3,5 milioi bidaiariren langa igaro du Bilboko Aireportuak
2016ko lehen bederatzi hilabeteetan, urtarriletik irailera, hazi egin da bidaiarien trafikoa Bilboko Aireportuan, % 7,1 zehazki. Guztira 3.529.482 bidaiarik erabili dute, batez ere hegaldi komertzialetan. EAEko beste aireportuetan ere gora egin du trafikoak. Donostiakoan % 2,7 hazi da, eta Forondakoan % 16,3 (azken datu hau merkantziei dagokie), betiere 2015eko tarte berarekin alderatuta.
AENAk gaur emandako datuen arabera, irailean ere datu onak izan ditu Bilboko aireportuak. 439.262 bidaiarik erabili zuten aireportu bizkaitarra hilabete horretan, 2015eko irailean baino % 5,2 gehiago. Estatu barruko hegaldien kopuruak % 2,1 hazi zen, eta nazioartekoa % 9,8.
Donostiako Aireportuan ere gora egin du bidaiarien trafikoak, % 2,7, hain justu. 199.492 pertsonek erabili dute Hondarribiko aireportua.
Irailean, ordea, apur bat (% 1,1) behera egin du bidaiarien kopuruak, eta 24.220 pertsonak erabili dute.
Donostiako Aireportuak hegaldi erregularrak eskaintzen ditu urte guztian Madril eta Bartzelonara, eta udan, baita Londresera eta Palmara ere.
Merkantziak
Arabako Aireportuari dagokionez, % 16,3 egin du gora merkantzien trafikoak. 2016ko lehen bederatzi hilabeteetan 38.711 tona mugitu dituzte Forondan.
Denbora tarte honetan 34.417 bidaiarik erabili dute Gasteizko aireportua; irailean, 1.535.
Forondako aireportua gauez bakarrik zabaltzen dute, 12 orduz. Gainerakoan, noizbehinka programatutako bidaiarien hegaldiak izaten ditu.
Zure interesekoa izan daiteke
Eusko Legebiltzarrak uko egin dio etxebizitza-edukitzaile handien erregistro bat egiteari
EH Bilduren eskariz eztabaidatu da gaia Osoko Bilkuran. Koalizioaren jatorrizko ekimena baztertu egin dute bozketan, baita Sumarren zuzenketa bat ere; aldiz, EAJren eta PSE-EEren zuzenketa bat onartu da. EH Bilduren proposamenak edukitzaile handien erregistro bat eegitea eskatzen zuen, izan pertsona fisiko naiz juridikoena, Nafarroan edo Katalunian daundenen gisan.
Interes-tasak % 2an mantendu ditu EBZk, bosgarren aldiz, merkatuek espero bezala
Europako Banku Zentraleko (EBZ) Gobernu Kontseiluak joera aldatu gabe jarraitzea erabaki du, 2025eko ekainean malgutze-zikloa eten ondoren. Ziklo horrek oinarrizko 200 puntu murriztu zuen diruaren prezioa, beheranzko zortzi doikuntzen bidez.
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.