Zamaketariek martxoan grebara jotzeko abisua aurkeztu dute
Karga sektoreko sindikatuek martxoaren 6tik aurrera lanuzteak egiteko abisua aurkeztu dute, datorren ostiralean Espainiako Ministroen Kontseiluak erreformarako lege-dekretua inolako aldaketarik gabe onartzen baldi badu, grebara jotzeko.
Joan den astean Sustapen Ministerioa erreforma atzeratzeko prest azaldu zen, bi baldintza jarrita: sindikatuek aste honetarako iragarrita zuten greba bertan behera uztea eta negoziazio-prozesu bati ekitea.
Sindikatuek eskaintza onartu zuten eta gaur bildu dira lehendabiziko aldiz sindikatuak eta patronala. Bihar batzar gehiago izango dira. Lehendabizi, bitartekari lanetan ari den Marcos Peña Kontseilu Ekonomiko eta Sozialeko presidentearekin bilduko dira, bakoitza bere aldetik; eta ondoren guztiak batera batzartuko dira.
Greba-deialdiak aurrera egiten badu, martxoko lehen hiru asteetan egingo dituzte lanuzteak, astero hiru egunetan.
Antolin Goya Itsasoko Langileen Koordinakundeko arduradunak azaldu duenez, bitartekariak jakinarazi die ez duela ahalmenik izan lege-dekretuak aldaketarik egiteko eta Sustapen Ministerioak erreforma ostiral honetan aurkezteko asmoa duela.
Hori dela eta, grebara jotzeko abisua aurkeztea erabaki dute. “Enpresa eta langileen arteko gatazka bat izango balitz bezala jokatzen ari dira”, deitoratu du.
Goyak azpimarratu du negoziazio-prozesu bat abian jartzen bada eta Espainiako Gobernuak akordio bat egon arte lege-dekretua aurkezteari uko egiten badio, “lanuzteak deitzeko abisua erretiratuko genuke eta negoziatzen hasiko ginateke”.
“Negoziatzen ari garen bitartean dekretua ez onartzeko eskatu diogu Espainiako Gobernuari bitartekariaren bidez, bi aldeek negoziatzeko denbora nahikoa izan dezagun”, erantsi du.
“Gaur aurkeztu duguna abisua da, dekretua onartzen ez badute eta akordio batera heltzen bagara, grebarako dugun eskubideari uko egingo diogu”, zehaztu du Goyak.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".