'Kutxabank publikoa eta soziala behar dugu, lagunkeria ilunik gabe'
Kutxabankek Mario Fernandezen aurka aurkeztutako salaketaren harira, prentsaurrekoa eskaini du larunbat honetan EH Bilduk. Auzi horren inguruan mintzatu da Joseba Permach koalizioko kidea. "Irregulartasunak zoritxarrez ez gaitu batere harritu", esan du, "harritu gaituena Kutxabanken dauden eragile desberdinek hartu dituzten erabakiak izan dira, eta horrek gure kezkak areagotu besterik ez ditu egin"
EH Bilduk gogoratu duenez, Mario Fernandez Kutxabankeko buru EAJk izendatu zuen, "eta haren kudeaketa txalotu eta bultzatu besterik ez du egin urteotan". Gauzak horrela, "susmoak areagotu dira, eta baieztapen borobilak besterik ezin ditugu egin: euskal finantza-sistemaren gidaritza duten PNV, PSE, PP eta CCOOen arduradun nagusiek euren interes pertsonalak eta euren lagun dirudunen interes pertsonalak soilik defendatu dituzte eta defendatuko dituzte".
Horren ondorioz, "inoiz baino ozenkiago jarraituko dugu esaten: Kutxabank publikoa eta soziala behar dugu, ezkutuko kudeaketa bitartekorik gabe, gardentasuna oinarri izango duena, eta euskal herriko pertsona eta ekonomiaren menpe egongo dena, lagunkeria ilunak alboratuta".
Hori dela eta, koalizioak hitzeman duenez, "eskura ditugun mekanismoak abian jarriko ditugu Kutxabank kudeatzen duten alderdi politikoek bankuaren inguruan dagoen ustel usaina argitzeko".
PSE
Miren Gallastegui PSE-EEko legebiltzarkidearen iritzian, "argi dago" PSEk ez duela loturarik Mario Fernandez Kutxabankeko presidente ohiaren aurkako salaketarekin. Ostiral honetan zabaldu denez, Kutxabankek Fernandez salatu du Mikel Cabieces sozialistarekin lotutako abokatu-bulego bati ustez egindako ordainketak direla eta.
Radio Euskadiko eskainitako adierazpenetan, Gallasteguik esan duenez, abian dagoen ikerketak "kasua argituko du". "Fiskaltzaren aurrean afera salatu denez jakin dugu: PSEko kide batek lan egiten duen abokatu-bufete batekin lotu zuen kontratua Kutxabankek; hori da dakigun bakarra", azaldu du.
"Gardentasunari eutsita, Cabiecesek haren karguari uko egin dio, eta PSEko militante izateari utzi dio, behin-behinekoz", azaldu du kide sozialistak. Haren ustetan, "argi dago" PSEk ez duela loturarik Mario Fernandez Kutxabankeko presidente ohiaren aurkako salaketarekin.
EAJ
Bestalde, Maria Eugenia Aguirrezabala EAJren legebiltzarkidearen ustez, "ona da" Fernandezek dirua itzuli izana. "Kutxabankek oro har nahiko ondo funtzionatu du", gaineratu du. "Auzi hau gure aurkako ohiko kanpainak egiteko erabiliko duten beldur naiz", adierazi du Agirrezabalak.
UPyD
Bestalde, Gorka Maniero UPyDko legebiltzarkidearen iritzian, auzia "oso larria da". Halaber, UPyDk "kutxen politizazioa" salatzen urteak eman dituela gogoratu du. "Hainbat alderdi politikok badute salaketa horretan zer esan", azpimarratu du.
azpimarratu du.Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.