2020ko atzeraldia "2009koa bezain txarra, edo txarragoa" izango da, NDFren iritziz
Mundu-mailako ekonomian 2020an izango den atzeraldia "2009koa bezain txarra izango da, edo txarragoa", koronabirusaren epidemiaren eraginagatik eta hainbat herrialdek ezarritako euste-neurriengatik, Nazioarteko Diru Funtsaren (NDF) zuzendari gerente Kristalina Georgievak zehaztu duenez. Georgievak, halaber, adierazi du 2021rako "errebote-efektua" dutela aurreikusita, baina zain daudela, koronabirusaren krisia noiz konponduko duten egiaztatzeko; izan ere, horrek baldintzatuko du susperraldi hori.
"2020rako eta 2021erako gure aurreikuspenak berraztertu ditugu, eta, egun, argi dago mundua atzeraldian sartu dela; gure ustez, 2009ko finantza-krisia bezain txarra izango da, edo txarragoa", esan du Georgievak, prentsaurrekoan. Nabarmendu duenez, 2021rako aurreikusitako susperraldia "nabaria" izan liteke, baina bi eragilek baldintzatuko dute hori: alde batetik, noiz izango den birusa kontrolpean herrialde guztietan; bestetik, likidezia-arazoak kaudimen-arazo ez bilakatzea lortuko duten ala ez.
Hain zuzen, NDFko zuzendariak kezka agertu du; izan ere, baliteke porrot eta kaleratze askok, susperraldian eragina izateaz gain, gizarteak zeharo kaltetzea. Testuinguru horretan, pandemiaren eragina arintzea helburu hainbat herrialdek egindako zerga- eta diru-ahaleginak goraipatu ditu; G20ko herrialdeek 5 bilioi dolar emango dituzte (4,5 bilioi euro), eta hori ere ekarri du gogora zuzendariak.
Georgievak, halaber, esan du Ameriketako Estatu Batuetan onartutako bizigarri-plana "neurri egokia" dela. Plan horretan 2 bilioi dolar erabiliko dituzte (1,81 bilioi euro), eta COVID-19 gaitzaren eragina AEBn eta mundu osoan arintzen lagunduko du.
80 bat herrialdek eskatu dute laguntza
Georgievaren esanetan, garapenean dauden ekonomien finantzazio-beharrak 2,5 bilioi dolarrekoak dira; berretsi ere berretsi du, osteguneko G20aren goi-bileran egin zuen bezala, "herrialde-kopuru oso handi batek" eskatu diola NDFri premiazko laguntza. Hortaz, esan du beharrezkoa dela Funtsaren ahalmena bikoiztea, laguntza hori eman ahal izateko.
Esan duenez, 80 herrialdek eskatu dute laguntza hori (diru-sarrera txikietako 50 batek, eta diru-sarrera ertainetako 30 batek). Herrialde horien % 75k finantza-laguntza eskatu dute, eta gainerakoek kontsultak egin dituzte, baina litekeena da azken horiek ere laguntza finantzarioa eskatzea, zuzendariaren arabera.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.