Aske utzi dituzte GKSk Gasteizen antolatutako kanpaldian atxilotutako lau gazteak, epailearen aurrera eraman zain
GKSk elkarretaratzea deitu du gaurko, 18:00etan, Andre Maria Zuriaren plazan, atzo jasandako "errepresio poliziala" salatzeko. Ertzaintzaren arabera, ez zuten eman kanpaldia egiteko asmoaren berri aldez aurretik. Desordena publikoak eragitea egotzi diete atxilotutako gazteei.
Lau pertsona atxilotu zituzten atzo Gazte Koordinadora Sozialistak (GKS) eta Etxebizitza Sindikatu Sozialistak Gasteizen antolatutako kanpaldi batean. Bi taldeon arabera, Gasteizko Txosnen Batzordeak "beto politikoa" du haien aurka, eta aurten ere "debekatu" egin diete txosnagunean parte hartzea. Hain zuzen ere, txosnagunean euren espazioa defendatzeko hasi zuten kanpaldia Andre Maria Zuriaren plazan, protesta ekintza gisa.
Gaua polizia-etxean igaro ondoren, lau atxilotuak aske utzi dituzte goizean, epailearen aurrera eramateko zain. Desordena publikoak eragitea eta agenteen aurkako atentatua leporatzen dizkiete.
Eusko Jaurlaritzako Segurtasun Saileko iturriek jakitera eman zutenez, ez zuten kanpaldia egiteko baimenik. Hori dela eta, Gasteizko Udaltzaingoa eta Ertzaintza bertaratu ziren, eta une horretan hasi ziren istiluak. Poliziaren arabera, bildutakoek objektuak jaurti zituzten ertzainen aurka, eta agenteen hesia hautsi zutenean, kargatu egin zuten.
Istiluak 20:30 aldera hasi ziren. Atxilotuak 21 urteko emakume bat eta 26, 27 eta 28 urteko hiru gizon dira. Istiluetan sei ertzain eta udaltzain bat zauritu dira, Segurtasun Sailak zabaldu duenez.
GKSk elkarretaratzea deitu du gaurko, 18:00etan, Andre Maria Zuriaren plazan, jasandako "errepresio poliziala" salatzeko. Halaber, GKSk jakinarazi du lau atxilotuez gain, hamar lagun identifikatu dituztela.
Zure interesekoa izan daiteke
Negu Gorriak taldeak manifestazioa deitu du larunbaterako, Aranzaditik etxegabeak kanporatu izana salatzeko
Udalak emandako erantzuna kritikatu du kolektiboak, "aldi baterako konponbideekin" arazoari ez zaiolako errotik heltzen. Etxegabeentzat "egiturazko neurriak" eskatu dituzte.
Gaurtik, eskaintza osasungarri eta jasangarria izan beharko dute Hego Euskal Herriko eskola-jantokiek
Hego Euskal Herriko eskoletan, jangelek derrigorrez bete beharko dute aurrerantzean elikadura osasuntsua bermatu asmo duen legea. Besteak beste, fruta eta barazkien kontsumoa bermatuko da eta proteinen eta janari frijituen maiztasuna murritu. Horrez gain ikastetxeetako ‘vending’ makinetako produktuek ere mugak izango dituzte.
Burdineria korrosioak jota zegoelako erori zen El Bocaleko pasabidea, perituaren esanetan
Peritu judizialak azaldu duenez, loturetako batean izandako akatsak beste loturen gaineko karga handitu zuen, eta horrek lehen eta bigarren mailako habeen arteko lotura guztiek huts egitea eragin zuen, eta taula erorarazi. Gainera, ondorioztatu duenez, ez dago egituraren mantentze-planik egin den ebidentziarik.
Renfek Donostiako tren-zerbitzua indartuko du, Kopako finala dela eta
Larunbat goizaldean (02:10ean) Donostiatik tren berezi bat irtengo da, Sevillako Cartuja geltokira 10:40an iristeko. Itzulerako trena Atletico Madril eta Realaren arteko partida amaitu ondoren aterako da Gipuzkoako hiriburura.
Zumaian agertutako gorpua Eibarren desagertutako 60 urteko emakume batena da
Autopsiaren arabera, pasa den igandean Itzurun hondartzan agertutako gorpuak ez zuen kriminalitate zantzurik. Apirilaren 13an, emakumearen senide batek agertu barik zegoela salatu zuen Eibarko ertzain-etxean, hilaren 11tik haren berririk ez zuelako.
Bertan behera gelditu da Lapurdin isuri gutxiko eremua sortzeko egitasmoa, eta aurrerantzean ere ez da bereizgarririk beharko
Lehen Asanblea Nazionalak egin bezala, orain Senatuak bidea itxi dio Lapurdiko kostaldean isuri gutxiko eremua sortzeko neurriari. Frantziako Gobernuak proposatutako neurriari ultraeskuinak jarritako ebazpena aintzat hartu du Ganberak.
Emakume bat atxilotu dute Bilbon, bikotekidea barruan zela lonja bati su emateagatik
Hainbat lekukok ikusi dute gertatutakoa: atxilotuak Atxuri auzoko lonja horren barrura zerbait bota du, eta sua piztu da gero. Emakumearen bikotekidea zegoen barruan, eta Basurtuko Ospitalera eraman dute.
Zabalik da erregularizazioa online egiteko aukera, eta aurrez aurre egiteko hitzordua eska daiteke
Eskabidea telematikoki egin ahal izateko, beharrezkoa da ziurtagiri elektronikoa izatea edo gaitutako profesionalen zein Atzerritarren Laguntzaileen Erregistroan inskribatutako erakundeen bitartez egitea. Eskabidea aurrez aurre egiteko hitzordua eska daiteke dagoeneko, baina datorren astelehenean, apirilaren 20an, hasiko da prozesua, tramiterako gaitutako puntuetan.
Albiste izango dira: migratzaileen erregularizazioa, Ekialde Hurbileko gerraren azken ordua eta Mitoaroa III-ren aurkezpena
Orain-ek gaur landuko dituen albiste nagusien laburpena.
EAEn aztertutako eskolen % 96etan gainditzen dute OMEk gomendatutako NO2aren kutsadura maila
Ekologistak Martxan taldeak zazpi udalerritako 78 eskolatan neurtu du nitrogeno dioxidoaren (NO2) maila: Gasteizen, Donostian, Errenterian, Oiartzunen, Barakaldon, Bilbon eta Erandion. Horietatik hirutan errespetatzen da Osasunaren Mundu Erakundeak (OME) jarritako metro kuboko 10 mikrogramoko langa.