Jaurlaritzak astearte honetan jaulkiko du 'bonu berdea'
Litekeena da Eusko Jaurlaritzak “bonu berdea” astearte honetan jaulkitzea, ekonomia berdearekin lotutako egitasmoak eta proiektu jasangarriak finantzatzeko funtsak erakartzeko asmoz. Nazioarteko eta Espainiako inbertitzaileen interesa piztu nahi du bonuarekin Exekutiboak.
Eusko Jaurlaritzako iturriek ziurtatu dutenez, “ezustekoren bat izan ezean”, maiatzaren 29an jaulkitzekoa zen “bonu jasangarria” astearte honetan, ekainaren 5ean, igorriko dute. Jaulkipena atzeratu egin zuten Espainiako eta Italiako egoera politikoaren ondorioz, “ziurgabetasun” politikoak arrisku-sariari eta merkatuei eragin ziezaiekeelakoan.
Jaulkipena astebete atzeratu behar zutela iragarri zuen Pedro Azpiazu Ogasun eta Ekonomia sailburuak, PSOEren zentsura-mozioaren emaitza ezagutu arte, hain zuzen.
Espainiako egoera politikoa argituta, “bonu berdea” merkatuan jarriko dute astearte honetan, 500 milioi euroko balioarekin. EAEko erakunde batek egiten duen horrelako lehen jaulkipena da.
“Euskadiren ingurumen, ekonomia eta gizarte erronkei heltzeko finantziazio arduratsu eta eraginkorra” lortu nahi du Jaurlaritzak, Azpiazuk Alemaniako, Frantziako eta Espainiako inbertitzaileei azaldu zienez.
Sustainalytics kalifikazio agentziak bonuari abala eman zion. 2030 Agenda ezartzen eta Nazio Batuen Erakundeko jasangarritasun helburuak lortzen lagundu nahi du bonuak.
Lortutako baliabideak proiektu sozialak (% 81) eta berdeak (% 19) finantzatzeko erabiliko dituzte, etxebizitzak egiteko, lanpostuak sortzeko, garraio garbia sustatzeko, energia-eraginkortasuna hobetzeko eta energia berriztagarriak bultzatzeko, besteak beste.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.