Urkullu: 'Batzuek gehiegi gastatu zuten, Euskadik ez'
Iñigo Urkulluk Kontzertua Ekonomikoaren eta Kupoaren defentsa sutsua egin du berriz ere, eta finantza sistema zalantzan jarri duten Estatuko buruzagiei Euskadiren "kudeaketa erantzulearen kultura" bere egiteko dei egin die. Salatu duenez, Estatuko "beste leku batzuetan gehiegi gastatu zuten, zutena baino gehiago". Haren hitzetan, Euskadin ez zen halakorik gertatu.
EAJk, PSEk, PPk eta UPyDk Kontzertuaren eta Kupoaren inguruko galderei erantzutean egin du hausnarketa Urkulluk. Gaia mahai gainean dago Estatuko hainbat buruzagik Kontzertu Ekonomikoa "moldatu" beharra dagoela esan zutenetik.
Rajoyren "erantzunik ez"
Horren harira, Urkulluk iragarri du hauteskundeen ondotik osatzen den gobernuarekin gaia aztertzeko asmoa duela, baita Kupoa zehazten duen Legearen berrikuspena ere. Izan ere, Rajoyren gobernuaren etsita dago lehendakaria, ez baitio iaz helarazi zion proposamenari "erantzun ere egin".
Dena dela, "aldebakarreko erabakiak" baztertu ditu eta Gobernu zentralarekin negoziatu beharra dagoela adierazi du.
Lehendakariaren esanetan, Kontzertu Ekonomikoa eta Kupoa "legezko" tresnak dira, Espainiako Konstituzioak aitortuak eta Europar Batasunak "babestutakoak".
Euskadiren berezko sistema finantzarioa "insolidarioa" dela ukatu du Urkulluk. Adierazi duenez, biztanleriari eta aberastasunari erreparatuta, Euskadik "dagokiona baino gehiago" ordaintzen dio Estatuari.
"Gehiegizko gastua"
Kontzertuan auzitan jartzen dutenei aholkua eman die Urkulluk: "Hobe lukete Euskadiren kudeaketa erantzulea bere egingo balute. Garai batzuetan behar baino gehiago gastatu zuten eta", erantsi du.
"Euskadin, dugunaren arabera gastatzen dugu; ezin diogu Estatuari eskatu eta gu gara gure gastuen erantzule. Hori da gure egin dugun eredua", argudiatu du.
Eredu horri kontrajarriz, "oparoaldian, beste leku batzuetan gehiegi gastatu zuten, zutena baino gehiago, eta eraginkortasun ekonomiko eta sozial eskasarekin, gainera", kritikatu du Urkulluk.
Lehendakariak esan duenez, "halakorik ez da gertatu" Euskadin eta "ez dugu finantza ahalmenaren gainetik" gastatu. Urkulluren hitzetan, "hauxe da bultzatu beharko litzatekeen kudeaketa erantzulearen kultura, Kontzertu Ekonomiari eraso egin beharrean".
>
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.