Orona gipuzkoarrak enpresa bana erosi ditu Polonian eta Portugalen
Hernanin egoitza duen Orona mugikortasun soluzioetan espezializatutako konpainiak bi enpresa berri erosi ditu: bat Polonian eta bestea Portugalen. Hori dela eta, Europan duen posizioa indartu du, guztira, bost erosketa egin baititu aurten, konpainiak jakinarazi duenez.
Polonian erositako enpresa Krakdzwig da, Krakoviako igogailuen sektorean merkatu kuota handia duena. 1996an sortu zen eta 2002tik enpresa harreman estua du Oronarekin, urte horretan euskal enpresaren Poloniako bazkide eta banatzaile bihurtu baitzen.
Elkarrekin egin duten lanaren ibilbide positiboari eta Krakdzwig enpresak igogailuen sektorean duen esperientzia zabalari esker egin ahal izan da eragiketa, eta horren bidez, Oronak bere lantaldean sartuko ditu Poloniako enpresaren 65 langileak. Polonian egindako bigarren erosketa da, 2014an Techlift (Wroclaw) enpresa erosi baitzuen.
Bestalde, Portugalen duen presentzia indartzeko asmoz, Oronak akordioa lortu du laster Estrela Elevadores konpainia erosteko. 1992an sortu zen enpresa hori, eta Leiria eskualdean dago, kokaleku estrategiko batean, Porto eta Lisboa artean. Eragiketak aukera emango dio Oronari Estrela enpresak gaur egun mantentzen dituen 500 igogailuak bere egituran sartzeko. Hala, Oronak Portugalen duen bosgarren zentroa izango da, lehendik lau baititu: Braga, Porto, Lisboa eta Algarve.
Xabier Mutuberria Oronako zuzendari nagusiaren hitzetan, "eragiketa horiei esker, Europako merkatu gakoetan dugun posizioa indartuko dugu, eta onura aterako diogu bai Krakdzwigek bai Estrelak sektorean duten eskarmentuari".
Oronak 2016an izan duen hazkundearen erakusgarri, bi enpresa horiez gain, beste enpresa batzuk ere erosi ditu lehen seihilekoan: Frantziako bi konpainia eta Norvegiako bat.
Orona Europako eta Amerikako 11 herrialdetan 30 enpresa baino gehiago dituen enpresa taldea da, eta Europako hamar igogailu berritik bat egin du. 100 herrialdetan baino gehiagotan instalatzen dira bere produktuak, eta munduko 250.000 igogailuk Oronaren teknologia dute. Europako lehena da igogailu osoak ekoizteko ahalmenari dagokionez, eta ekodiseinuko ziurtagiria (ISO 14006) eskuratu duen mundu osoko lehen igogailu enpresa da.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".