Azpikontratatutako beharginen enplegua eta lan-baldintzak bermatzeko eskatu du ELAk
ELA sindikatuak azpikontratetako beharginen enplegua eta lan-baldintzak bermatzeko eskatu die Eusko Jaurlaritzari, Eudeli eta Foru Aldundiei, koronabirusak eragindako alarma-egoerak irauten duen bitartean.
Ohar baten bidez nabarmendu duenez, "langile-klasea pairatzen ari den unea hain zaila delarik", herri-administrazioak berarentzat lan egiten duten beharginen lan-baldintzak babestu behar ditu, baita bitarteko enpresen bidez (azpikontraten bidez) ari direnean ere.
Hori dela eta, "ezin da onartu azpikontratatutako beharginei enplegua, lan-baldintzak zein soldata eskubideak murriztea".
"Azpikontratatutako enpresen aldetik azken astean gertatzen ari diren iruzur egoeren aurrean", zaintza "zorrotz bete" dezatela eta aldi baterako langileei "kontratua eteteko asmorik onar ez dezatela" eskatu die ELAk Eusko Jaurlaritzari eta administrazio publiko ezberdinei, "dagoeneko halako egoerak gertatzen ari baitira".
Halaber, "erabaki politiko bat" hartzeko eskatu die erakundeei, "azpikontratatutako langileek soldataren % 100 jaso dezaten, aparteko ordainsariak barne, eta haien egoerak ez dezan kalterik eragin hartu beharreko urteko opor-egunei dagokienez".
Helburu horrekin, ELAk dagokion informazio guztia eskatuko du EAEko herri-administrazioetan, kontrata bakoitzaren egoera zein den jakiteko eta, egungo alarma-egoeran, "enpresak diru publikoari esker bidegabe aberastea saihesteko".
Albiste gehiago ekonomia
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan karga handiegia zutela, LAB sindikatuko Jesica Gondraren hitzetan. Adierazi duenez, zuzendaritzak urte biko epean ez du ezer egin baieztatu. Sindikatuen ustez, zuzendaritzak egoera baliatu nahi du langileen irudia zikintzeko, Gernikako larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.