriko pribatizazioak ekarriko duen iruzur politikoa", salatu du.
Bestalde, Raul Arza UGTko idazkari nagusiaren hitzetan, Fernandezek dimisioa ematea baino beste erremediorik ez zuen, "EAJk eta Jaurlaritzak babesa kendu baitiote".
Horren haritik, Kutxabankeko hurrengo agintariek eredu publikoaren alde egitea eta Gizarte Ekintza mantentzea espero duela azpimarratu du.
Azkenik, Unai Sordo CCOOko idazkari nagusiak "ezusteko"tzat jo du dimisioa, eta horrek bankuaren "pribatizazio masiboa eta bizkorra" galaraztea espero duela esan du.
Sordok esan du ez dakiela zer dela eta eman duen dimisioa Fernandezek, baina arrazoia EAJrekin desakordioak izan dituela izan daitekeela iradoki du.
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.