CNAk ez du hartzekodunen konkurtsoa aurkezteko asmorik
Fagor CNA taldeak ez ei du hartzekodunen konkurtsoa aurkezteko asmorik, nahiz eta dagoeneko aurkeztua duen hartzekodunen aurrekonkurtsoa; are gehiago, Edesaren jarduerarekin jarraitzeko asmoa agertu du Kataluniako taldeak. Mezu hori helarazi die gaurko bileran zuzendaritzak langileen ordezkariei. Enpresa batzordetik nabarmendu dutenez, bilera "etsigarria" izan da, batez ere, ez dietelako "etorkizunerako planik aurkeztu".
CNA taldearekin bilera egin ondorean enpresa batzordeak ohar bidez jakinarazi duenez, hartzekodunen aurrekonkurtsora jo arren, enpresa ez du hartzekodunen konkurtsoa aurkezteko asmorik. Are gehiago, jarduerarekin jarraitzeko asmoa agertu du eta "errentagarritasuna hobetzeko" egituran aldaketak egin nahi ditu. Hala ere, zuzendaritzak enpresa batzordeari esandakoaren arabera, oraindik ez dago "amaitutako bideragarritasun planik".
Bestalde, enpresaren egoerari konponbidea bilatzeko lanean inplikatuta egon daitezkeen eragile guztiekin negoziatzeko prestutasuna agertu da enpresa. Enpresa batzordea horretarako prest agertu da, baina horretarako 30 langile kaleratzeko lan-erregulazioko txostena erretiratzeko eskatu dio zuzendaritzari.
Lan-erregulazioko txostena mantenduz gero, "gatazka egoeran aurkituko gara", azpimarratu dute langileen ordezkariek.
"Gardentasun eta inprobisazio etengabeko honekin amaitu behar dugu eta etorkizuneko proiektu industrial serio bat eraikitzeko laguntzeko prest gaude, serioa izango dena, konpromiso eta bermeekin, eta zeresana duten eragileen babesa izango duena", nabarmendu du enpresa batzordeak.
Gaur goizean bi orduko lanuztea (10.00-12:00) egi dute langileek Garagartzako (Arrasate), Basauriko eta Eskoriatzako lantegietan.
Bideragarritasun plana, uztaila bukaerarako
Bestalde, Fagor CNA taldearen zuzendaritzak eta Eusko Jaurlaritzak bilera egin dute arratsaldeko lehen orduan eta uztaila bukaerarako Edesarentzat bideragarritasun plan bat aurkezteko konpromisoa hartu du konpainiak.
Ekonomia Garapenerako eta Lehiakortasun Departamentuko iturriek jakinarazi dutenez, bilera 14:30ean hasi da eta "oso laburra eta tentsio handikoa izan da". Arantxa Tapia sailburuak ez du batzarrean parte hartu.
CNA taldeko arduradunek "ez dute azalpen askorik eman" Arrasate, Eskoriatza eta Basauriko lantegietako egoeraren harira. "Kalkuluak zuzenak ez direla eta asmatu ez dutela esan digute", adierazi dute Jaurlaritzako iturriek.
Hortaz, bideragarritasun plan bat egingo dutela dio orain CNA taldeak.
Zure interesekoa izan daiteke
Tubos Reunidoseko langileek elkarretaratzea egin dute Bilboko San Mameseko zabalgunean
Athletic-Betis partidaren atarian lan erregulazioa eta altzairutegia ixtearen kontrako jarrera azaldu dute. Gainera borondatezko bajei atxikimendua emateko prozesua kritikatu dute eta zalantzak dituzte 301 langileek izena eman ote duten.
LABek "ez du derrigorrezko kaleratzerik onartuko" Tubos Reunidosen
Garbiñe Aranburu LABeko idazkari nagusiak adierazi du ez dutela enpresaren "xantaia" onartzen, eta erantsi du ez dutela onetsiko 300 langile kaleratu behar izatea enpresaren bideragarritasunaz negoziatzen hasteko.
Indarrean dira Irango gerrak sortutako krisiaren aurka Espainiako Gobernuak hartutako neurriak
Elektrizitatea eta erregaiak merkeagoak dira, besteak beste, BEZa % 21etik % 10era jaitsi delako.
Aldizkari ofizialak argitaratu ditu jada Espainiako Gobernuaren krisiaren aurkako neurriak, eta bihar jarriko dira indarrean
Elektrizitatearen BEZa % 21etik % 10era jaitsiko da, gasolinaren, gasolioaren eta beste hidrokarburo batzuena bezalaxe.
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.