Fiskaltzak ikertu egingo du Mario Fernandezen aurka jarritako salaketa
Kutxabankek Mario Fernandez presidente ohiaren aurka jarritako salaketa aztertu egingo du Bizkaiko Fiskaltzak.
Salaketa bat jasotzen duen bakoitzean eginbideak hasten dituztela azaldu dute Bizkaiko Fiskaltzako iturriek.
Fernandezen agintaldian ustez egindako irregulartasun bat salatu du Kutxabankek Fiskaltzaren aurrean: 243.592,02 euroko operazioa izan zela azaldu du, baina diru guztia itzuli dutela zehaztu dute. Ondorioz, kalte ekonomikoa erabat ordaindu dela gaineratu du entitateak.
Barneko ikuskaritzak “irregulartasuna” izan zela egiaztatu eta gero, Kutxabanken Administrazio Kontseiluak legedia bete eta ikuskapen organoen irizpideei jarraitzea adostu zuen. Horrela, Ministerio Fiskalari igorri zion informazio hori.
Antza denez, Kutxabanki zerbitzu juridikoa emateko abokatu bulego batekin kontratua sinatu zuen erakundeak. Irregulartasunak kontratu horretan izan ziren. Mikel Cabieces PSE-EEko Zuzendaritzako kideak harreman profesionala du bufete horrekin, EAEko sozialistek agiri batean jakitera eman dutenez. Hori dela eta, militante gisa aldi baterako baja emateko eskatu dio Cabiecesek berak alderdiari.
Fernandezek ere ohar bat bidali zien hedabideei, bere ohorea zikintzen duen edozein informaziok edo ekintzak "behar bezalako erantzuna" izango duela jakinarazteko.
Bankuaren zuzendari ohiak azaldu duenez, berarekin ez zen inor harremanetan jarri lege-ekintzaren edo ikerketa baten berri emateko, ez Kutxabanken ez akziodunen izenean.
Horrelako desinformazioaren aurrean, harrituta, haserre eta babesik gabe dagoela adierazi zuen.
Bizkaiko Aldundiak dio ez dakiela ezer
Unai Rementeria Bizkaiko Aldundiaren bozeramaileak ez du ustezko irregulartasunen inguruko adierazpenik egin nahi izan, ez dakielako "ezer gai horren inguruan". Hala ere, "errespetu eta ardura osoa" aitortu die finantza erakundearen kudeaketan aritu diren guztiei.
Rementeriak azaldu duenez, Aldundiak komunikabideetan argitaratutako informaziotik izan du ustezko irregulartasunen berri, eta nahiago izan du "ez dakidan gai baten inguruan baloraziorik ez egin".
Sorturen ustez, "ustel usaina dario
Bestalde, Joseba Permach Sortuko kideak guztia argitzea eskatu du, "zerbaiti ustel usaina dariola" dirudielakoan.
Horren harira, Permachek gogorarazi du EH Bilduk auditoria bat eskatu zuela Kutxabanken duela hilabete batzuk, baina Eusko Legebiltzarrak atzera bota zuela ekimena.
Zure interesekoa izan daiteke
Interes-tasak % 2an mantendu ditu EBZk, bosgarren aldiz, merkatuek espero bezala
Europako Banku Zentraleko (EBZ) Gobernu Kontseiluak joera aldatu gabe jarraitzea erabaki du, 2025eko ekainean malgutze-zikloa eten ondoren. Ziklo horrek oinarrizko 200 puntu murriztu zuen diruaren prezioa, beheranzko zortzi doikuntzen bidez.
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.