Ekonomia osasunaren aurretik jartzea leporatu dio gehiengo sindikalak Jaurlaritzari
Sindikatuek begi onez jo dute Espainiako Gobernuak oinarrizkoa ez den jarduera ekonomiko oro eten izana, baina berandu iritsi dela uste dute.
Garbiñe Aranburu LABeko idazkari nagusiak ohartarazi du sindikatua adi egongo dela patronalak neurri horren inguruan hartuko duen jarreraren aurrean, "salbuespenei zirrikiturik ireki ez diezaioten".
Aranburuk prentsa-ohar batean adierazi duenez, langileak "kezkatuta" daude "gaur oraindik ez zekitelako lanpostura joan behar zuten ala ez".
Buruzagi sindikalak patronalari egotzi dio mezu "katastrofista" zabaldu duela neurriaren inguruan, eta, bere ustez, "argi" ikusi da "interes ekonomikoak osasunaren gainetik" jarri dituela "modu arduragabean".
ELAren esanetan, "albiste ona" da Espainiako Gobernuarena, baina "duela egun batzuk" hartu beharrekoa zela iritzi dio, eta Jaurlaritzak "patronalaren interesak herritarren osasunaren gainetik" jartzen jarraitzen duela salatu du.
Erabakia lehenago hartu behar zela azpimarratu du ohar batean, "agerikoa zelako lantokiak kutsatzeko guneak zirela".
ELAk gogora ekarri duenez, azken asteotan neurri horixe aldarrikatu du, "zientzialariek eskatzen zuten moduan". Sindikatuak esan du "zalantzagarria" dela oinarrizkoen zerrendan sektore batzuk sartu izana, baina "osasun publikoa eta normaltasunera ahal den azkarren itzultzea lehenestea neurri positiboa" dela.
Bestalde, Raul Arza UGT Euskadiko idazkari nagusiak adierazi duenez, Espainiako Gobernuak osasun alorreko adituen aholkuei jarraituta hartu badu erabakia "egokiena" izango da, baina, erkidegoei erreferentzia eginez, nahiago zuen "guztion adostasuna".
Efe albiste-agentziari emandako azalpenetan, UGTk bat egin du Espainiako Gobernuak agertutako "beharrarekin", "lehenengo langileen osasuna" dagoelako koronabirusaren zabalkundearen aurrean..
Loli Garcia CCOO Euskadiren idazkari nagusiak, berriz, esan du "zentzugabeak" izan zirela Espainiako Gobernuaren "moduak", "nahasmendu handia" sortu dutelako.
Aipatu albiste-agentziari nabarmendu dionez, Espainiako Gobernuaren jokabideak "nahasmendu eta zalantza handiak sortu ditu, eta hori ez da ona langileentzat eta enpresentzat".
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.