Jaurlaritzak oinarrizko jardueretako langileentzako akreditazio-formularioa egin du
Eusko Jaurlaritzak oinarrizko jardueretako enpresetako langileen joan-etorriak errazteko akreditazio-formulario bat eskainiko du astelehen honetatik aurrera, Estefania Beltran de Heredia Segurtasun sailburuak iragarri duenez.
Nekane Murga Osasun sailburuarekin batera egindako agerraldi telematiko batean eman du neurri horren berri Beltran de Herediak. Igande honetako gauean argitaratu zuen errege lege-dekretua Espainiako Gobernuak BOEn, oinarrizkoak ez diren jarduera ekonomikoen debekua arautzeko; 15 egunez izango dira debekatuta, koronabirusa heda ez dadin.
Sailburuak azaldu duenez, Segurtasun Sailak, Ekonomiaren Garapen eta Azpiegitura Sailarekin elkarlanean, akreditazio-formularioa egin du: "Eredu erraza da; oinarrizkotzat jotzen diren zerbitzuak edo ekoizpenak egiten dituela adierazten duen enpresaren datuak agertzen dira, bai eta langilearen beharrezko joan-etorriaren gaineko datuak ere".
Eredu hau Jaurlaritzaren web orrian izango da eskuragarri, astelehen honetatik aurrera, eta merkataritza-ganberei, Confebaski eta sindikatuei ere helaraziko diete. Hemen deskargatu ahal duzu.
Beltran de Herediak esan duenez Ertzaintzak eta udaltzaingoek kontrolak egiten jarraituko dute, "orain arte bezala, kontrol estuak eta sakonak, lanean jarraitu beharko duten langileei laguntzea helburu". Zehaztu duenez, "nahikoa izango da oinarrizko jarduerak egiten dituzten enpresen formularioa ematearekin". Enpresek eurek eman beharko diete langileei formularioa.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketa zilegi den zalantzan jarri dute.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.